Kapol urang jakar hu mai tadhau yuh Tet, alin pandap ka kapol nyaom 3 xã harat urang bangsa takik lac: Phan Thanh, Phan Hiệp saong Phan Hòa; alin pandap ka  mban khik iek Pasak Parang iek ilamu Cam Bình Thuận; alin pandap ka 15  urang halau janeng Cam naih gheih, 6 baoh sang dalam sarak karja saong 7 nghe nhan naih gheih bangsa Cam. Alin pandap ka 30 adei anek saih kathaot hu raidiuk kan kandah saong 30 baoh sang bol bhap Cam di huyen  Bắc Bình.

Bilan durian jaik Tết, dom po bein pablei hu yaom glaong di abih. Urang pala durian biak chreih chrai, caga mbang Tết praong. Urak ini, baoh durian Ri 6 pablei yaom labaih 130 rabau sa kg, durian Mong Thon yaom mangaok 150 rabau sa kg. Dom bein durian di huyện Cái Bè oh njauk ia mbak dom mbang dahlau     nan ye phun praong siam, hu rilo baoh. Yaok ha bein durian paik baoh pablei mbang ini hu laba jaik 2 tỷ. Mikva urang ngak nong pala durian di tỉnh Tiền Giang bui sambai chreih chrai, caga mbang Tết praong.

Sở Ngak nong saong Patagok palei pala tỉnh Dak Nong harei kabroi peih Nyaom biai kuhria pataom iek veik Danak dak daong patagok bruk raong manuk bilau sambo mau hlai pablei di xã Quảng Trực, huyện Tuy Đức. Danak dak hu peih ngak meng bilan 11 thun 2023 ngan haong 40 baoh sang hu mbaok tame. Yaok baoh sang hu brei 100 drei manuk pajaih saong taong abih ndap nda raong glang. Tui kuhria, hadei di 3 bilan raong, manuk praong trak 2 kilo sa drei, manuk diuk hu 97%, jien laba  jaik 2,8 trieu dong dalam 100 drei.  

Mesup ini, Sở Ilamu - Thể thao saong Du lịch tỉnh An Giang; Miuyim  tỉnh pambuak haong kapul Cổ vật tỉnh An Giang peih parang iek ngan saong kadha “Anek girai dalam trang trí ngak mekre di Việt Nam”. Parang iek yaih khan tal bhap bini labaih 190 pandap quý, hu ngak biak tani tanat di dom nghệ nhân angaok dom janih pandap yau ye: lan , kayau, bala lamen, rup cih camin, trang sức… Dom pandap parang tabiak mbang ini hu yaom gah ilamu, sajarah, mekre mata saong hu yaom glaong, brei mboh raidiuk, bruk ngak mbang ngak huak di bhap bini bhum taneh Nam bộ hu khik ramik tani tanat mbiah tal harei ini.

Sở Y tế TP.HCM brei thau, mac jamraih pasang iek ruak njom mbak hu mboh bien the phu JN.1 di SARS-CoV-2 di urang tame iek ruak dalam bilan 12 thun 2023. Bien the  phu nan jeng lac bruk ba tal patagok urang ruak saong metai di dom taneh ia, dalam nan hu Thái Lan. Tui Sở Y tế TPHCM, meng harei 18/12/2023 mbiah tal harei 22/1/2024, hu 94 mbang urang ruak COVID-19 ndih taong ruak di dom sang iek ruak dalam ban, dalam nan hu urang di Ban raya HCM saong dom tỉnh ban karei. Dalam tuk Tet Nguyen dan jaik tal, bruk taom gaok, nao mai meda tagok rilo, Sở Y tế  TPHCM kakei bhap bini juai iek lap, patui bruk ngak tui dom jalan khik caga rup eng, baoh sang saong bhap bini.

Tổng thống Prang ong Emmanuel Macron harei kabroi brei thau lac taneh ia Prang hu caga ginup abih blaoh ka Thế vận hội mùa hè Paris 2024 yaom lac gaok rilo kan kandah meng jit praong Covid-19, srau kadau Ucraina saong dom kan kandah jeng daok meng bruk mbuan hu khủng bố, bruk tapa prein di jalan mbak nao mai… Tổng thống Prang Macron brei thau lac hạng mục công trình caga ka bruk peih tabiak dalam bilan 6 tal jeng hu ngak njauk tukvak. Labik hu makna praong abih lac Palei thể thao Olympic hu peih pakak di harei 29/2 tal. Hu thau, Prang hu caga buh tabiak abih tih 8,8 tỷ Euro piah caga ka bruk thể thao praong abih di dunya dalam bilan hè 2024, tagok jang jaik 13% duk haong kuhria tuk camereip.

Tạp chí Dân số dunya birau brei thau bruk pasang iek glaong abih saong biar abih di anek menuac di dunya thun 2023. Tui nan, bhap bini Indonesia kuhria rah tapa lac biar abih di dunya dalam tuk urang Hà Lan glong abih di dunya. Bhap bini  di dom taneh ia Châu Âu, Châu Mỹ, Australia saong New Zealand lac manuac glong tapa tanut kuhria rah tapa dom taneh ia karei di dunya. Yau nan min, oh njauk lac taneh ia halei jeng glong yau gauk. Bhap bini dom taneh ia Đông Nam Á hu takik manuac glong, Indonesia hu manuac glong takik abih di dunya thun 2023, manuac glong kuhria rah tapa lac 1m58.

Nam cực oh ka tuk halei lac labik nao tal mbuan lagaih ka dom urang takre mạo hiểm chuyên nghiệp. Min ong Dave Thomas, sa urang lin umo 68 thun daok di negar Anh bahrau ini yam tapa kỷ lục urang praong thun abih nao tal Nam cực bo oh cang sa bruk daong halei. Ong Dave Thomas saong urang nao haong gauk lac Alan Chambers hu nao tal labik di harei 19/1, hadei di mbang nao atah jaik 2 bilan (cambaih laih lac 58 harei) tal sa dalam dom labik kan kandah abih di baoh taneh. Dua urang nan tabiak nao meng sa labik daok di gah pai đại lục Nam Cực harei 22/11 saong trượt tuyết nao tal labik bo oh hu bruk daong halei dalam luac tukvak nao angaok jalan atah 1 rabau 180 km./.