Ban Da Lat, tinh Lam Dong khan brei thau lac hu 22 labik rivang ma-in meda oh mek jien, trun yaom harak ve tame rivang ieik di harei peih pakah Festival bingu Da Lat di harei 05/12 anak tal. 18 labik rivang ma-in, yau ye Thien duong raok taginum Cau Dat, Bein dia dang, Jalan lubang taneh gluh, meda oh mek jien tame pabah. Labik rivang ma-in Thung Lung Uranam trun mateh yaom harak ve. Mongo Land, Puppy Farm, Kaphe Thuy Thuan alin 500 harak ve ka tuai mai rivang ieik. Rahra saong urang ngak mbang blei salih jeng pachreih tui Festival bingu Da Lat mbang ka X ngan haong hatai lac urang Da Lat “hatain siam – anit ranam  tuai damuai “.

Pelei ngak lan Cam Binh Duc, huyen Bac Binh, tinh Binh Thuan daok gaok kan kandah kayua dom dom cuang kandah di kong nghe saong darak pasa ngak ka jien mek tame di urang ngak trun. Palei Cam Binh Duc danei angan ngan haong bruk ngak lan meng tangin meng kan hu UNESCO pok brei angan lac inem krung ilamo oh mboh di mata. Jalan ngak lan jeng daok khik tamo meng bruk ngak haluk, ngak jeng thaot tal tuk am, saong cih bingu hala jeng hu ngak meng tangin. Piah khik ramik saong patagok dom yaom glaong inem krung ini, tinh Binh Thuan daok kham marat mayaih khan pandap lan di dom harei pataom dalam saong langiu taneh ia.

Huyen Tu Mơ Rông, tinh Kon Tum bahrau peih pakah Harei pakacah paoh kong chieng, xoang di mikva urang bangsa Xơ Đăng. Harei pakacah hu 11 kapul ngan haong jaik 400 urang rilo rairah. Yaok kapul hu tukvak oh tapa 35 minit piah mayaih khan kadha pakacah di drei. Dom kapul pakacah ngak ieik gilac dom adat cambat, harei rija meng kan angan je, ndung bak ilamo, suai yava raidiuk di bangsa Xơ Đăng; mayaih khan dom kadha paoh kong chieng pambuak gam haong tamia xoang, dom kadha daoh meng kan; ngak pasiam veik sap kong chieng. Harei pakacah lac sa dalam 5 bruk ngak piah uan salam 20 thun dak padang huyen Tu Mơ Rông.

Kapul taong yaom dua gah di Trung uong bahrau njauk gauk buh phieu brei tapa bruk pasang ieik dom asal kadha parabha do thi janih III ngan haong ban sit Phú Mỹ, tinh Ba Ria – Vung Tau ngan haong laik so 85,5/100, oh hu asak halei mala tanut toi thieu. Ban sit Phú Mỹ urak ini lac do thi pabah lamnge, ngak kong, lac pahah jalan hu makna dalam bruk pambuak gauk ngak mbang, kinh te di bhum kinh te praong di gah maraong negar, jang yau bhum Dong Nam Bo. Ban sit Phú Mỹ hu 9 labik ngak kong, co so ha tang gam gam, pambuak gauk lanieng lanoi, njauk ngak pasiam veik tagok kanja do thi bahrau piah pabak tui hatai caong cak rok patagok bahrau.

So Ngak nong saong Patagok palei pala tinh Dong Thap pambuak haong UB Bhap bini huyen Tháp Mười bahrau padang ngak dom danak dak pabak ia hacih palei pala di Danak dak thanh phan ka 7. Danak dak hu 5 bruk, prein pabak ia lac 16.000m³ sa harei melam, pabak ka 15.000 sang rahra daok urak ini saong labaih 9.000 sang harei hadei. Abih tih phun jien buh tame lac labaih 150 ty đồng meng Kadung jien kanja. Hadei di tuk ngak salah, danak dak meda salih ka 20 bilai pabak ia lubang, langyah ka bruk kurang ia hacih saong pasiam veik bruk raidiuk, mbang ngui di rahra pak huyen Tháp Mười.

Harei Noel tuk halei jeng lac kein lagaih ngak mbang ngan haong gah ngak tabiak socola pak Duc. Tok daok jaik 1 bilan tra lac tal Harei Noel saong kadai quan socola Amelie di ban sit Garmisch Partenkirchen, gah maraong negar Đức daok ngak bruk abih prein. Harei Noel tuk halei jeng lac tukvak jar var abih ngan haong labaih 30 urang ngak di kadai quan. Taeng di adit blaoh, dom urang ini hu ngak tabiak 650 blah sakawi socola Mùa Vọng piah pabak ka hatai caong di urang Đức ka sa mbang padeih biak bingi yamen bak socola. (VOV)

Darak Grand Bazaar pak Tho Nhi Ky lac sa dalam dom darak praong abih saong danei angan di dunya, ngan haong labaih 3.600 kadai quan. Darak pasa dui pachreih labaih 50 triệu tuai damuai yaok thun, abih di nyu nan lac dalam tukvak tabung glaong hu tal 500.000 urang vaih mai rivang ieik yaok harei. Ini lac labik darak hu tabung pacang praong abih di dunya, ndung bak ilamo siam gheih. Oh lac sa pasak pablei salih, Grand Bazaar daok lac labik ba drei tame ilamo di rahra. tuai damuai mai tal ini daok ba drei tame bruk pablei salih saong roh duah ilamo di pak ini.

Jalan Khaosan daok hu ieu lac “pho Tay ba la” di Thai Lan danei angan haong haong dom le hoi saong harei pataom di jalan, abih di nyu nan lac dalam adat “thaic ia” Songkran. Min, anak bruk rahtabiak di harei ini di puac thun, labik ini daok gaok bruk trun takik kakei bilik ndih daoh pak khach san kayua huac kanda di mbang mesuh metak di Nga saong Ukraine. Yaom lac yau nan, adat ini di Khaosan jeng caong lac biak chreih chrai, bui sambai ngan haong mbang mayaih khan mbang truac gom Noel saong Harei yaok kaduan tukvak palao thun klak raok thun bahrau. Harei ini tui kuhria dui pachreih hu meng 50.000 tal 70.000 urang, rik tame labaih 2 triệu USD tame gah kinh te di negar ini.