Ngak tui panuac tacei pato di Thu tuong Rajaei, Akok Hoi ndong Pakacah – Khen thuong Trung uong ka bruk jak ba pakacah “Palahik sang taik tahak, sang hluk” meng ini tal thun 2025 saong likau UB Trung uong MTTQ Viet Nam peih bruk pambuak haong Mentri Nội vụ, Mentri LĐ, TB saong XH saong dom jabat  pambuak bruk peih ngak; piah pamong tal bruk pahadar 50 thun peih paha gah Meraong negar, yasa taneh ia saong salam uan Nyaom roya Đảng dom pakat vaktu mbang 2025 -2030; MTTQ Việt Nam pambuak saong Rajaei  peih bruk jak ba “Palahik sang taik tahak, sang hluk” piah patagok jalan sahaneng  jum pataom, anit ranam di bangsa, jak ba dom gah rik prein tame ngak brei salah danak dak palahik sang taik tayaik ka taong abih baoh sang kathaot dalam negar.

Di tukvak thun bahrau jaik tal - Xuân sak inegirai, urang pan akaok Bảo hiểm xã hội (BHXH) Việt Nam hu nao rivang, alin pandap urang ruak kan kathaot saong alin sổ BHXH, thẻ BHYT ka urang gaok kan kandah di TP. Hồ Chí Minh saong tỉnh Bà Rịa - Vũng Tàu. Di TP. Hồ Chí Minh, Tổng Yam ndok BHXH Việt Nam Nguyễn Thế Mạnh hu jao 30 sổ BHXH, 200 thẻ BHYT tal urang lambaok Kapul urang kumei ban raya piah alin ka dom urang gaok kan kandah. Kapul ngak bruk gam haong dom urang daong ba jeng hu jao tapak 10 sổ BHXH, 30 thẻ BHYT saong 40 paok pandap ka rahra di pak ini. Di tỉnh Bà Rịa - Vũng Tàu, dom urang daong ba hu alin 50 thẻ BHYT saong 50 paok pandap ka rahra gaok kan kandah, alin 200 thẻ BHYT ka urang gaok kan kandah.  

UB MTTQ TP. Hồ Chí Minh pambuak haong Kong ty Ameh pariak Phú Nhuận ( PNJ), Liên hiệp Hợp tác xã Pablei salih Ban raya (Saigon Coop) birau peih ngak Dom darak sieu thi mini Tết zero jien brei ka urang ngak kan kandah blei pandap tet. Labaih 15.000 urang hu mbaok tame danak lac dom baoh sang raidiuk kan kandah. Yaok urang hu taduan phieu blei jaik 50 pandap hu yaom 400.000 đồng. Kuhria abih tih di danak dak kuhria labaih 7,5 tỷ đồng. Thun ini hu 6 cụm siêu thị di dom quận 7, 10, Bình Thạnh, Bình Tân, huyện Hóc Môn saong TP. Thủ Đức. Danak dak  hu jeng  bruk bhian randap, lac labik vaih tame tuk jaik Tet.

 Tui Mban peih ngak, Jalan bingu Nguyễn Huệ Tết sak inegirai thun 2024 di TP. Hồ Chí Minh meda hu biak rilo urang pachreih, takre meng di pabah mbang, ngan haong anek inegirai atah labaih 100m. Ngan haong asal kadha “Xuân anit ranam, Tết jumpataom gauk”, danak dak Jalan bingu Nguyễn Huệ Tết thun ini meda ba mai ka tuai sa labik biak gheih ghang, praong praong ka mata ngan haong dom labik biak lagaih, yau ye “Bein bingu mai Bác Hồ”, “Gilai inegirai bingu xuân”… Tuai daok hu ndik dom sruh gilai, maong iek bingu hala di dua gah tapen. Abih di nyu nan lac đại cảnh “Nhất đại Thăng Long” praong abih di Jalan bingu, praong labaih 1.000m2.

Dom bộ phim ralo janih yau phim ngak kadop klao, phim taong gauk, phin phut phong, phim thaot  binguk hu chieu dalam tuk padeih Tet Nguyen dan nasak ine Girai pagol ba mai  rilo bui sambai. Dom kadha phim ngak kadop klao di gah điện ảnh Việt Nam, dom angan phim taong gauk, phin phut phong, phim thaot  binguk di dunya jeng hu tabiak chieu, ba mai ka urang iek dalam dom harei akaok thun. Harei 1 bingun  Tet, rạp phim Việt chiu phim taom gaok sa-ai kumei metian lac phim ngak kadop klao – baoh sang meda ba mai rilo bui sambai, chreih chrai gam haong kadha ngak urang draut druai ka baoh sang.

Tui panuac khan bahrau ini brei mboh, nền tảng online Netflix hu veik labaih 13 triệu urang tut angan tame bahrau tok dalam Quý 4 thun 2023, tapa nan patagok dom tuai pandar tagok glaong abih meng nan mac ngan haong labaih 260 triệu tài khoản biyar jien. Bhum Trung Đông saong Châu Phi, châu Âu saong châu Á - Thái Bình Dương lac 3 darak pasa dang akaok ngan haong tanut patagok laik tut angan bahrau dalam quý 4 thun 2023 di Netflix. Di pak Việt Nam, thuê bao Netflix tui tanut chuan urak ini hu yaom kuhria lac 220.000 đồng sa bilan, dalam paok cơ bản hu mayaih khan hu tanut yaom lap jang ngan haong 108.000 đồng sa bilan.

Tui pathau khan bahrau brei thau di gah Y tế dunya (WHO) brei mboh dom urang njuk pakao hala patui veik patagok di Indonesia, nao gilac haong bruk kuhria di rilo taneh ia di dunya. Tui WHO, labaih 38% urang Indonesia labaih umo 14 thun njuk dom janih pakao hala, tagok 2% dut saong thun 2020 saong tagok 5% dut saong thun 2015. Indonesia lac sa dalam dom taneh ia hu manuac njuk pakao glaong abih di dunya. Sa makna lac kayua yaom pakao hala di Indonesia lap; dom cty ngak tabiak, pablei pakao hu eng drei ba tabiak darak pasa, mayaih khan pablei. Rajaei Indonesia daok kham marat bruk pablei tabiak pakao hala di dalam taneh ia meng jalan ngak lac patagok jien je yaok thun.

 # Năng lượng tái tạo daok dak harei dak hu rilo rik tame jang ka talei điện Australia, bruk ini daok ngak trun manieng bruk nerak tathuak sang kreih saong hu caong maong lac meda ngak ka yaom dien pablei le di negar ini trun dalam tukvak anak tal. Tui paka yaok pataom brei mboh, dom dien ngak tabiak meng dom blah pin năng lượng ia harei ramik caik di tabung sang di negar ini pabak hu 101% hatai caong pandar dien di bang Nam Australia. Tỷ trọng rik tame di năng lượng tái tạo tame talei điện tagok, daok ngak ka nerak tathuak sang kreih di gah điện Australia trun 4%, samu haong 1 trieu 100 tấn CO2.