Page ini, Kapol urang jakar ngak bruk di UV Mentri Chính trị, Pho akaok Thuong truc Quoc hoi Trần Thanh Mẫn hu mai rivang, tadhau ayuh Tet saong alin pandap ka urang ngak hu raidiuk kan kandah di Kong ty Lạc Tỷ 2, khu kong nghiep Tân Phú Thạnh, huyện Châu Thành A, tỉnh Hậu Giang.  Dalam chreih  chrai uan raok Thun birau nasak Girai 2024, Pho Akok Thường trực Quoc hoi Trần Thanh Mẫn payua panuac tal dom urang ngak praong dom doanh nghiep  saong kapol urang ngak kong urang ngak bruk, urang ngak dalam KCN Tân Phú Thạnh saong urang ngak di tỉnh Hậu Giang panuac rivang saong tadhau yuh siam mekre abih. Di var rivang saong tadhau ayuh Tet, Pho akok Thuong truc Quoc hoi saong kapol urang jakar hu alin brei 170 paok ndap ka urang ngak hu raidiuk kan kandah di Kong ty Lạc Tỷ 2.

Salam uan Tết thun sak ine girai 2024, harei kabroi, ong Nguyễn Khắc Định, UVTW Đảng, Phaok akaok Quốc hội hu mai ravang, tadhau ayuh Tết mikva daok di 2 huyện Thuận Bắc, Ninh Hải, tỉnh Ninh Thuận saong hu mbaok tuk peih bruk ravang iek, brei pandap di nyaom darak “Tết anit ranam”; ravang, alin hadiah pandap ka Anh hùng Lao động Hồ Thị Lượm; ravang, brei pandap Cty TNHH Đầu tư Vietsun Ninh Thuận. Di xã Công Hải, huyện Thuận Bắc saong xã Vĩnh Hải, huyện Ninh Hải, Phaok akaok QH Nguyễn Khắc Định hu brei 200 pok pandap, yaom 1.200.000đ sa pok ka dom sang sarak karja, sang kan kathaot, sang jaik si kan kathaot, sang urang bangsa takik gaok kan kandah dalam palei.

Page ini, Kapol Chữ thập đỏ tỉnh Dak Lak peih ngak Danak dak Bak hatai Ranam bilan xuan, alin pandap Tet ka dom baoh sang kathaot di Ban Buôn Ma Thuột. Danak dak, mban peih bruk hu alin brei 100 paok pandap, yaok paok yaom 500 ribau đồng. Ini lac sa dalam dom bruk peih ngak danak dak Tet Anit Ranam thun birau nasak Girai kayua Kapol Chu thap đo pambuak haong dom đơn vị saong dom bhum palei peih ngak. Kapol Chữ thập đỏ tỉnh Dak Lak jak ba hu labaih 2.600 paok pandap, kuhria tui yaom jien lac abih tih jaik 1,3 tỷ đồng. Danak  dak daok hu peih ngak tal harei 4 bilan 2 anak tal piah pambak praong bruk uan raok Tet  tal yaok bhap bini, abih di nyu lac dom baoh sang urang kan kathaot, mbuan gaok kan kandah dalam bhap bini.  

Meng harei ini tal harei 30/1, tỉnh Tiền Giang hu nao ravang, alin hadiah pandap brei ka dom sang sarak karja, sang buh prein ka CM, sang kan kathaot dalam tinh. Tui nan, dalam tỉnh Tiền Giang hu labaih 35.300 urang buh prein ka CM hu akaok negar alin pandap, brei jien meng 300 tal 600 rabau sa urang, abih tih pok jien lac 10 tỷ 900 triệu. Meng pok jien di kadung jien karja tỉnh lac 26 tỷ 700 triệu, tỉnh Tiền Giang daong brei ka labaih 67.600 urang buh prein ka CM meng 300 rabau tal 1 triệu. Tỉnh daok hu nao ravang, alin pandap ka sang sarak karja hu angan, urang lin ngak bruk di Trường Sa, nhà giàn DK1 haong yaom pandap lac 3 triệu sa pok pandap.

Tui khaw tin meng Cục Cảnh sát jalan mbak, Mentri Kong an, dalm 10 harei ngak bruk tabung glong khik ramik trật tự, salamat jalan mbak tuk Tet Nguyen dan nasak Girai 2024, meng 11/1/2024 tal harei 21/1/2024, gah Cảnh sát jalan mbak dalam negar duah mboh, langyah labaih 124.000 mbang ngak suan hukum jalan mbak; chap khik labaih 42.000sruh radaih, chap mek labaih 25.000 blah harak adat peih radaih dom janih. Dalam nan, bruk menyum alak peih radaih  suan hukum labaih 30.000 mbang. Tui bruk ba tabiak, mbang tabung glong nan meda hu cảnh sát  jalan mbak dalam negar peih ngak tal harei 9/3/2024. Cảnh sát  jalan mbak  kakei tuk puac thun  bhap bini brei ngak njauk bruk ba tabiak meyah menyum alak  mbia ye juai peih radaih. Taong abih dom urang ngak suan njauk taong phạt oh hu urang halei brei tapa.  

Sa mbang megei baoh taneh khang 7,1 độ rah tabiak di bhum Aksu, Tân Cương, Trung Quốc tuk dah page ini saong rilo mbang megei sit patui di nan ngak brei rilo menuac njauk rambus saong jaleih sang danaoh. Kuhria tal mon 8 mesup ini, di Trung Quốc hu abih tih 40 mbang megei baoh taneh khang meng 3,0 độ tagok, mbang megei khang abih urak ini nyu khang 5,3 độ, atah di pasak megei praong jaik 17 km. Langik di labik ini urak ini trun daok mala âm 10 độ C. Tui yaok pataom tuk camereip mboh lac, di dom labik njauk khang di mbang megei baoh taneh, hu dom menuac njauk rambuas saong rilo sang jaleih. Urak ini oh ka hu panuac khan ka hadom menuac metai, lahik. 

Apple daok caga peih bruk “tut tame piah bayar jien” di iPhone brei ka dom gah di Liên minh châu Âu (EU), hadei di tuk njauk panuac ndem puac oh njauk hatai kayua khik urang pandar dalam he sinh thai ta-eng di drei. Khaw tin angak nan birau hu UB bhap bini chau Au saong Apple brei thau. Jabat khik iek darak pasar di Lien minh chau Au, brei thau urang daok sahneng kuhria panuac ba tabiak di Apple, hu ba tabiak hadei tuk EC mboh lac “urang praong abih” gah kong nghe Mỹ hu pan dom bruk pandar jien tapa vi di động di hệ điều hành iOS tui jalan atah klak dom gah meriak gauk. Kong nghe NFC brei ka urang tut tangin tame phone labik njuak bayar jien di urang pandar salih ka the tin dung hu vi mạch.

Dom jalan di ban ine La Paz di Bolivia daok bak chreih chrai haong dom bruk parang me-in bak sambo màu. Thaot binguk Chú hề Pepino diuk veik meng baoh quan tài kanyik katam saong meriah bhong hu brei thau lac peih akaok ka Harei pataom hóa trang meng kan Paceno. Thun ini, chú hề Pepino “diuk veik” meng hu Nữ hoàng Lễ hội Santa Cruz kua cum, hu maong lac peih akaok harei pataom hóa trang Paceno meng kan. Yaom lac sit jang rilo duk haong harei pataom hóa trang hadah tanyaak, dane angan di Rio di negar Brazil, min dom lễ hội di Bolivia tuk halei jeng bak sambo màu, ragam tamia saong ragu daoh, dui pachreih hu yaok rabau tuia mai ravang iek./.