Tỉnh Bến Tre birau brei thau sarak di Thu tuong Rajaei ka bruk Quy hoạch  tỉnh Bến Tre vaktu 2021 -2030, pamong tal thun 2050. Tui nan, Bến Tre kham merat tal thun 2030, hu jeng tỉnh cak rok patagok kaya meda di dalam negar; hu bruk hạ tầng kinh te- xã hội sumu gauk, pataom tame  cak rok patagok kinh te tasik; cong nghiep che bien, che tạo saong năng lượng  birau pambuak haong bruk khik caga alam moi truong, sinh thái; hu đô thị  birau, palei pala rilo ilamu siam gheih, dulich siam mekre…Bruk cak rok patagok kinh te kuhria rah tapa  hu meng 10 -10,5% sa thun. Mbiah tal thun 2050, Bến Tre lac tỉnh cak rok patagok siam lagaih, hu jeng labik njauk diukrai hu dom đô thi birau, alam moi truong hijao, hacih.

UBND TP.HCM bahrau brei taduan Quận 5 ngak hu bruk oh daok sang kathaot, sang jaik kathaot tui tanut kathaot rilo gah vaktu 2021 - 2025. Ini lac quận camereip abih di ban raya ngak hu bruk ini saong hu công nhận dahlau jang tukvak ba tabiak lac 2 thun. Akaok UBND TP.HCM jao ka UBND Quận 5 patui jalan daong iek glang dom baoh sang bahrau tabiak truh angan baoh sang jaik kathaot, padang bruk ngak mbang, tani tanat raidiuk, oh caik brei kathaot veik saong oh tamuh tabiak sang kathaot, sang jaik kathaot.

Jit tả pabui châu Phi daok rah tabiak sraw kadau di tỉnh Đồng Nai. Piah khik kajap bruk pabak rilo pabui dalam tuk Tet Nguyen dan 2024, UB bhap bini tỉnh Đồng Nai iew dom bhum palei brei pataom tame tacei ba dom gah dalam tỉnh piah langyah abih dom sruh jit ruak, oh brei tamuh sruh jit ruak birau. Brei peih ngak dom sarak daong urang raong glang njuak khat lahik kayua jit ruak. Tui nan, duah mboh, pacang caga saong brei langyah catang dom bruk pablei, pajeng ba  pabui ruak, klak pabui metai ngak pambak ruak, nerak tachrauk alam moi truong…

Tây Ninh lac tỉnh hu taneh pala bei kayau praong ka 2 dalam taneh ia saong năng suất dang akaok taneh ia. Tukvak tapa, gah ngak nong tỉnh hu ba tabiak ngak rilo jalan siam, lagaih, patagok năng suất saong pablei kaya pandap. Anak tal, Sở NN&PTNT tỉnh brei pambuak bruk haong Trung Quốc piah ba bei kayau tame dom hiệp định hu kein ka dua taneh ia dalam bruk pablei salih, tapa negar... Gam haong nan, padang jalan pambuak gauk di urang ngak nong haong sang mac piah ka dua gah jeng hu kein, ngak iek bruk padang kadung jien tani tanat ka bei kayau, patagok bruk khik ramik pajaih saong jalan ngak bei kayau lagaih haong biến đổi khí hậu.

Khaw tin meng Quân khu 7, meng bilan 5 mbiah tal ini, gah chức năng duah mboh 64 bruk ja angan, mek angan urang jakar, urang ngak bruk dalam bol lin di 7 dalam abih tih 9 tỉnh, ban di Quân khu 7 piah peih ngak bruk pachot pagat, meblah drap ar. Dalam nan, tỉnh Đồng Nai rilo abih hu 23 mbang, hadei di nan tal Lâm Đồng, Tây Ninh, Bình Thuận, Bình Dương saong di TPHCM hu rarah tabiak 1 mbang. Bruk ba tal  lac kayua bhap bini kurang caga, jia tame payua jien blei pandap, jao pandap tuk oh kathau cambaic laic khaw tin. Tui nan kayua khik kein laba glong, rilo urang taduan bruk ngak mbang haong urang oh thau mbaok, brei jien piah mek dom janih pandap panda blaoh ba tal njuak meblah jien padai.

Mesup ini (5/12), di ban ine Viêng Chăn, Lào hu peih tabiak dalam praong prang bruk peih mbaok saong mbang nyaom ka 1 di Nyaom biai pakat gloang Quốc hội 3 taneh ia Cam-pu-chia – Lào - Việt Nam mbang ka 1. Ngan saong kadha “Patagok bruk ngak di nghị viện dalam bruk jhul patagok talei pambuak gauk abih gah di Campuchia, Lào saong Việt Nam”, akaok Quốc hội Lào Saysomphone Phomvihane ndom lac: kol dahlak caong lac dom urang dalam Quốc hội 3 taneh ia rik daong jhul patagok bruk padang ngak adat hukum, jhul patagok sarak đầu tư dalam 3 kieng patagok tapa dom jalan ngak di nghị viện saong dom kapul nyaom nghị viện khu vực saong dunya, piah dui pachreih urang đầu tư dalam saong langiu taneh ia cakrok patagok…Pachreih gauk pambuak bruk pacang pablei salih menuac, pacang kol tội phạm tapa dom negar, pacang khủng bố saong duah palai mbom mìn...

Kuhria meng puac adit tapa, ia dauk ia sua saong hajan praong di gah Barak Tanzania ba tal takik abih di nyu  63 urang metai, 116 urang njauk rambuac. Urang jakar bhum palei khan brei thau urang metai meda daok tagok veik. Dom urang ngak praong  daok peih ngak rilo bruk daong saong duah urang gaok bala. Dahlau di nan, Jabat Khi tuong taneh ia ini ba tabiak bruk kakei lac meng bilan 9-12 hajan meda ba tal bruk khut khat trak yau ia sua saong ngak kan kandah tal raidiuk bhap bini.

Anak bruk COVID-19 bahrau daok tagok rilo di dom taneh ia jaik taphia, Rajaei Indonesia hu panuac ieu rahra tagok jang 2 mbang dom jalan pacang caga jit ruak. Dalam nan hu bruk klauk jru saong peih ngak veik dom jalan khan brei thau gah y tế. Urak ini dom menuac ruak ba tame dom sang iek ruak mboh lac oh ka tagok rilo kayua prein pacang ruak di bhap bini daok siam. Tui kuhria mboh dahlau, COVID -19 bahrau meda tamuh tabiak di Indonesia dalam dom adit tal, tuk menuac sia nao mai biak rilo dalam tuk Noel saong akaok thun bahrau 2024./.