Mentri Jalan mbak pajeng ba birau payua hu Harak pathau khan payua Thủ tướng ka bruk pasang iek mbaoh tangin brei ngak papraong, pasiam 3 jalan Raya 53, Raya 62, Raya 91B di Bhum taneran kraong Cuu Long, pandar phun jien Gilang pariak Dunya. Dom labik jalan raya hu ba tabiak daok dalam dom tỉnh Long An, Vĩnh Long, Trà Vinh, Cần Thơ, Hậu Giang, Sóc Trăng saong Bạc Liêu. Klau jalan nan meyah hu mbaoh tangin brei ngak, meda daong jhul patagok kinh te - xa hoi, khik siam mekre salamat bruk nao mai angaok jalan.

Dah page ini (29/3), Sở Ngak nong saong patagok palei pala tỉnh Hậu Giang peih bruk palao labaih 50.000 drei ikan piah pabak veik kaya ikan. Bruk ngak ini piah paglaong hatai sahaneng di rahra ka bruk khik ramik kaya ikan, raong veik kaya ikan, abih di nyu nan lac dom janih mbuan lahik nao, janih quý hiếm. Tapa bruk ngak nan, hu daong pasiam pabak veik kaya ikan, parilo dom janih kaya ikan, piah pasiam jalan ngak mbnag duah jien, paglaong raidiuk ka rahra daok diukrai pagam pambak tame kaya ikan.

Mban Thường vụ Tỉnh đoàn Bình Thuận birau pok meyaom 2.300 Bi thu Chi ndoan palei, khu pho naih gheih thun 2024. Ini oh lac dom urang jakar Ndoan ngak hu rilo bruk siam dalam bruk ngak saong bruk jak ba dam dara bo daok  lac dom urang naih gheih di yaok gah, pambuak haong  bruk bac megru saong ngak tui jalan hadah krah di HCM. Dalam tukvak anak tal, Tỉnh đoàn caong khin yaok urang ndoan, dam dara patui jalan patagok prein khang di dam dara, lac dom urang naih gheih di bruk jak ba di Ndoan, lac dom patuk hadah rik tame padang ngak bhum palei  Bình Thuận dak harei dak siam mekre, kaya meda, ilamo, anit ranam, patagok samar, khang kajap.

UBND tỉnh An Giang bahrau pok angan ka 11 xã mek hu tanut chuan xa palei pala bahrau, palei pala bahrau paglaong saong palei pala bahrau kiểu mẫu thun 2023. Dalam nan 5 xã mek hu tanut chuan “Xã palei pala bahrau paglaong”, lac Lương An Trà di huyện Tri Tôn, Long Điền B di huyện Chợ Mới; Phú Vĩnh, ban sit Tân Châu; Vĩnh Châu di ban Châu Đốc saong Vĩnh Nhuận, huyện Châu Thành. UBND tỉnh An Giang jeng hu pok brei xã Định Thành, huyện Thoại Sơn mek hu tanut chuan “Xã palei pala bahrau kieu mau ka gah ngak mbang, pala drak” saong xã Vĩnh Trạch, huyện Thoại Sơn mek hu tanut chuan “xa palei pala bahrau kiểu mẫu ka gah pato magru”.

Dalam 11 adit akok thun ini, TPHCM hu 1.495 urang njauk ruak tangin takai cabuai mai iek ruak saong tame taong ruak di dom sang iek ruak. Muk Lê Hồng Nga, Pho Yam ndoc Pasak pasang iek ruak kik  TPHCM brei thau, bilan 3, bilan 4 yaok thun lac tukvak bhian hu rilo urang ruak tangin takai cambuai, tagok baoh ia, quai bị saong meda jeng ruak praong dalam dom sang bac atau di labik hu rilo uranaih. Kayua yau nan ye gah y te kakei bhap bini  brei ngak tui dom jalan pacang caga ka rup eng saong gauk gar dalam sang, abih di nyu lac uranaih saong urang oh ka klauk jru pacang ruak.

Kadung jien uranaih Liên hợp quốc (UNICEF) di Liên Hợp Quốc brei thau lac uranaih saong dam dara di Gaza daok dak harei dak haduh hatai anak bruk kurang gah pabak pandap mbang. Dom uranaih dalam dom sang iek ruak saong dom uranaih menek kurang bilan daok dalam lồng ấp njauk kan kandah. Tui urang brei panuac di UNICEF, bruk eik lipa di Dải Gaza lac “kayua anek manuac ngak tabiak”. Yaok ratuh radaih pajeng pandap mbang daok cang di jalan tapen negar min oh hu adat brei nduac tame. UNICEF ieu kanja Israel peih dom pabah mbang tapen negar di gah barak, bruk ini meda tamat abih bruk eik lipa dalam dom harei.

Jabat Salamat pandap mbang Bulgaria duah mboh sruh jir ruak manuk ada anek ruak khang di sa labik raong praong 86.000 drei manuk binai mebaoh atah di ban ine Sofia labaih 130 km gah Đông Nam. Dom manuk ada  mboh lac njaom virus kum saong dom manuk ada hu taom gaok anek ruak meda brei ba nao am cuh klak piah pasang iek ruak, pacang bruk njom pambak ruak praong. Kuhria meng kaok thun tak ini, Bulgaria hu 8 sruh jit ruak kum manuk ada di dom labik raong manuk ada praong dalam taneh ia.

Daok di Mỹ, dom janih ia tasau meng lamo ia tasau di dom bang Texas saong Kansas, Mỹ dut iek mboh dương tính haong cum manuk ada H5N1. Min, gah y tế Mỹ ndom lac gah pabak ia tasau pablei di negar ini lac salamat saong dom kanjhak jhak tal rahra lac biak biar. Piah pacang caga haong bruk anak mata ini, dom gah ngak tabiak ia tasau daok kham marat patagok bruk salamat sinh học di dom labik raong glang di Mỹ, dalam nan hu bruk patakik dom manuac tame tabiak labik raong glang, ngak tabiak, patakik bruk nao mai di urang ngak pak ini saong tok brei ka dom urang brei ngak./.