Uan raok Tet Nguyen dan nasak Girai thun 2024, harei kabroi, Pho akaok negar Võ Thị Ánh Xuân saong kapol urang jakar mai rivang saong alin pandap Tet ka 260 baoh sang raidiuk kan kandah, baoh sang kathaot, jaik kathaot, urang ngak kong, uranaih sang kan kandah di tỉnh Bến Tre; gam haong nan, alin brei talaoh ka tỉnh Bến Tre 10 baoh sang Jum pataom, kuhria tui jien 500 trieu dong. Kadung jien daong uranaih Viet Nam alin 200 trieu dong ka Sở LĐ-TB saog XH tỉnh Bến Tre. Langiu di nan, Pho akok negar alin 600 paok pandap, yaom abih tih 700 trieu dong ka dom urang dalam sarak karja di tỉnh Bến Tre.

Kapul ngak bruk di Ủy ban Bangsa (UBDT) kayua Thứ trưởng, Phó Akaok  UBDT Nông Quốc Tuấn dang akaok kapul bahrau nao rivang, tadhau ayuh Tết Nguyên đán sak inegirai thun 2024 di dom quận, huyện di dalam ban Cần Thơ. Kapul hu nao rivang, tadhau ayuh Tết di Sang bac gam bac gam daok quận Ô Môn; rivang saong alin pandap tal dom urang hu angan je, dom sang gaok kan kandah di dalam quận Ô Môn saong 2 huyện Cờ Đỏ, Thới Lai. Di dom labik tal, Thứ trưởng, Phó akaok Ủy ban Bangsa Nông Quốc Tuấn biak bui sambai tuk mboh lac dom baoh sang kan kathaot lac mikva bangsa takik di dalam ban Cần Thơ trun khang, raidiuk di mikva bangsa takik dak harei dak hu paglaong, dom bruk ngak nong naih joi dalam bhum mikva dak harei dak rilo.  

Bí thư Tỉnh ủy Long An Nguyễn Văn Được saong kapol urang jakar mai rivang, alin pandap ka dom urang dalam sarak karja, urang Công đoàn, urang ngak hu raidiuk kan kandah di huyện Bến Lức tuk Tet Nguyen dan nasak Girai 2024. Di dom xã Lương Bình, Lương Hòa, huyện Bến Lức, Bí thư Tỉnh ủy Nguyễn Văn Được hu jao 420 paok pandap brei ka dom urang dalam sarak karja, baoh sang kan kandah, yaok paok pandap ka urang dalam sarak karja lac 1 trieu jien, brei ka baoh sang  kan kandah lac 500.000 đồng. Bí thư Tỉnh ủy Long An hu jao 50 paok pandap brei ka urang kong doan, urang ngak hu raidiuk kan kandah di Kong ty TNHH Tungtex Fashions Việt Nam.

Harei ini, di xã Phú Tâm, huyện Châu Thành, mban pato tacei jalan peih ngak Tết bol lin – rahra tỉnh Sóc Trăng peih dom bruk ngak Tet lin – rahra” ngan haong asal kadha “Kapol bol par phao kraong tỉnh Sóc Trăng mai veik haong halau gha, bui sambai raok Tết sak inegirai thun 2024”. Tui jalan ngak, dom kapul bol pan phao kraong pambuak haong so, mban, gah, kapul nyaom chính trị - xã hội tỉnh saong huyện Châu Thành peih bruk ngak daong ka bhum palei saong rahra pasiam veik dom danak dak pabak ka rahra; padang ngak saong alin hadiah “sang jumpataom”; iek ruak, brei jru oh mek jien ka rahra. taphia di nan, daok hu nao rivang, alin pandap ka dom sang sarak kanja, sang mikva bangsa, dom sang gaok kan kandah; alin jien bac, radaih juak ka anek saih sang kathaot, yam tagok kan kandah bac ta-a naih joi.

UB bhap bini tỉnh Kon Tum birau mbaoh tangin tame harak brei ngak Danak dak Cak rok patagok phun mbang baoh khang kajap dalam tỉnh tal thun 2025, pamong tal thun 2030. Bruk pamong tal di Danak dak lac tal thun 2025, dalam tỉnh meda hu 13.000 ha phun mbang baoh saong patagok 15.100 ha di thun 2030. Dalam bruk kham merat tal thun 2025, tỉnh Kon Tum pataom tame pala phun patei, phun hu pasiu,  phun durien, chanh day, bơ song panat…Phun mbang baoh  hu pala di taong abih 10 huyện, ban di tỉnh, ngan haong taneh praong abih di dom huyen Đăk Hà, Sa Thầy, Kon Plông, dalam nan hu takik di nyu  2.450 ha pala sa janih.

Urang lambaok negar Trung Quốc di Hàn Quốc hu kakei rahra negar ini tuk mai tal Hàn Quốc blaic raih ngak gheih njauk caik hatai, oh pang tui dom panuac mayaih khan saong caik hatai pilih ruah dom gah piah ngak. Khau tin di mangaok tài khoản WeChat di urang lambaok negar Trung Quốc pak Hàn Quốc brei thau, dom thun jaik di ini, rilo urang negar langiu mai tal Hàn Quốc piah blaic raih ngak gheih saong dom urang hu gaok dom bruk meriak gauk gah y te, dom urang blaic raih oh jeng, meda ba tal metai. Taphia di nan, mayah hu bruk salih hagait di mbaok mata, rup pabhap tuk blaic raih ngak gheih atau jeng daok dalam tukvak pasiam veik, njauk ba tui dom harak gar brei thau lac hu blaic raih blaoh tuk tabiak negar mai gilac taneh ia, oh caik gaok kan kandah tal bruk ngak adat tabiak saong tame negar.

Australia saong Nhật Bản brei thau bruk peih ngak sa danak dak pambuak bruk roh duah patagok kong nghe robot saong dom hệ thống tự động ngak bruk mesuh metak ala tasik, pakhang bruk pambuak nao mai saong klah rabha kong nghe di bol lin dua taneh tui jalan ka 2 ka ilamu kong nghe di Thoả thuận AUKUS. Danak dak hu padang sa he thong taom gaok  saong patagok bruk pambuak gauk di bol lin Australia saong Nhật Bản dalam mesruh metak meng kapal gilai ala ia saong angaok mbaok ia. Bruk peih ngak nan pamong tal taong abih bhum taneh di Ấn Độ Dương - Thái Bình Dương, bhum tasik jaik taphia dua taneh ia saong dom jalan tasik, bhum tasik hu makna praong di bhum.

Tui pathau khan dunya bahrau brei thau lac, mbang  ia sua biak trak damak di Libya bilan 9 blaoh  ngak tabiak sa bala ka langik tasik saong alam môi trường, caong 1 ty 800 trieu USD piah padang ngak veik saong pasiam veik. Dom labik praong di ban Derna njauk khut abih dalam mbang ia sua hadei di tuk hajan khang meng ribuk Daniel ngak tayah tayaic binek klak, ngak theik  abih tih trun Địa Trung Hải.Pathau khan jeng brei thau lac, bala  ngak kan kandah tal 1 trieu 500 ribau urang, samu 22% rahra Libya, dalam nan hu labaih 4.350 urang hu brei thau lac metai saong 8.000 urang jeng daok lahik./.