Liên đoàn Lao động TPHCM saong dom pakat công đoàn kuhria buh tabiak 135 tỷ đồng piah sangka Tết ka đoàn viên, urang ngak gaok kan kandah. Tui jalan ngak lac“Tết mai tal yaok đoàn viên công đoàn”, Liên đoàn Lao động TPHCM meda daong ka jaik 3.000 đoàn viên gaok kan kandah daok dalam dom labik daok, labik sang trọ, yaok urang hu sa paok pandap hu yaom 700.000 đồng; dom nghiệp đoàn alin pandap 2 triệu đồng/nghiệp đoàn. Dom pakat Công đoàn ban jeng peih ngak danak dak “Blah harak ve anit ranam ka urang ngak hu ngak salah dom bruk ngak saong sang biak kan kandah, oh hu jien nao palei mbang Tết.

Hadei di 60 harei padang ngak, sang ilamu di palei Xóm Thấp, xã Tân Phong, huyen Tân Biên tỉnh Tây Ninh hu ngak dreih yau sang tual meng kan di bangsa Khmer hu ngak salah blaoh. Sang nan hu padang ngak di mangaok mbaok taneh praong 910m2, haong yaom jien abih tih lac 1 tỷ 600 triệu, kayua Bộ Chỉ huy Quân sự dom tỉnh saong Bộ Tư lệnh TPHCM daong brei. Bruk padang ngak nan hu makna biak praong, pabak hatai caong di mikva khin hu labik taom gaok, ginum biai, me-in sambai di bhap bini. Gam haong nan, nyu brei mboh bruk jum pataom, klah rabha di Gah Quân sự dom tỉnh, ban Quân khu 7 gam haong pakat ủy, karja palei sangka tal bhap bini bangsa, agama, dalam nan hu bhap bini bangsa Khmer.

Di harei adit yaok adit, labaih 30 anek saih bangsa Ê Đê daok di xã Ea Bhôk, huyện Cư Kui, tỉnh Đắk Lắk ba gauk nao tal sang bac mẫu giáo puk Ea Kmar piah hu mbaok tame tal bac alat ragam bangsa meng kreim la-a. tal bac kayua nghệ sĩ Nguyễn Trường, dahlau daih ngak gru pato di sang bac Cao đẳng Ilamo - Nghệ thuật Đắk Lắk, urang hu tukvak suai lavik kak kajap saong roh duah ragu ragam bhap biniTây Nguyên dang pato. Mai haong tal bac, dom adei anek saih oh lac hu bac dom jalan pandar dom janih alat ragam bo daok hu pato tacei ngak tabiak dom janih alat ragam meng kreim la-a. tapa nan dom adei thau anit ranam saong thau khik ramik ragu ragam bangsa.

Tal urak ini dalam tỉnh Ninh Thuận hu 17 labik raong ốc hương dalam bingun caik dalam sang hu tabung pacang praong labaih 92 ha, mek hu 1.665 tấn, kuhria rah tapa lac hu 18 tấn sa ha. Ong Nguyễn Kim Long, akaok Chi cục Thủy sản brei thau, ốc hương hu raong tui jalan yau nan, mek hu năng suất glaong, hu sang mek hu meng 40 - 50 tấn sa ha. Urak ini yaom pablei ốc hương lac meng 190.000 - 340.000 đ/kg. Tui yaom pablei yau ini, urang raong ốc hương jeng hu laba

Yaom patei di tỉnh Đồng Nai daok trun khang ngak ka urang pala patei haduh hatai. Huyện Trảng Bom hu mblang taneh pala patei praong labaih 3.000 ha (jaik samu mateh mblang taneh pala patei dalam tỉnh), urak ini yaom patei trun bier took daok 2.000-3.000 đồng/kg. Tui Sở Ngak nong saong patagok palei pala Đồng Nai, urak ini darak pasa patei cấy mô di Campuchia daok tame bilan paik baoh, ngak jeng prein maraik gauk di darak pasa, gam haong nan hu rilo mã số bhum pala patei di huyện Trảng Bom njauk padeih bruk bruk pablei tabiak negar langiu kayua ngak suan bruk pasang iek thực vật nan ye pambak tal yaom blei, pablei tabiak negar langiu.

Rajaei Indonesia njauk hatai brei blei tame meng negar langiu 2 triệu tấn brah dalam thun ini piah khik kajap bruk khik piah brah di rajaei. Dahlau di nan, Tổng thống Indonesia Joko Widodo ndom lac bruk blei brah meng negar langiu daok kan padeih veik kayua brah ngak hu dalam taneh ia oh ginup mbang. Dalam bruk kinh tế Indonesia thun 2024 kayua Bộ Điều phối Kinh tế Indonesia peih ngak, Tổng thống Joko Widodo brei thau lac Indonesia meda blei tame 1 triệu tấn brah meng Ấn Độ saong 2 triệu tấn meng Thái Lan piah khik kajap salamat ka gilang khik piah brah di taneh ia dalam thun 2024.

Rajaei trung hữu di Hy Lạp daok tagok kuhria pok dự thảo hukum brei tok gauk di urang kumei haong kumei, likei saong likei, yaom lac hu bruk cagar veik di Giáo hội Chính thống lac gah daok hu labik dang praong di taneh ia ini saong dom urang padang ngak hukum. Thủ tướng Hy Lạp Kyriakos Mitsotakis brei thau lac: dom hagait bo kol dahlak jaik ngak tui njauk adat hukum lac bruk samu gauk di urang likei saong kumei dalam bruk tok gauk”. Gam haong nan ngak brei ngak brei cambaih, lac hukum meda brei adat ka dua urang likei, dua urang kumei anit ranam gauk likau anek raong, min oh brei adat ngak amaik ame nyim urang matain brei.

Gah chức năng Ecuador daok jhul khang dom bruk pagui mek kol khủng bố, tội phạm piah padang veik siam mekre, sron mbon, cap mek rilo kol duas saong pacang hu băng đảng Los Lobos. Ini lac sa dalam dom kapul nyaom khủng bố, tội phạm praong abih di taneh ia ini. Dom jalan ngak khang hu peih tabiak hadei di rilo bruk srau kadau rah tabiak di rilo sang guk di Ecuador./.