Maong veik jalan nao 10 thun padang ngak Sarak 29 di Ban Chấp hành Trung ương Đảng mbang XI ka bruk salih bahrau, abih gah dalam bruk pato magru, pabak hu bruk kong nghiep hoa, hien dai hoa dalam tuk kinh te darak pasa tui jalan xã hội chủ nghĩa saong mbeik drei tame dunya, Ủy viên Mintri Chính trị, Bí thư Thành uỷ TP.HCM Nguyễn Văn Nên ieu kakei, njauk patui veik buh jien tame ngak, taong abih gah pato magru piah samu haong ban hadah krah, baharu. Langiu di nan, ban raya njauk peih ngak catang jalan ngak parabha anek saih, paglaong siam lagaih bruk roh duah saong pandar ilamo kong nghe, abih di nyu nan lac ilamo pato magru.

Peih ngak danak dak alin hadiah sổ BHXH, thẻ BHYT brei ka urang kan kandah saong ba Tết bui sambai tal menuac kan kathaot thun sak inegirai, meng jhung bilan 11/2023 tal harei ini, BHXH Việt Nam haong BHXH dom tinh ban hu peih tabiak rilo jalan ngak, ieu bruk daong brei meng dom doanh nghiệp, urang ngak pahla hu labaih 22 tỷ đồng piah alin hadiah sổ BHXH, thẻ BHYT ka urang kan kandah. Dalam bilan 1 ini, BHXH Việt Nam padang dom kapul nao brei sổ BHXH, thẻ BHYT tal tangin urang kan kandah. 

Tui Sở Lao động - Thương binh saong Xã hội tỉnh Tiền Giang, tapa pathau khan di 112 doanh nghiệp praong ngan haong labaih 101.000 urang daok ngak bruk brei mboh, jien bilan biyar biak tui kuhria di dom doanh nghiệp biyar dalam thun 2023 jaik 8 trieu 6 rituh ribau daong sa bilan, tagok 6,56 % dut saong thun blaoh. Dalam nan doanh nghiệp kanja, kuhria rah tapa jien bilan di sa urang ngak lac 12 trieu 3 rituh ribau dong sa bilan; Doanh nghiệp hu phun jien buh tame di negar langiu kuhria rah tapa lac 8 trieu 6 rituh ribau dong sa bilan. Jien bilan doanh nghiệp biyar glaong abih lac 305 triệu đồng sa bilan; jien bilan doanh nghiệp biyar bier abih lac 3 trieu 5 rituh ribau dong sa bilan.

Labaih 2 bilan tapa, gah chức năng tỉnh Cà Mau mboh hu 8 bruk meriak gauk ka labik taong cap ikan. Dalam dom bruk rah tabiak, hu kapal gilai njauk ginuh khut, hu gilai kapal njauk am kcuh khuah saong hu urang taong ikan njauk rambuas. Anak bruk ini, akaok UBND tỉnh Cà Mau hu tacei pato dom gah pambuak tal, brei samar duah thau cambaih laih, langyah dom bruk, meyah mboh hu menuac ngak suan, brei samar ba tabiak kaoh tui adat hukum, gam haong nan, brei patagok bruk pasang iek, khik ramik dom labik tasik, samar mboh, samar pacang cakak, langyah dom bruk ngak suan, oh caik rah tabiak bruk oh siam.

Mban tacei jalan pacang caga bala langik tasik saong daong duah urang njauk bala di huyện Bình Đại, tỉnh Bến Tre brei thau, gilai ikan kayua ong Phan Văn Hải daok di ban Mỹ Tho peih gilai bahrau gaok bala karam trun tasik, biak patuah 19 urang nao gilai nan hu daong sraong tagok ba tame ar salamat. Makna ngak ka gilai karam di tasik hu brei thau lac kayua gilai gar tavak ba tal pacah khut ngak brei ia nduac tame. Bruk karam gilai ini, ngak khat lahik tal drap ar tuk camriep lac labaih 4 tỷ đồng. hadei di tuk daong saong hu 19 urang di gilai tabiak truh bala, jabat y tế hu peih bruk pasang iek prein yava di dom urang nao gilai saong brei thau lac thei jeng tani tanat; jabat chức năng kham marat daong ka urang gaok bala, duah thau labik gilai karam piah duh ka bruk saraong tagok.

Quốc hội Hàn Quốc bahrau brei tapa dự luật pakauk oh brei mbang saong oh brei pablei ralow sau. Hukum pakauk oh brei mbang saong pablei ralow sau hu đảng cầm quyền ba tabiak saong hu Quốc hội Hàn Quốc brei tapa haong 208 phiếu njauk hatai pachreih tui, hu 2 phiếu mbong patih. Hukum brei thau lac "palahik bruk pablei ralow sau". Bruk pabam pajaih saong sik ngak ralow saw piah pablei ka anek menuac njauk cap mek caik guk 3 thun atau phạt jien 30 triệu won (samu 22.800 đôla Mỹ). Hukum oh hu paka halei taong phạt bruk mbang ralow sau. 

Nigeria brei am cuh klak 2 tan mateh bla limen pablei salih suan adat hu hukum, hu yaom labaih 9 ty 900 trieu u am cuh klak nai-ra, samu haong labaih 11 triệu đôla. Bilan 10 meng blaoh, kanja Nigeria jeng hu am cuh klak 4 tấn kakah tê tê njauk man pateok klaik, yaom 1 trieu 400 ribau đô la. Dalam klau piluh thun tapa, anek limen di negar ini trun biak rilo, meng 1 ribau 500 drei trun daok 400 drei kayua bruk man co klaik bla limen, ngak lahik labik daok saong bruk mesuh gauk di manuac saong limen.

Thun 2023 lac thun pandiak abih di dunya kuhria dalam 100 rabau thun tapa saong jeng lac thun pandiak abih kuhria meng kan mai. Yam ndok Jabat Biến đổi Khí hậu di Liên minh Châu Âu Carlo Buontempo brei thau, yaom lac bruk patagok dom jalan ngak gah khí hậu di rajaei saong dom Cty, min dom khí thải CO2 tathuak tabiak langik tasik jeng daok di tanut glaong di abih. Nồng độ CO2 dalam khí quyển jeng tagok tal tanut glaong di abih, kuhria mboh lac 419 phần triệu. Thun 2023 jeng lac thun camereip abih nhiệt độ yaok harei pandiak labaih 1 độ C duk haong saman dahlau di tuk hu bruk ngak kong./.