Rilo urang ilamu kuhria mboh dahlau lac darak pasa pablei brah tapa negar langiu dalam thun anak tal di Việt Nam meda hu 8 triệu tấn, nan ye tapa thun hadei, brah dalam kho meda biak takik nan ye dom doanh nghiệp biak caik hatai kayua biak mbuan gaok cuang kandah. Ong Nguyễn Ngọc Nam - Akaok Kapul pandap mbang Việt Nam (VFA) jeng brei thau lac, tukvak anak tal, darak pasa di dunya daok gaok rilo sarau kadau, ngak kanjak tapak tal bruk pala drak, ngak tabiak saong kein lagaih di urang nong, doanh nghiệp ngak tabiak padai brah di Việt Nam.

Tổng Cty Bhum mblang kapal haok pajeng ba Việt Nam (ACV) hu taduan ginup abih mbaok taneh hacih piah padang ngak Labik mblang kapal haok pajeng ba pakat dunya Long Thành vaktu ka 1. Min Bhum mblang kapal haok pajeng ba Việt Nam brei thau, 2 jalan pambuak tame danak dak jeng oh ka hu jao ginup mbaok taneh. Urang dang akaok Bhum mblang kapal haok pajeng ba Việt Nam jeng khan lac, hu caga blaoh pok jien peih mbaok taneh jaik 1.600 tỷ đồng saong payua chip ka labik mek taneh tuk hu adat brei bayar jien kayua UBND huyện Long Thành, tỉnh Đồng Nai pasang iek, mbaoh tangin.

Mban Khik ramik danak dak Mỹ Thuận – Mintri Jalan mbak pajeng ba (GTVT) daok ngak adat likau Mintri Jalan mbak pajeng ba parabha phun jien daok gilac veik brei ka UBND tỉnh Tiền Giang piah ka bhum palei jhul samar bruk biyar jien, peih mbaok taneh. Tui Sở Tài nguyên – Môi trường Tiền Giang, bruk biyar jien, peih mbaok taneh piah peih ngak danak dak dalam tukvak tapa njauk suai, makna rilo meng lac kayua Mintri Jalan mbak pajeng ba ka oh parabha ginup phun jien. Urak ini, ban Mỹ Tho daok 12 baoh sang ka oh njauk hatai taduan jien biyar,  karja palei daok kham marat jak ba.

Thun ini, tỉnh Cà Mau hu peih pok jien 624 triệu đồng meng danak dak Iek glang prein yava, paglaong rup pabhap ka urang bangsa takik di dom huyện hu rilo urang bangsa takik lac U Minh, Đầm Dơi saong ban Cà Mau. Dalam bilan 10 saong bilan 11 ini, Jabat Bangsa ban Cà Mau jeng hu peih 3 tal pasram ka 60 urang lac Bí thư Chi bộ, akaok dom khóm, akaok mban ngak bruk mặt trận, dom mban, ngành, kapul naom, akaok bilai y tế, urang ngak bruk y tế di dom khóm, urang pambuak bruk dinh dưỡng saong rilo urang kamei dalam umo thun ndih tapui…

Dalam 10 bilan tapa, gah Du lịch Ban raya Hồ Chí Minh hu raok labaih 30 trieu mbang tuai dalam saong langiu taneh ia. Piah mek hu dom jak jeng ini, gam haong bruk dui pachreih pandap panda, dịch vụ du lịch dalam ban, gah Du lịch Ban raya hu peih danak dak pambuak du lịch bhum, dalam nan meda ndem tal dom danak dak hu makna yau ye pambuak du lịch di TP. HCM saong 13 tinh, ban dalam ĐBSCL; bhum Đông Nam Bộ, Tây Bắc, Đông Bắc, Bắc Trung Bộ...

Hạ viện Mỹ brei tapa pok jien daong labaih 14 tỷ đô la brei ka Israel. Dự luật ini kayua dom Hạ nghị sỹ Cộng hòa ngak tabiak, daok hu ba tabiak ginum biai di Thượng viện, min urak ini daok njauk dom nghị sỹ Dân chủ oh njauk hatai, daok cagar veik. Urang dang akaok gah rilo menuac jang di Thượng viện lac Chuck Schumer brei thau, Thượng viện oh ba tabiak ginum biai sa bruk hu rilo labaih kurang yau nan. Karja Tổng thống Mỹ khan lac meda oh brei tapa dự luật kayua Hạ viện ba tabiak, kayua mboh lac nyu oh siam ka Israel, ka bhum Trung Đông saong ka bruk sron mbon di taneh ia Mỹ.  (VOV)

Tui Jabat Kuhria mboh dahlau bruk langik tasik negar Trung Quốc, ngin la-an tuh mai taneh ia ini meng gah Tây Bắc ngak ka nhiệt độ trun khang. Nhiệt độ di dom ban sit, sa mạc saong mblang hareik di bhum Nội Mông meda hu trun tal 10 độ C dalam harei ini saong hu veik 10 độ C meng harei paguh (4/11). Ribuk ia likhar meda tuh tame Tân Cương. Meng adit anak, rilo meng lac di bhum gah Đông Bắc tui kuhria meda mboh nhiệt độ trun made tal mala 0 độ C. Langik tasik oh siam hu mboh cambaih jang di Trung Quốc nyu palai pajoa cơ sở hạ tầng đô thị jang yau bruk ngak nong, ngak khat lahik tal kinh te biak trak damak.

Rahra Bolivia bahrau peih harei pataom "Harei di menuac metai", atau daok ieu lac "Harei di dom thánh" di harei 2/11 yaok thun. Karei jang harei Hallowen, harei menuac metai di Bolivia rah tabiak dalam bui sambai, ini lac tuk piah ka urang brei mboh hatai anit ranam, hadar tal gauk gar matai blaoh di yaok baoh sang. Dalam luac tukvak rah tabiak, urang ba gauk nao diễu hành, daoh dom kadha daoh meng kan, nao tapa dom jalan phố mbiah tal nghĩa trang saong ba gauk mbang menyum dom janih pandap ngak adat da-a menuac metai./.