Patui danak dak mbang nyaom ka 6, ngan haong dom plah phieu pchreih tui, page ini 10/11, Quoc hoi brei yer tangin brei tapa Sarak ka bruk kuhria caga dahlau  kadung jien karja thun 2024. Sarak ba tabiak meng harei 01/7/2024, peih bruk salih taong abih darak jien bilan  tui Sarak ka 27 di T.Ư. Tui nan, meng harei 1/1/2024 mbiah tal harei 30/6/2024, jien bilan  saong jien pabak yaok bilan brei kuria tui jien bilan cơ sở 1,8 trieu dong sa  bilan tui jalan đặc thù oh brei glong jang jien bilan saong jien pabak yaok bilan hu mbang tui meng bilan 12 thun 2023.

Hu mbaok di Harei jum pataom abih bangsa di palei Kinh Tắc, xã Hàm Rồng, huyện Năm Căn, tỉnh Cà Mau di melam 9/10, ong Lê Hoài Trung, Bí thư TW Đảng, Akaok mban Đối ngoại TW kakei pakat uỷ, karja dom pakat di Cà Mau brei patui jalan peih ngak hu siam Sarak Nyaom roya XIII di Đảng piah ngak brei madeih tagok hatai caong cakrok taneh ia kaya meda, haniem phul, patagok bruk jum pataom abih bangsa pambuak haong prein khang saman bahrau. Palei Kinh Tắc hu 409 sang, lac urang Yuan saong urang Khmer daok. Palei hadah mbaok meta hu akaok negar alin hadiah Huân chương Lao động hạng 3 ka bruk “Abih bhap bini jum pataom dak padang raidiuk ilamu”.

Di tỉnh Trà Vinh daok peih tabiak “ Harei Baoh sang naih gheih di dom tỉnh, ban hgah Pei Nam bo mbang IV, thun 2023” saong Adit ilamu, Dulich – Lien hoan pandap mbang Nam bo pambuak pagam le hoi Ok-Om-Bok tỉnh Trà Vinh. Dalam 3 harei, meng harei 10 tal harei 12 bilan 11 peih ngak rija roya , dom baoh sang naih gheih mai meng 13 tỉnh, ban gah Tay Nam bo hu mbaok tame dom bruk yau: Parang iek nghe thuat  baoh sang naih joi, sambo anit ranam, ma-in sambai haong anek, puac tapuk haong anek…Ta-eng adit Ilamu, Dulich – Sambai pataom pandap mbang  pambuak hoang le hoi Ok-Om-Bok tỉnh Trà Vinh, meda peih ngak dalam 7 harei, meng harei 21 tal harei 27 bilan 11.

UBND ban Đồng Xoài, tỉnh Bình Phước bahrau tabiak panuac lac hu jit ruak aih craoh pabui châu Phi di phường Tân Bình. Dahlau di tuk jit ruak aih craoh pabui châu Phi njaom mbak, ban Đồng Xoài hu panuac ieu dom puk palei peih ngak dom jalan ngak samar drah pacang caga jit tui adat, pataom prein yava jien padai tame piah peih ngak catang dom jalan pacang caga samar drah, am cuh klaak taong abih dom drei pabui njauk ruak, pabui metai…Tỉnh Bình Phước urak ini hu tapon pabui labaih 2 triệu drei, hu raong dalam dom bein praong.

Rayo Khí tượng - Thủy văn TP Cần Thơ khan brei thau: Ia tagok di dom krong, ribong dalam Ban Cần Thơ meda tagok dalam dom harei anak tal. Tabung glong di ia ndik ini lac meda  tagok samar tui ia ndik akok bilan 10  tui saka ia bulan.  Mbiah tal harei 13 saong 14 bilan 11, lac harei 1 saong 2 bilan 10 tui saka ia bulan, ia glong abih  di balai Cần Thơ di kraong Hậu meda tagok meng 1,9 - 2.0 m, jaik tal tapung glong pakat 3. Yau nan ye, mikva njauk brei caik hatai dalam tukvak anak tal  ia ndik tagok glong  pambuak  langik  hajan praong  ba tal dauk dom labik dhong, labik dalam ban daok tapen  kraong.

Liên minh châu Âu (EU) daok brei peih dom bruk duah thau ngan saong YouTube haong TikTok piah duah thau iek dom nền tảng ini daok ngak yau habar piah khik salamat ka dam dara urang daok ranaih. EU jeng hu peih bruk duah thau pamaong tame TikTok, X (dahlau daih lac Twitter) saong Meta, Cty amaik di Facebook, ka bruk lac khan brei thau suan ka bruk mesruh gauk di gah  Hamas saong Israel.

Kong ty khoi nghiep Bene Meat Technologies di Cộng hòa Czech birau hu jeng đơn vị akaok meti  hu Lien minh chau Au mbaoh tangin brei pandar rilo raong pagam dalam labik thí nghiem  piah ngak tabiak pandap mbang la athur raong. Kong ty  urak ini hu ba tabiak dut  iek mui, vi pandap, gam peih praong bruk ngak tabiak di rilo bilik thi nghiem di Ban ine Praha.Bruk nan  daok pachreih  urang blei  anit athur, jeng yau  huac bruk raong athur lac ba tal tathuak tabiak nerak khí thải nhà kính.

Hãng Pizza Hut (Mỹ) saong nhà hàng ralow ula Ser Wong Fun peih tabiak meng thun 1985 di Hong Kong daok ba tangin tame ngak janih pizza ralow ula. Kênh CNN (Mỹ) brei thau, salih ka bruk pandar sốt traong ndaiy yau meng kan, baoh ahar pizza ralow ula ini hu tauk tagok sa tal bào ngư. Pizza Hut khan lac ralow ula siam ka prein yava, daong ka darah nduac siam, tui y học cổ truyền Trung Quốc./.