Rajaei birau patabiak Sarak ka 20 mbang nyaom Rajaei bilan 1 thun 2024. Dalam nan, Rajaei brei panuac iew peih ngak ginup dom sarak daong tani tanat raidiuk, sangka iek glang raidiuk jeng yau jalan sahaneng di bhap bini; peih ngak siam sarak ngan haong urang hu buh prein yawa tame daong taneh ia, sumu daong dom urang dalam sarak karja, urang gaok kan kandah, urang kathaot dalam tuk Tet Nguyen dan; brei brah daong ka bhap bini dalam tuk cang yuak kuak, piah taong abih  urang, abih dom baoh sang halei jeng hu uan raok Tet, ma-in Xuan bui sambai, oh hu thei klak caik veik gah likuh. Peih bruk rivang, tadhau ayuh Tet dom urang jakar cach mang, Amaik VNAH, thương binh, benh binh, baoh sang liet si, baoh sang hu ngak bruk daong taneh ia.

Tui LĐLĐ TP HCM, tal tukvak ini, dom pakat công đoàn TP hu caik tabiak jaik 380 tỷ jien daong Tết brei ka labaih 545.800 đoàn viên, urang ngak saong dom adei uranaih sang biak kan kandah. Tết thun ini, rilo DN gaok kan kandah min jeng daok ba tangin tame haong dom pakat công đoàn peih ngak dom bruk daong ka urang ngak. Abih di nyu lac menuac hu daong thun ini hu peih praong jang tal taong abih đoàn viên, urang ngak, saong taduan hu bruk pachreih tui di abih menuac sia.

Tổng Liên đoàn lao động (LĐLĐ) Viet Nam pambuak haong LĐLĐ tỉnh Đồng Nai peih ngak Danak dak “ Sruh radaih pui  Kong Ndoan – Xuan 2024”  pajeng ba đoàn viên, urang ngak kong nao palei mbang Tet. Di tỉnh Đồng Nai hu 480 urang đoàn, urang ngak hu raidiuk kan kandah hu daong harak vé radaih pui nao palei mbang Tet meng danak dak “ Sruh radaih pui Công Đoàn – Xuân 2024” . Danak dak nan lac prein pachreih ba urang ngak nao palei mbang Tet, raok thun birau taom gaok gauk gar dalam baoh sang di drei. Dahlau di nan, dalam dua harei 4 saong 5/2, LĐLĐ tỉnh Đồng Nai hu tadhau ayuh Tet , alin pandap  pajeng ba 91 urang ngak nao palei mbang Tet.

Meng hatai sahneng lac tamekai hu ba patuah jamo mai ka po sang, ong Trần Văn Cưng daok di xã Phong Hòa, huyện Lai Vung, tỉnh Đồng Tháp hu roh duah, mbeik baoh tamekai jeng candaih ameh saong tamekai 4 mata piah pablei ka urang blei caik iek dalam tuk Tết. Thun ini, ong caga jaik 200 gu tamekai mbeik thaik ameh yaom 1,5 triệu sa gu, saong tamekai mbeik thaik 4 mata yaom 1 triệu sa gu. Tukvak caik iek baoh tamekai ini meng 1 tal 2 bilan. Tamekai mbeik thaik ameh saong tamekai 4 mata janih ka 1 yaom tani tanat 1,5 triệu sa gu. Daok tamekai mbeik thaik janih ka 2, yaom meng 600.000 tal 900.000 đồng sa gu. 

Tet Nguyen dan thun ini, urang ngak nong tỉnh Tiền Giang pala labaih 1,3 trieu phein bingu. Yau nan min, urang pala bingu takik sambai kayua yaom lap, suai pablei hu. Mbiah tal  harei 27 Tet,  rilo hamu pala bingu oh ka pablei hu, njauk pablei tuh pablei thaik. Rilo urang pala bingu pablei trun yaom jaik 40% dut saong thun blaoh min biak suai. Dom hamu pala bingu sroh nerang njauk tuk Tet saong bingu biak mekre, daok di jaik mbaok jalan, hu sarak pambuak blei ye hu lagaih, urang ngak nong hu laba. Ta-eng dom hamu bingu oh siam, abih rilo jien pah taneh, urang pala bingu oh hu laba.

Yau dom urang ngak nong di dom taneh ia châu Âu karei karei, urang ngak nong di Tây Ban Nha hu peih radaih mac katung tabiak rilo jalan, pacang radaih nduac nao mai di dom jalan cao tốc praong saong am cuh kong radaih. Dom bruk trun jalan ini piah brei mboh hatai cagar veik bruk yaom kaom tagok glaong saong ieu ba tabiak dom jalan ngak anak bruk meriak gauk khang meng dom taneh ia langiu Liên minh châu Âu (EU). Urang ngak nong brei thau lac dom adat ngak catang bo EU ba tabiak piah khik caga alam langik tasik daok ngak brei urang takik hu prein meriak gauk jang duk haong menuac ngak nong di dom bhum karei.

Yaok ribau radaih daok gar di angaok jalan peih drah samar di bhum Kreh negar Trung Quốc tuk tuyết laik kapal dalm mbang tabung glong nao mai dahlau Tet Nguyen dan thun ini. Mblang kapal haok  di ban Vũ Hán, tỉnh Hồ Bắc, rilo mbang brei kareih pabah mbang kayua tuyet khan. Dom mblang kapal haok saong radaih pui brei padeih peih, ba tal tuai damuai daok veik cang dalam tukvak suai lavik. Tân Hoa Xã ba khaw tin hu sa urang metai saong 13 urang karei njauk rambuac di tỉnh Hồ Nam tuk tabung sang di sa darak pasar  kaya nong gut jaleih kayua tuyet laik kapal kateik trun.

Takik abih 11 urang matai saong jaik 80 menuac njauk rambus dalam sa bruk patuh praong di sa labik ngak pháo daok di bhum kreh negar Ấn Độ di harei kabroi. Urang jakar Ấn Độ brei thau, sang mac ngak pháo bingu ini hu 200 - 300 menuac ngak bruk. Oh ka thau cambaih tuk patuh, hu hadom menuac daok ngak bruk. Pháo bingu hu pandar biak rilo di Ấn Độ, abih di nyu lac dalam harei pataom ngak adat di agama Hindu saong dom ndam lakhah. Min rilo labik ngak pháo bingu oh ngak catang bruk khik caga salamat atau ngak bo oh hu harak adat./.