Sở Ilamu saong The thao TPHCM birau jao brei harak angan inem krung, muyim dalam ban. Dalam nan, Mban peih bruk hu jao brei Harak dak angan inem krung sajarah dak rai - ilamu, thaot binguk mekre di ban raya ngan hoang Inem krung sajarah dakrai labik căn cứ Quận Gò Môn (palei An Bình, xã Trung An, huyện Củ Chi); Inem krung padang ngak Sang iek ruak Meta TPHCM saong Inem krung padang ngak Sang uranaih TPHCM. Tapa nan, Mentri Ilamu, The thao saong Dulich brei dak angan janih ka I ngan haong Muyim Chứng tích chiến tranh, dak angan gilac veik janih ka I ngan haong 3 muyim lac: Muyim Mỹ thuật TP, Muyim Sajarah dakrai TP saong Muyim TP.

Tui bruk patagok nao gah Timur, ba jakan cakrok KTXH, tỉnh Bến Tre daok jhul samar bruk padang ngak dom danak dak điện ngin di dom huyện bhum tasik saong tuk camereip mboh hu siam lagaih. Tal urak ini, dalam tỉnh Bến Tre hu 8 dalam 19 danak dak điện ngin hu peih điện pablei salih tagok jalan talei điện 110kV. Ong Trần Ngọc Tam, Chủ tịch UBND tỉnh Bến Tre brei thau, điện ngin mboh biak lagaih ngak di Bến Tre, abih di nyu lac pambak tame takai tasik atah 65 km. Tuk dom danak dak điện ngin ngak bruk, meda ba jien tame kadung jien tỉnh 

Bilan padai ini, dalam tỉnh Sóc Trăng trun pajaih labaih 330 ribau hecta, dalam nan yuak hu jaik 325 ribau hecta, padai hu labaih 2 trieu tấn, tagok 0,55% dut saong tukvak ini thun dahlau. Kayua bruk caong khin blei padai brah di darak pasar, abih di nyu nan lac darak pasar pablei brah tabiak negar langiu tagok glong yau nan ye yaom padai tagok glong jang yaok thun, tui kuhria rah tapa hu meng 6.000 tal 8.000 đồng sa kilo, laba hu meng 20 trieu meteh tal 23 trieu dong sa hecta ka mikva urang ngak nong.

Piah ngak siam bruk khik iek tapon athur raong, pacang caga jit ruak, khik caga alam langik tasik, khik siam prein yava ka rahra, UBND tỉnh Tiền Giang brei ramik veik labik raong glang. Dalam nan, kuhria meng harei 1/12 tal, dalam tỉnh Tiền Giang hu 215 labik daok bhap bini oh hu adat raong athur, menuk ada, dom janih cim brim, kuhria gam cim yến. Tiền Giang lac tỉnh hu bruk raong praong saong rilo janih di bhum ĐBSCL. Min tukvak tapa, hu rilo menuac raong athur, menuk ada, cim yến oh njauk adat, raong di labik hu rilo menuac daok, ngak nerak alam langik tasik, mbuan njaom mbak jit ruak, oh siam ka prein yava di bhap bini.

Sang iek ruak Hoàn Mỹ Cửu Long di Ban Cần Thơ birau taduan tanut chuan asar ameh dalam bruk taong ruak đột quỵ di Hoi dot quy Dunya. Dalam dom thun tapa, Sang iek ruak Hoàn Mỹ Cửu Long taduan tame taong ruak ka biak rilo urang đột quỵ darah tagok glo akaok saong glo akok sraiy darah meng jalan taong ruak cấp cứu samar siam abih, njauk tukvak dalam bruk taong ruak đột quỵ ala 60 minit meng tuk urang ruak ba tame Khoa Cấp cứu. Kuhria tal tukvak ini, tukvak kuhria rah tapa “ ndua darah veik “ ka urang ruak di sang iek ruak lac 26 minit, samar jang tukvak kuhria rah tapa dalam negar 37 phut.

Lào hu peih mbaok Thun Du lịch Lào 2024. Thủ tướng Lào Sonexay Siphandone brei thau, ini lac tuk piah ka Lào yaih khan tal dunya sa taneh ia Lào rilo ilamu, daong ka tuai mboh kan var hu saong pachreih tuai mai ravang veik Lào. Rajaei Lào maong iek bruk du lịch lac sa bruk ngak kinh tế siam haong alam langik tasik, daong patagok KTXH, saong daok lac sa bruk dui pachreih ngoại tệ tame ka bruk pasiam veik, patagok KT di taneh ia.

Ruak jalan suan yawa oh ka thau cambaic meng halei njom mbak tapa asaw takik di nyu 9 bang taneh ia Mỹ, hu urang metai. Tui kenh papar binguk RT, mbang tamuh tabiak ini ngak brei urang huac lac sa jit ruak praong di janih athur ini tuk dom bac si thu y kham merat duah thau ruak saong duah hu asal di nyu. Dom kadha di ruak nan lac patuk, glaih glar, sre ia dung saong mbang oh bingi. Hiep hoi Y te Thu y Mỹ kakei bhap bini brei klauk jru pacang caga ruak ka athur raong dalam sang, saong plaih brei pataom asaw labik hu rilo manuac.

Hãng thông tấn Tassdi Nga brei thau, 103 urang Nga hu ba tabiak truh Gaza saong salamat mai veik palei negar tapa pabah mbang negar Rafah di Ai Cập. Dahlau di nan, Thủ tướng Nga Vladimir Putin hu tacei pato jabat pambuak tal, peih bruk ba menuac di taneh ia Nga tabiak truh Gaza. Urak ini hu labaih 900 menuac ngak harak likau daong ba tabiak truh Gaza. Mintri bruk samar drah jeng brei 6 mbang par, ba abih tih 553 urang kuhria meng di tuk bruk mesruh gauk di Israel saong Hamat patuh tabiak di akaok bilan 10 meng blaoh.