Page ini (9/11), dom urang Quoc hoi ginum biai ka bruk ramik pasiam dom asar kadha di Sarak 53 di Quoc hoi ka Harak pathau khan bruk roh duah meda peih ngak hu lagaih Danak dak mek veik taneh, bayar jien, daong jien, tái định cư Mblang kapal haok dunya Long Thành. Rilo urang Quoc hoi mboh lac, njauk brei ramik pasiam Sarak 53, njuak gauk brei ramik tukvak di danak dak saong bruk ba tabiak dom jalan ngak lagaih. Yau nan min, dom urang Quoc hoi jeng caong khin brei tacei tabiak dom bruk ba tal suai damuai klah ngak suai veik hadei tuk brei kadun tukvak.

Mban Bangsa tỉnh Sóc Trăng bahrau peih Nyaom biai brei thau dom sarak ka labaih 350 urang hu angan je dalam bhum bhap bini bangsa takik. Di Sóc Trăng, dom urang hu angan je tuk halei jeng patagok bruk ngak di drei, hu dom rik daong praong dalam dak padang saong patagok KTXH di tỉnh; ba brei njauk gauk dalam bol bhap rahra, rik daong patagok bruk jum pataom dom bangsa. Amuk Huỳnh Thị Diễm Ngọc, Phaok akaok UBND tỉnh Sóc Trăng caong khin dom urang hu angan je dalam tỉnh daok kham merat rik prein tame daong ka mikva bangsa, daong dak padang Sóc Trăng dak harei dak siam mekre, kaya meda.

 Sở Y tế TPHCM ba tabiak jalan ngak dui pachreih bac si tame danak dak ngak iek pato pasram  bruk ngak dalam 18 bilan piah mek chung chi bruk ngak bac si đa khoa di sang iek ruak  pambuak saong balai y tế. Tui nan, urang tame danak dak lac dom bác sĩ đa khoa birau bac tamat di dom sang bac đại học gah iek glang prein yawa di TPHCM saong dalam negar, ngan haong 500 urang. Tuk hu tame danak dak pato pasram  dom bac si  meda  hu daong jien mbang huak, oh bih jien bac pasram. Tuk ngak bruk di dom balai y te atah pasak ban meda hu daong brei labik daok, labik mbang huak, padeih padei.

Tui Sở Ngak nong saong patagok palei pala tỉnh Tiền Giang, meng parabha harei, bilan trun pajaih lagaih tui jalan plaih ia ndik di dom bhum gah angaok kraong Tiền saong njaik di pandiak bhang, ia mbak di bhum ia taba Gò Công gah Timur, tal akaok bilan 11 ini, Tiền Giang yuak hu taong abih dom taneh pala dalam siam mekre saong trun hanjun bala meng langik tasik. Bilan pala ini urang nong pala njauk, pablei hu yaom. Kuhria rah tapa, yaok ha hu labaih 56 tạ saong sản lượng hu labaih 383.000 tấn padai.

Hadei tuk C.ty Cổ phần Mía đường Cần Thơ khan lac padeih ngak tabiak di Sang mac  saradang Phụng Hiệp dalam bilan ngak saradang 2023-2024, ye yaom tabau  di Hậu Giang trun khang, meng 1.800 - 2.000 đ/kg trun daok 1.000 - 1.100  đồng sa kilo. Ngan haong bruk pablei tabau yau urak ini ye brei lahik labaih 3 bilan tra  urang meng kaoh abih  tabau daok veik. Bruk urang pala tabau haduh hatai lac urak ini ralo meng dom hamu tabau praong jeng pala labaih 10 bilan. Meyah suai kaoh tapa tukvak praong di tabau  atau ia ribuk tuh mai ngak dauk  ye phun tabau chroh bingu ngak patrun saradang.

Harei ini (09/11), di ban ine Phnom Penh, hu peih ngak dalam praong prang dom bruk piah pahadar harei negar Campuchia, brei mboh 70 thun taneh ia Chùa Tháp mek hu độc lập (09/11/1953 - 09/11/2023). Bruk pahadar harei negar rah tabiak dalam tuk Campuchia ngak hu jak jeng bruk pilih ruah urang ka Quốc hội mbang 7 saong padang Rajaei tukvak 2023 - 2028, haong dom urang pan akaok rilo meng lac urang daok ranaih, meda daong peih tabiak blah bahrau ka bruk patagok taneh ia. Bahrau ini, Rajaei Campuchia jeng hu ba tabiak Jalan ngak Ngũ giác - vaktu ka 1 piah ba taneh ia Đông Nam Á ni jeng taneh ia hu jien mek tame mbiah di thun 2030 saong jien mek tame glaong di thun 2050. 

Anak bruk pilih ruah praong jaik peih tabiak di akaok thun 2024, urang dang akaok bol lin Indonesia (TNI), tướng Yudo Margono brei thau lac bol lin taneh ia ini meda khik kajap 5 kadha trung lập. Dahlau di nan, Tổng thống urak ini, lac ong Joko Widodo jeng hu sanya khik bruk trung lập - dang kreh, saong hu panuac ieu taong abih gah dalam karja jeng ngak yau nan dalam bruk pilih ruah Tổng thống anak tal. TNI kuhria ba 446.516 urang lin meng dom gah dalam taneh ia piah khik sron mbon siam mekre dahlau, dalam saong hadei di bruk pilih ruah praong, thun 2024. Indonesia brei peih bruk pilih ruah di harei 14/2/2024.

Blah rup cih “Anai kumei cuk đồng hồ” di Pablo Picasso, urang cih dane angan lac urang Tây Ban Nha hu pablei haong yaom labaih 139 triệu đôla di mbang to yaom harei 8/11 di ban New York, Mỹ. Picasso cih  “Anai kumei cuk đồng hồ” di thun 1932. Urang dalam blah rup cih nan, lac người mẫu Prang angan Marie-Thérèse Walter – lac payo saong jeng lac "nàng thơ" di ong. Tui dom urang ilamu gah nghệ thuật, blah rup cih hu bố cục biak siam , dom sambo màu hadah mekre, brei mboh bruk sahneng duah biak glaong di urang cih./.