Phó thủ tướng Rajaei Trần Hồng Hà hu mbaoh tangin brei peih ngak bruk quy hoạch đô thị Long Thành, tỉnh Đồng Nai tal thun 2045. Tui nan, bruk padang ngak quy hoạch hu mblang taneh praong labaih 430 km2 dalam nan hu gam ban sit Long Thành saong 13 xã. Tui jalan ngak, đô thị Long Thành meda cak rok patagok mek hu tanut đô thị janih III dahlau thun 2030 saong hadei thun 2030 pamaong tal đô thị janih II. Đô thị Long Thành jeng brei thau lac ban di tỉnh Đồng Nai, lac sa dalam dom đô thị praong di dalam bhum hu prein khang di gah maraong negar saong bhum sit pasak di bhum Đông Nam Bộ, đô thị hu prein khang piah cak rok patagok kinh te, xa hoi di bhum đô thị pasak di tỉnh Đồng Nai.

Harei ini, Bộ chỉ huy Bộ đội Biên phòng tỉnh Bình Phước peih bruk taom mbaok pahadar 65 thun harei Bộ đội Biên phòng saong 35 thun Harei Biên phòng abih bhap bini (3/3). Tukvak tapa, Bộ đội Biên phòng tỉnh Bình Phước peih ngak hu siam bruk “Jak ba gheih”, hu brei bruk ka urang jakar, urang đảng iek glang, daong ka 931 sang di labik tapen negar. Pambuak haong dom gah, dom puk palei, peih ngak dom danak dak, bruk ngak patagok KTXH, daong ka rahra patrun kan kathaot khang kajap tapa bruk daong jalan ngak mbang duah jien, padang sang brei, iek ruak, brei jru oh mek jien, daong ka anek saih hu nao bac… Meng nan, hu daong ka bruk “thế trận lòng dân” dak harei dak khang kajap. 

Tui Sở Lao động - Thương binh saong Xã hội TP.HCM, meng akaok thun tal urak ini, darak pasa urang ngak hu rilo hadah hadai, rilo doanh nghiệp  caong pilih ruah urang ngak tagok tal yaok ribau urang ngak, dom urang ngak mai ngak bruk gilac veik tani tanat. TP.HCM daok peih ngak saong parilo janih dom bruk pambuak haong bruk ngak. Tapa nan, rik tame bruk khik kajap dom urang lahik bruk ngak dalam umo thun dalam ban raya tuk halei jeng daok di tanut mala 4%.

Hadei tết, di bhum ĐBSCL, yaom padai trun khang, hu labik trun labaih 1.500 đồng/kg. Yaok ratuh rabau hécta padai đông xuân di ĐBSCL daok tal bilan yuak, min rilo urang blei salih klaak jien caik takai ngak ka urang nong kan duah hu labik pablei. Di dom tỉnh Vĩnh Long, Sóc Trăng, Bạc Liêu, Tiền Giang, Long An…, jaik abih dom urang nong pablei padai tui yaom di urang blei salih ba tabiak, biar jang 1.000-1.500 đồng/kg duk haong yaom caik takai, tui nan, urang nong lahik meng 1-1,5 triệu đồng/tấn padai duk haong yaom sanya dahlau. 

Bruk njom ia mbak di dom labik kraong praong di tỉnh Bến Tre dak harei dak trak damak, abih di nyu nan lac dalam tuk ia tagok daok rahtabiak sarau kadau. Urak ini, abih tih dom sang mac ia jeng daok gaok bruk ia njom mbak tapa tanut. Di huyện Thạnh Phú, dom sang mac ia daok mboh tanut mbak tui kuhria meng 1,5 tal 1,7 mangaok ribau, dalam tuk tanut chuan tok 0,5 mangaok ribau. Yaok harei, gah Ngak nong tỉnh Bến Tre pasang iek ia mbak, gam tui di nan jeng tagok jalan ngak pandar ia lagaih haong bruk njom ia mbak. Tui dom khau tin ka ia mbak jeng hu pabak ka rahra, daong ka rahra hu jalan pandar ia taba hu kein lagaih.

Akaok Mintri Nội vụ saong An ninh Hàn Quốc Lee Sang-min harei ini hu panuac ieu dom bác sĩ pasram bruk, mai veik sang iek ruak tuk tukvak rajaei caik tabiak jaik abih. Hàn Quốc daok dang anak bruk srau kadau y tế hadei di tuk yaok rabau bác sĩ pasram bruk dalam taneh ia daok ba gauk padeih piah cagar veik bruk rajaei brei tagok tanut pilih ruah saih tame trường y tagok jang 2.000 menuac. Bruk ba gauk padeih ngak dui atah dalam labaih 1 adit tapa, ngak brei klaih klaoh bruk iek ruak di rilo labik dalam taneh ia. 

Anak bruk rahtabiak sarau kadhau di kol tội phạm jru phin, Rajaei Campuchia daok ba tabiak rilo jalan ngak piah kham marat jhuk kadun likuk dom bruk kanjak jhak ini. Campuchia hu maong lac sa dalam dom taneh ia pajeng jru phin praong abih dalam bhum Đông Nam Á. Dalam 7 thun jaik di ini, gah chức năng Campuchia taong tayah labaih 55.000 mbang ngak suan tal jru phin, cap mek labaih 120.000 urang, pataom mek jaik 28 tấn jru phin saong labaih 520 tấn janih jru phin.

Palei Ogimi daok di bhum palei gah brak di pulao praong di tỉnh Okinawa. Dalam jaik 3.000 menuac di palei Ogimi urak ini, hu 17 urang jaik 100 thun. Jeng di labik ini, labaih 170 urang umo 90 thun. Tui pathau khan thun 2022 di Mintri Y tế, Lao động saong Phúc lợi Nhật Bản, Okinawa lac bhum taneh hu “chỉ số hạnh phúc” glaong abih di Nhật Bản. Bruk njauk ruak baoh hatai, đột quỵ saong ung thư di menuac sia palei Ogimi biar abih dunya./.