Mentri Y te daok pok tagok du thao Sarak di Thu tuong ba tabiak ka bruk daong yaok bilan ngan haong urang y te palei pala, amuk mbuai palei pala. Dalam negar kuhria abih tih 3.077 amuk mbuai hu bac megru, min labaih meteh padeih ngak bruk kayua oh hu jien. Kuhria tal bilan 9 thun 2024, dalam negar hu labaih 1.400 amuk mbuai palei pala daok ngak bruk. Urang ngak praong Mentri Y te jeng caong khin dom mban, dom gah, kapol nyaom saong bhap bini rik prein tame haong Mentri Y tế dalam bruk khik ngak tui, parilo amuk mbuai palei pala.

Bruk ngak mbang pambuak gauk di tinh Ben Tre dak harei dak patagok, daong ngak jeng pandap panda hu kein lagaih piah duh ka rahra. Urak ini, hu 184 HTX daok bhian peih ngak hu jien mek tame kuhria rah tapa labaih 2,4 ty dong sa thun; jien laba kuhria rah tapa labaih 330 trieu dong sa thun; jien mek tame kuhria rah tapa di urang ngak meng  6 - 7,5 trieu dong sa urang sa bilan. Rilo HTX brei hu bruk ngak bhian ka urang ngak, dui pachreih dom urang lahe tukvak di bhum palei saong cakrok patagok dak harei dak glaong.

Mbiah tal ini, tỉnh Tiền Giang hu taong abih xã mek hu angan palei pala birau, dalam nan hu 9 xã palei pala birau kieu mau saong 55 xã mek angan palei pala birau paglong. Thun ini, tỉnh Tiền Giang kham merat hu 9 xã palei pala birau kieu mau saong 12 xã mek hu angan palei pala paglong. Ta-eng huyen Chợ Gạo mek hu taong abih 9 tanut angan huyen Palei pala birau paglong saong daok ngak brei salah harak gal piah likau taduan angan. Di dom xã palei pala birau, palei pala birau paglong, kieu mau raidiuk mbang ngui, bruk sahaneng kuhria di bhap bini rahra oh padeih patagok; ha tang palei pala hu buh jien tame ngak dak harei dak siam mekre saong khang kajap.

Uy mban Bhap bini xa Bình Minh, huyện Bù Đăng, tinh Binh Phuoc bahrau brei pandap kaya ngak nong piah duh ka bruk pala drak, patagok bruk ngak mbang ka dom baoh sang mikva bangsa takik. Tui nan, xa hu brei pandap kaya ngak nong ka 9 baoh sang, yaok baoh sang hu daong 10 trieu dong. Tapa bruk daong pandap kaya ngak nong piah ka baoh sang kathaot bangsa takik hu kein lagaih piah salih bruk ngak, parilo jien mek tame, oh daok kathaot. Taphia nan, dalam thun ini, xa jeng pabak 7 kuang ia ka dom baoh sang kan kandah, daong rahra hu ia hacih piah pandar, daong paglaong raidiuk mbang ngui.

Uy Mban Bhap bini Ban raya Ho Chi Minh brei ba tabiak yaom harak vé radaih ndien jalan pasei ndo thi taka 1 Bến Thành - Suối Tiên. Tui nan, harak ve bayar jien tapak yaom meng 7.000 đồng tal 20.000 đồng; harak vé bayar jien online lac 6.000 đồng tal 19.000 đồng yaok mbang ndik kuhria tui jalan atah atau jaik. Harak vé lac 300.000 đồng sa urang. Ngan haong anek saih, sinh vien lac 150.000 đồng sa bilan. Dalam sa bilan akaok peih brei mek jien, Ban raya Ho Chi Minh brei daong abih taong abih harak vé piah pachreih bhap bini ndik radaih metro taka 1. 

Ceik apui Lewotobi Laki laki daok pruh veik khang ngak ka 3 palei dalam bhum gah Timur Flores di Indonesia mbuan dauk dalam yung nyam la-an meng dom kraong ia mai meng tabung ceik nan. Jabat Kuhria Langik tasik saong Baoh taneh Indonesia jeng hu ba tabiak panuac kakei dahlau ka bruk mbuan rah tabiak dauk dalam yung nyam la-an meng apui, hadei dom mbang hajan praong di dom bhum taphia. Kuhria meng akaok bilan 11, tuk ceik apui Lewotobi Laki laki pruh ngak khat lahik saong kan kandah tal menuac sia dalam bhum.

Sa mbang ribuk khang hu taong yaom yau “ribuk mbom”, hangin khang tagok meng  80 km sa mon tal 110 km sa mon tuh tame labik Bờ Tây negar Mỹ dalam harei kabroi, ngak takik abih 2 urang metai gam ngak điện ralo labik jeng yau ngak gar jalan biak trak damah. Dalam dom harei anak tal, kuhria mboh dahlau ribuk tuk mai gah bang Oregon saong gah Barak bang California dalam dom harei anak tal saong ngak hajan praong gam ribuk dauk trak. 

Philippines bahrau padang Danak dak nang luong ia harei praong abih di angaok dunya ini. Danak dak nang luong ia harei MTerra kuhria ba tame pandar dalam thun 2027 saong pabak ndien ka labaih 2 trieu baoh sang saong trun tathuak nerak carbon labaih 4 trieu tấn yaok thun, samu haong bruk brei oh daok 3 trieu radaih oto nduac meng xăng angaok jalan. Danak dak jeng duah hu lagaih 10.000 bruk ngak, jhul tagok bruk ngak mbang dalam bhum palei saong peih tabiak jalan cakrok saong patagok.