Dalam thun 2023, Quân khu 7 ngak salah tukvak 1 ngan haong 267 km jalan pasang iek tapen negar, daok padang ngak 2,8 km pambuak jalan pasang iek tapen negar di tỉnh Tây Ninh; padang ngak khang kajap 63/65 balai bol lin khik iek haong yaom jien labaih 103 tỷ đồng…Thun 2023, Quân khu  7 gam haong TPHCM saong tỉnh Bình Dương daong Cuba 1.300 tấn brah, kuhria tui jien labaih 27 tỷ đồng.

Then lac bruk ngak adat oh kurang hu dalam raidiuk di urang Tày, Nùng, Thái daok di Việt Nam, brei mboh hatai sahneng ka anek menuac, ka dunya saong ka langik tasik. Bruk ngak Then di urang Tày, Nùng, Thái hu Gah Ilamu Liên hợp quốc (UNESCO) pok brei angan lac Inem krung ilamu phi vật thể lambaok di menuac sia dunya. Kham merat duah pataom, pasiam veik inem krung ilamu phi vật thể Then lac bruk njauk ngak chip dahlau di tuk janih ilamu ini nyu lahik nao, nan ye Liên Chi hội inem krung ilamu Then hu tabiak rai saong lac caong khin praong di dom nghệ nhân Then, urang roh duah ilamu Then, dom menuac takre Then dalam taneh ia. 

Piah duh ka bhap bini saong tuai damuai mai kakuh Long Vị, Le hoi  Dinh cô - Long Hải thun 2024 meda hu ba tame adat raok Cô tapa tatua taduan raok Long Vị ( daok lac tatua tam linh). Adat taduan raok Cô tapa tatua piah duh ka bhap bini, tuai damuai oh  meriak gauk min hu iek, hu veik tal Long Vị mbuan lagaih. Le hoi Dinh Cô - Long Hải di Bà Rịa - Vũng Tàu hu Mentri Ilamu - The thao saong Dulich pok brei angan lac Inem krung ilamu phi vat the pakat Negar di bilan 2 thun 2023. Le hoi hu makna lac likau brei bhap bini prein yawa khang kajap, negar sron mbon saong chrong daong urang nao tasik hu mbuan lagaih, mek hu rilo ikan, hadang.

Di TPHCM saong dom tỉnh Nam Bộ pandiak khang ngak ka dom menuac tame sang iek ruak tagaok glaong. Di Sang iek ruak Thống Nhất, kuhria rah tapa, yaok harei hu meng 2.500 menuac mai iek ruak, jaik 150 urang njauk tame sang iek ruak piah taong ruak. Anak bruk pandiak bhang dui atah saong tui kuhria mboh lac daok rah tabiak khang, Pasak Pasang iek ruak kik TP.HCM kakei lac, dom menuac mbuan njuak ruak kayua pandiak khang lac urang taha, uranaih, urang kumei, urang ngak bruk langiu langik, brei menyum ginup ia, takik tabiak gah langiu dalam dom harei langik pandiak.

Đồn Biên phòng pabah mbang negar pakat dunya Mộc Bài, Bol lin Biên phòng tỉnh Tây Ninh pambuak haong dom jabat karei taduan 15 bhap bini Viet Nam njauk urang pachot pagat, kateik gheih  ngak bruk pak Campuchia, hu gah Campuchia bayar mai. Tukvak jaik ini, dom bhap bini Viet Nam njauk dui ba, palua pagat nao tapa Campuchia “ngak bruk jien bilan glong” dak harei dak rilo. Yau nan ye, jabat chuc nang  iew dom bhum palei  brei pakhang bruk pathau khan, pasang iek saong hu jalan langyah dom urang, kapol nyaom dalam negar tapa mạng XH dui ba, pagat urang Viet Nam tapa nao ngak bruk suan hukum di dom labik main mbia casino pacang bruk pachot pagat online pak Capuchia.

Jit praong COVID-19 ngak ka umo thun taha di menuac sia dunya trun 1,6 thun dalam 2 thun camereip tamuh jit praong COVID-19. Ini lac panuac hu ba tabiak dalam sa roh duah hu khan brei thau di harei 12/3, angaok tạp chí y khoa The Lancet. Tui nan, umo thun taha trun meng 73,3 thun di thun 2019 – tukvak dahlau di jit praong COVID-19 tamuh tabiak trun daok 71,7 thun di thun 2021. Di bhum Mỹ Latinh saong Caribe, umo thun taha trun tal 3,7 thun. Peru, Bolivia saong ban ine Mexico City di Mexico lac dom labik hu umo thun taha di rahra trun khang abih.

Tui Danak dak Lương thực Dunya (WFP) di LHQ hu 40 trieu dalam abih tih 400 trieu urang di Trung Đông daok dang anak bruk mbuan kurang pandap mbang biak trak.  11 trieu urang dalam dom urang nan oh hu ginup pandap mbang yaok harei ka baoh sang. Abih di nyu lac,  Danak dak Lương thực Dunya brei panuac lac bruk kurang nan daok rah tabiak dalam kan kandah di Dải Gaza, labik taong abih bhap bini di bhum taneh  tapen Địa Trung Hải ini daok caong hu daong pandap mbang, haong labaih 500 ribau urang daok dang anak bruk eik lipa trak.

Jaik di ini, sa drei báo lamek mekre daok cambu pandiak dalam bein bách thú Panzhihua di tỉnh Tứ Xuyên jeng dane angan angaok mạng xã hội Trung Quốc. Rilo menuac mangaok mạng ndom lac drei báo ini hu raong glang siam, min jeng hu dom menuac karei daok huac ka prein yava di drei athur lamek labaih kilo.  Dalam dom thun jaik ini, athur lamek labaih kilo jeng hu mboh di grauk labik dalam negar Trung Quốc. Thun 2023, sa drei cáo di mblang bein hoang dã Vân Nam dane angan kayua nyu lamek gul yau "bình gas". Thun 2020, mblang bein athur glai Hải Nam brei peih bruk patrun kilo ka dua drei gấu trúc biak praong./.