Piah  pachreih bruk blei pandar dalam taneh ia, meng di akaok thun tal urak ini, Sở Công thương TP.HCM peih ngak danak dak Shopping Season tal dom doanh nghiệp saong puk palei. Bruk bahrau di danak dak thun ini lac Sở Công thương meda pambuak haong Sở Du lịch ban raya peih dom danak dak khuyến mại pataom prein tame haong danak dak pachreih du lịch piah pachreih urang blei pandar dalam ban raya saong tuai mai ma-in. Dalam nan, khuyến mại pandap hiệu hu Sở Công thương Ban raya peih praong tal 5 quận, huyện, tui jalan ngak saong kein lagaih di danak dak thun blaoh.

Xã Hỏa Tiến, ban Vị Thanh, tỉnh Hậu Giang bahrau mek hu chuẩn palei pala bahrau kiểu mẫu thun 2024. Xã Hỏa Tiến hu thau tal lac labik hu bhum menaih Cầu Đúc, sa angan je di tỉnh Hậu Giang, haong taneh praong abih tih labaih 1.000ha. Urak ini, rahra daok pak ini jhul khang bruk pandar ilamu công nghệ tame pala ngak tuk padang hu bhum menaih mek hu chuẩn VietGAP, GlobalGAP pambuak haong raong ikan tui jalan tuần hoàn pambuak haong du lịch sinh thái; tapa nan daong paglaong jien mek tame ka rahra. 

Tỉnh Cà Mau padang ngak danak dak "Pacang caga glut jaleih takai tasik, takai kraong tukvak 2021 - 2025 kuhria tal thun 2030”. Danak dak meda buh jien tame padang ngak 177 danak dak pacang caga glut jaleih, ngan haong phun jien buh tame labaih 31.000 tỉ đồng. Danak dak ba tabiak jalan ngak tal thun 2025 hu ngak salah bruk duah thau bruk glut jaleih takai tasik. Kham marat tal thun 2025, dom labik rahra daok di tapen tasik, tapen kraong di bhum mbuan glut jaleih jeng hu khan brei thau samar drah saong hu pato tacei dom ilamo pacang caha tuk rahtabiak glut jaleih, kham marat tal thun 2030 ngak salah 90% bruk panduan ba dom baoh sang rahra tabiak truh labik mbuan glut jaleih glaong.  

Ndom ka bruk tuabin điện ngin di Sang mac Điện ngin Hòa Bình 5 (tukvak 1) laik seok di harei 1/3, Chủ tịch UBND tỉnh Bạc Liêu Phạm Văn Thiều brei thau, bruk laik seok kadik điện ngin ngak khut jaik 200 tỷ đồng. Makna lac kayua khut gah kỹ thuật, saong ieu doanh nghiệp samar pasiam veik piah tame bruk ngak veik. Danak dak Sang mac Điện ngin Hòa Bình 5, tukvak 1 lac danak dak điện ngin praong abih angaok mbaok haluk di bhum taneran kraong Cửu Long dalam gah pandar năng lượng hacih piah ngak tabiak điện.  

Tỉnh Đồng Nai bahrau hu sa urang ruak medil njauk ruak đậu mùa khỉ di dalam ban Biên Hòa. Urang ruak ndih tapui thun 2007, daok di khu phố 2, phường Long Bình Tân, ban Biên Hoà. Tapa pasang iek jit ruak, prein yava di urang ruak mboh tani tanat, ndom biai nao mai siam. Tapa dut iek lâm sàng  mboh lac urang ruak dương tính haong ruak giang mai. Urang ruak hu mboh dom mun ia bhong saong dom labik ndaih baoh di takoi, pandik akaok, katar. Meng harei mboh dom janih ruak nan, urang ruak hu taom gaok haong 11 urang, prein yava di urang ini mboh siam jang. Meng bruk dut iek ruak nan, gah chức năng medil urang ruak đậu mùa khỉ njom mbak ruak meng jalan ndih daok. Tal urak ini, Đồng Nai hu 4 urang ruak đậu mùa khỉ, dalam nan ban Biên Hòa hu 3 urang ruak.

Rajaei Hàn Quốc brei pasang iek dom sang iek ruak piah hu jalan ngak gah adat hukum ngan saong dom bác sĩ pasram bruk oh caik hatai tal panuac ieu padeih bruk đình công. Tui nan, dom bác sĩ oh mai ngak bruk veik, Rajaei meda ngak dom bruk piah brei padeih harak adat y tế di jaik 7 rabau bác sĩ pasram bruk. Tukvak tapa, Hàn Quốc daok dang anak bruk bác sĩ padeih bruk rilo mai meng bruk brei tagok tanut pilih ruah saih bac y khoa piah langyah bruk kurang bác sĩ.  

Bier harei ini, Trung Quốc peih mbang nyaom biai ka 2 Mbang nyaom Chính trị Hiệp thương Nhân dân (Chính Hiệp) mbang 14. Mbang nyaom ka 2 Mbang nyaom dom urang lambaok ka rahra di dalam taneh ia (lac mbang nyaom Quốc hội) mbang 14 meda hu peih tabiak di harei paguh. Dalam sa adit, dom urang lambaok di 2 mbang nyaom meda pasang iek dom asal kadha patagok GDP thun 2024, sarak tài khóa ka thun 2024, dom sarak ka rahra - xã hội, quốc phòng, an ninh… Rilo urang roh duah ilamo kuhria lac di mbang nyaom ini, Rajaei Trung Quốc meda patui veik ba tabiak dom jalan ngak patagok labaih 5% dalam thun 2024.

Rahra Malaysia bahrau peih bruk pahadar dom tuai nao sruh kapal haoh MH370 lahik oh ka duah mboh dalam 10 thun tapa. Jaik 500 menuac pataom gauk di sa pasak pablei pandap di ban ine Kuala Lumpur. Urang truac 239 mbaik din, samu haong 239 menuac mangaok sruh kapal haoh lahik nan. Malaysia daok pachreih patagok sa bruk roh duah bahrau sruh kapal haoh MH370 di hãng kapal haoh Malaysia Airlines, bruk hu maong lac sa dalam dom kadha kandauk dalam praong abih di gah pajeng ba meng kapal haoh di dunya./.