Page harei 6/12, Rajaei ginum biai bruk bilan 11 thun 2023 piah taong yaom bruk kinh te - xa hoi bilan 11 saong 11 bilan thun 2023; bruk peih ngak danak pasiam veik kinh te - xa hoi; bruk parabha, brei phun jien buh tame ngak; bruk peih ngak 03 Danak dak pakat negar. Di mbang nyaom Thủ tướng caong khin urang akaok dom mentri, jabat pambuak tal tacei pato, pambuak kajap haong dom jabat di Quoc hoi piah pasang iek, taduan, langyah, ngak brei salah dom Danak dak Hukum Taneh riya (pasiam veik), Hukum dom gah  tín dụng (pasiam veik), saong dom Sarak pok tagok QH pasang iek di Mbang nyaom oh hu kuhria dahlau anak tal. Thu tuong biak caik hatai brei pataom tame jhul pakhang bruk patagok kinh te; kham merat mek hu glong abih dom tanut oh ka ngak hu dalam bruk ba tabiak di thun 2023.  

HĐND TP.HCM mbang X, vaktu 2021 - 2026 dah page ini (6/12) hu peih mbang nyaom ka 13. Brei panuac di mbang nyaom, Bí thư Thành ủy TP.HCM Nguyễn Văn Nên ieu kakei HĐND TP.HCM brei peih bruk mek  “phieu tin nhiem” dom urang bo HĐND pok tagok ngak. Ini lac jalan ngak piah thau cambaih, daong ka dom pakat hu thẩm quyền pasang iek, taong yaom urang jakar tui adat. Nan ye brei maong iek ka nyu tantu, cambaih laih, taong yaom njauk bruk ngak, quyen hạn saong bruk  chính trị, đạo đức, jalan diukrai di manuac hu mek phieu tin nhiem.  

Tỉnh Kiên Giang daok ba tabiak bruk ngak pamong tal thun 2025, kham merat jien mek tame kuhria tui yaok urang bangsa takik tagok labiah 2 mbang dut saong thun 2020 (jiak 100 trieu dong sa urang sa thun); baoh sang kathaot dalam bhap bini bangsa takik yaok thun trun meng 1,5 - 2%. Tui Mban Bangsa tỉnh Kiên Giang, piah ngak hu bruk ba tabiak nan, tỉnh brei pataom tame peih ngak Danak dak pakat  negar patagok kinh te - xa hoi bhum urang bangsa takik. Tui nan  brei pakhang bruk pambuak  hoang dom pakat, dom gah dalam bruk peih ngak Danak dak  ka bruk cak rok patagok kinh te -xa hoi  bhum urang bangsa takik.  

Tal urak ini, rilo doanh nghiệp praong ngak bruk gah kalik takhaok di Đồng Nai hu khan brei thau bruk thuong Tết sak ine girai thun 2024. Yaom lac gaok rilo kan kandah min doanh nghiệp jeng daok khik yaom thuong samu yaok thun dahlau yau 1 bilan jien bilan, glaong abih lac  2 bilan jien bilan saong alin rilo pandap Tết ka urang ngak. Gam tui di nan, Liên đoàn lao động Đồng Nai meda daong labaih 2.000 harak vé radaih ka urang ngak daok atah palei; likau tỉnh Đồng Nai kaoh tabiak 30 tỷ đồng meng kadung jien kanja alin ka yaok piluh ribau urang ngak gaok kan kandah dalam tinh. 

Meng kreh bilan 12 ini tal bilan 3 thun hadei, ia mbak njom tame dalam di tỉnh Tiền Giang, meda ngak kurang ia taba piah pala drak. Piah khik caga dom taneh pala phun mbang baoh nan, dom bhum palei dalam tỉnh  brei kuac dom ribaong ba ia, ramik pasiam brong pabah binek ia piah pacang ia mbak, caga ia taba di dom  kraong Tiền ngaok jalan tỉnh 864 hu ngak salah blaoh, ba tamer pandar. Njuak huac lac, labaih 10.000 ha bein phun durien  di tapen kraong Tiền takik prein diuk dalam ia mbak, yau nan ye mikav brei hu jalan caga dahlau.

Trung Quốc bahrau cuh hu vệ tinh ngak iek kong nghe Internet tame quỹ đạo. Ini lac mbang cuh ka 2 pandar tên lửa jhul Tiệp Long-3.  Dahlau di nan sa harei, Trung Quốc jeng cuh hu tên lửa đẩy Cốc Thần Tinh-1 Y9 meng Pasak cuh vệ tinh Tửu Tuyền, ba 2 vệ tinh bahrau tame dom quỹ đạo tui kuhria. Meng bilan 7 thun ini, Trung Quốc jeng cuh hu vệ tinh bahrau piah ngak iek kong nghe Internet vệ tinh.

Mentri Y te Indonesia hu panuac iew bhap bini cuk patiak pacang pabah idung hadei di tuk mboh dom urang ruak viêm phổi kayua vi khuan mycoplasma pneumoniae di Jakarta. Dahlau di nan, Cục Pacang caga saong Pasang iek dom jt ruak njom mbak di taneh ia ini khan lac, vi khuan mycoplasma, ba tal ruak viêm phổi di uranaih di Trung Quốc, lac vi khuẩn mboh ralo ngak nhiem trung jalan suan yawa dahlau di tuk hu ruak COVID-19. Mentri Y te Indonesia jeng khan brei 8 kadha di Gah Y te tal bhap bini piah pacang caga  bruk njom mbak di vi khuan ini saong kakei bhap bini  brei tame labik y te meyah mboh patuh, kan suak yawa saong pandiak.

Ban New York Eric Mỹ bahrau peih danak dak ngak iek sạc pin radaih juak ka dom urang nao jao pandap, piah patrun patakik bruk khuah patuh kayua sạc pin di sang. Danak dak jeng ngak iek dom kong nghe bahrau yau mạng lưới salih pin saong labik pataok radaih juak salamat. Bruk ngak bahrau ini, lac sa binah dalam jalan ngak “Sạc salamat, nao radaih salamat” di kanja piah khik ka rahra plaih njaih di bruk apui khuah kayua pin. Kuhria dalam thun ini, Mỹ hu 18 bruk apui khuah meng pin./.