Mintri Pato magru daok payua tagok rajaei dự thảo Sarak pasiam veik Sarak ka 81 ka jien bac. Tui nan, di bhum ban, tanut sàn meng 300.000 đồng trun daok 100.000 đồng sa bilan ka abih tih dom tal bac. Di bhum puk palei meng 100.000 đồng trun daok 50.000 đồng sa bilan ngan haong dom pakat bac meng mầm non tal trung học cơ sở. Di bhum mikva bangsa takik saong bhum ceik, jien bac ka anek saih dom pakat trun meng 50.000 đồng daok 30.000 đồng sa bilan.

Mesup ini 11/10 (lac harei 27/8 saka ia bulan), adat cuh gilau pahadar 155 thun harei lahik di AH bangsa Nguyễn Trung Trực (1868 - 2023) rah tabiak di mblang bein rup patau Nguyễn Trung Trực, pasak ban Rạch Giá, tỉnh Kiên Giang. Tapa nan, phaok akaok UBND tỉnh Nguyễn Thanh Nhàn ndom lac, bruk var klaak rup drei di Anh hùng bangsa Nguyễn Trung Trực hu daong pabak hatai anit ranam taneh ia, khang hatai yam tagok mesruh pacang kol khamang taneh ia langiu di bhap bini bhum ĐBSCL, jeng yau bhap bini tỉnh Kiên Giang.

Salam uan Harei Sene Dolta di mikva bangsa Khmer (meng harei 13 tal harei 15/10/2023), Tỉnh ủy, UBND tỉnh Sóc Trăng hu padang 15 kapul nao rivang, alin pandap ka dom baoh sang sarak kanja, Amaik Việt Nam Anh hùng, Anh hùng Kapup bol par phao kraong bhap bini, urang jakar padeih huu lac urang bangsa Khmer saong dom ong bhik, ong car di dom paha Phật giáo Nam tông Khmer di dalam tỉnh. Tỉnh Sóc Trăng hu mikva bangsa Khmer rilo abih dalam taneh ia, tukvak tapa, tỉnh tuk halei jeng sangka tacei pato saong peih ngak samu gauk, peih ngak catang dom jalan ngak, sarak di Đảng, Kanja ka bruk cak rok patagok kinh tế - xã hội di dalam ban, abih di nyu nan lac di bhum mikva bangsa takik. Meng nan, raidiuk di mikva bangsa Khmer dak harei dak hu glaong tagok, mbaok mata puk palei dak harei dak hu salih bahrau. 

Tui Pasak pasang iek ruak kik tỉnh Long An, di huyện Cần Giuộc bahrau hu sa urang lakei ndih tapui thun 1981, dương tính haong vi-rút đậu mùa khỉ. Urak ini prein yava di urang ruak nan hu tani tanat, daok brei daok karei di sang, oh pandiak, dom baoh ia di tangin daok thu. Kapul y tế hu tacei pato urang ruak tui iek ruak di sang. Dahlau di nan, harei 6/10 urang ruak ini nao tal sang iek ruak Da liễu TP.HCM iek ruak kayua mboh dalam rup yau njauk ruak đậu mùa khỉ. Urang ruak hu brei mek mẫu dut iek saong tapa nan mboh lac dương tính haong vi-rút đậu mùa khỉ. 

 Salipan bilan tapa, công an tỉnh Bình Dương hu taong tayah, duah mboh 1.290 mbang kol toi pham ka gah trật tự xã hội, cap mek langyah 2.570 urang. Dalam nan, bruk pasang iek, duah mboh ngan haong dom duas trak saong duas biak trak lac labaih 90%. Taeng di kol pachot pagait mek drap ar meng dom jalan pandar công nghệ glaong, không gian mạng, jalan ngak oh bahrau min jalan pambuak dom urang njauk bala dak harei dak kan thau ngak ka rilo urang njauk pagait. Công an tỉnh Bình Dương daok peih ngak biak catang, taong tayah dom jalan ngak, dom kol tội phạm kanjak jhak ngak bruk pablei salih manuac, cap khik urang ngak suan adat hukum, klaih drap ar, duah jalan pablei tabiak drap ar kayua dom urang pachot pagait hu.

Urang dang akaok negar Trung Quốc lac Tập Cận Bình meda hu mbaok di tuk peih mbaok Nyaom biai pakat glaong pambuak bruk dunya “Vil val saong jalan nao” (BRI) mbang ka 3 di adit tal saong hu kadha ndom puac hu yaom praong. Thun ini, lac thun pahadar 10 thun bruk ​​“Vil val saong jalan nao” kayua Chủ tịch Tập Cận Bình ba tabiak. Ini lac bruk dunya pakat glaong abih dalam dom bruk di BRI. Urak ini, lambaok di labaih 130 taneh ia saong labaih 30 kapul nyaom di dunya brei thau lac hu mbaok dalam nyaom biai

Tổng thống Indonesia Joko Widodo brei thau lac, rajaei negar ini pilih ruah jalan blei pandap mbang meng negar langiu tame piah pacang veik bruk  tagok yaom. Tui Mintri pablei salih Indonesia, yaom hadang saong yaom tangei daok dak harei dak tagok kayua bruk mesuh metak saong gaok kan kandah di bruk El Nino. Nan ye, rajaei njauk samar drah ba tabiak dom sarak. Dahlau di nan, Tổng thống Indonesia brei thau lac, negar ini njauk caga dahlau dom kaya pandap mbang ka thun 2024 kayua dom salih karei di langik tasik El Nino ngak kan kandah tal bilan yuak kuak, jang yau dom bala ka bruk sarau kadau di pandap mbang di mangaok dunya.

Jabat Gah Y tế Dunya (WHO) bhum châu Âu, bahrau hu panuac ieu dom menuac mbuan njaom ruak brei paglaong bruk eng drei khik caga prein yava meng bruk klauk vaccine caga ruak. Ini lac kham merat haong gauk piah patrun patakik dom ruak kik kan kandah meng COVID-19 saong cúm mùa ba mai dalam bilan Thu saong bilan brak thun ini. Daok dom urang taha, urang trun prein pacang ruak, uranaih sit saong kamei metian, Gah Y tế dunya WHO kakei lac, njauk klauk pabak sa mbang vaccine hadei di mbang klauk puac abih dalam vaktu meng 6-12 bilan, tui prein pacang ruak di yaok urang./.