Meng dom phun jien nan, dom mentri, jabat T.Ư peih bruk pala drak saong papar sap papar binguk labaih 590 danak; 64 blah mbao in; ngak tabiak saong ba tagok labaih 6.570 kadha vak hu asar dalam, khaw tin, thaot binguk, 90 file điện tử, 1.725 pandap truyen thong karei di angaok mbao điện tử…piah pabak khaw tin hu mboh di dom gah brei ka bhap bini di bhum palei hu bruk kinh te - xa hoi  biak kan kandah, xã kaoh pulao, huyen kaoh pulao.  

UBND tỉnh Bạc Liêu bahrau peih mbang pahadar 10 thun UNESCO pok angan Đờn ca tài tử Nam Bộ lac Inem krung ilamu oh mboh di mata lambaok ka menuac sia dunya (2013 - 2023). Dalam 10 thun tapa, Bạc Liêu hu peih labaih 1.500 mbang pathau khan ka bruk khik ramik, patagok yaom glaong inem krung ilamo oh mboh di mata Đờn ca tài tử, dui pachreih hu labaih 100.000 mbang urang hu mbaok tame; patabiak labaih 500 ấn phẩm pabak ka bruk roh duah saong duah thau ka Ilamo Đờn ca tài tử. Bạc Liêu jeng hu peih 27 tal ka Ilamo Đờn ca tài tử, dui pachreih hu labaih 2.500 urang hu mbaok tame.

Kuhria tal ini, hu 214 urang dunya brei mboh bruk hu mbaok tame Festival Dunya gah padai brah Việt Nam- Hậu Giang 2023. Festival Dunya gah padai brah peih ngak meng harei 11 tal harei 15/12 anak tal, hu mbaok di 37 taneh ia. Piah duh hu siam ka dom nyaom tuai dunya, tỉnh Hậu Giang hu pambuak bruk haong dom khách sạn praong di Cần Thơ daong bruk taduan raok tuai. Langiu di nan, tỉnh brei padang nyaom 50 urang halan hatian joi sap negar langiu piah tacei ba tuai dunya, khik brei salamat saong njauk hatai di tuai dunya.

Di Tiền Giang birau mboh 1 urang ruak đậu mùa khỉ akok meti. Urang ruak lac Trần Minh T. ndih tapui 1991, daok di palei 1, xã Cẩm Sơn, huyện Cai Lậy. Harei 20/11, sa-ai T mboh ruak dom laka angaok kalik lac dom mun ia angaok mbaok, ta-da, tangin, taok gam la-ar dalam rup. Hadei di nan urang tame Sang iek ruak Nhiệt Đới TP. HCM iek ruak saong mboh dương tính hoang virut đậu mùa khỉ saong hu brei daok karei piah taong ruak di sang. Tui Sở Y tế Tiền Giang, urang ruak nan oh ka thua njom meng halei, meda takik lac njom di palei.

Jabat chức năng TP.HCM daok pasang iek makna di bruk khuah sang di quận Tân Bình, ngak ka dua urang metai. Bruk khuah sang rahtabiak di maong 9 melam kabroi (5/12), di baoh sang pak labik 305/19/13 jalan Lê Văn Sỹ, Phường 1, quận Tân Bình, TP.HCM. Di tukvak nan, rahra daok di labik ini mehit sap patuh praong. Hadei di nan, thak par tagok, rilo urang preo tagok, duah jalan padam apui min oh jeng. Tuk gah chức năng padam hu apui ye duah mboh dua urang metai di labik kanjan saong tal bier abih di sang. Bruk khuah nan ngak ka rilo drap ar dalam sang khut, pui mbang abih.

Tapa duah thau bahrau di Reuters/Ipsos brei mboh bruk pachreih tui Tổng thống Mỹ Joe Biden trun tal tanut jaik biar abih dalam vaktu ngak bruk. Urak ini tok hu 40% dom urang hu sua tangi khan lac pachreih tui bruk ngak di ong Biden dalam angan tổng thống. rilo urang kuhria mboh dahlau lac Tổng thống Biden meda dang anak bruk pilih ruah di bilan 11/2024 haong Tổng thống dahlau deih ong Donald Trump, urang daok dang akaok dom angan hu đảng Cộng hòa ba tabiak . Tui duah thau, urang Mỹ maong bruk kinh te, kol toi pham saong bruk nhập cư lac dom bruk praong bo taneh ia daok gaok. Ini lac bruk bo ong Trump saong dom urang dalam Ndang Cộng hòa hu panuac chỉ trích Tổng thống Biden.

Tui Gah Thú y Dunya, sa mbang tamuh jit ruak kum manuk ada H5N1 biak mbuan njom mbak hu brei thau di sa trang trại manuk ada di bhum Tây Bắc negar Bỉ, jaik Pháp. Takik abih lac 95 drei cim metai, 20.100 drei njuak ba nao am cuh klak. Dahlau di nan, Đức khan lac hu 11.500 drei manuk tây brei am cuh klak. Di Hà Lan, hu labaih 110.000 drei manuk brei am cuh klak di sa bein athur hu labaih 90 drei cim mbuan njom ruak virius jeng njauk am cuh klak. Dalam  dom thun jiak ini, jit kum manuk ada H5N1 ngak brei yaok rituh drei manuk ada di dunya njuak am cuh klak.

Nghị viện châu Âu saong dom taneh ia dalam Liên minh châu Âu (EU) bahrau brei tapa dom adat bahrau piah pacang bruk thời trang samar saong trun manieng bruk tachrauk nerak, dalam nan hu bruk pakauk am cuh klaak khan aw daok kandaong labaih dalam kho. Tui jalan ngak ba tabiak kayua Ủy ban châu Âu (EC) khan brei thau di thun dahlau ka bruk pakauk am cuh klaak dom pandap panda daok kandaong labaih hu gah jhik manyim saong kalik takhaok. Tui EU, gah jhik manyim ngak jhak ka 4 tal alam môi trường saong biến đổi khí hậu tok hadei di bruk ngak tabiak pandap panda, sang danaok saong jalan mbak nao mai./.