Tỉnh Sóc Trăng jaik peih ngak Roya Oóc Om Bóc - Pakacah ghe Ngo Sóc Trăng di bhum Taneran kraong Cuu Long mbang ka VI saong Adit Ilamo - The thao - Du lịch Sóc Trăng dalam 7 harei, meng harei 9 /11 mbiah tal 15/11 anak tal. Ini lac dom bruk piah pok meyaom ilamo siam gheih meng kan di bhap bini Khmer. Dalam tuk peih ngak Harei Roya nan, dom bruk ilamo, the thai hu pamblak tame, piah parilo bruk ngak pachreih urang rivang ma-in, yaih khan, pachreih bruk yulit di tỉnh Sóc Trăng.

Sở Ilamo, Padhih saong Yulit tinh Dak Lak bahrau peih ngak Harei pathau khan mbon Tơng Jŭ, xa Ea Kao, ban Buôn Ma Thuột hu jeng sa labik yu lit bhap bini. Tal ini, tinh Dak Lak hu 4 mbon yu lit bhap bini ba mai dom pandap panda yu lit ghieh siam, oh pak halei hu, dui pachreih tuai damuai mai ravang me-in, ba drei tame. Dom danak dak labik yu lit bhap bini piah pasiam veik, khik ramik, patagok ilamo bangsa; gam haong nan paglaong tanut mbang tui ialam ka bhap bini dom bangsa takik pagam haong patagok ilamo bhap bini.

Vụ Ilamo bangsa, Mentri Ilamo-Padhih-Yulit pambuak haong Sở Ilamo-Padhih tỉnh Quảng Bình peih tal pasram, pato bruk khik ramik, patagok nghe thuat parang iek kadha bhap bini bangsa Chứt pambuak haong bruk patagok yulit di huyen Minh Hóa.Tal pasram piah pabak  ilamo  ka 100 urang bac pasram bangsa Chứt, rik tame khik ramik saong patagok yaom ilamo parang iek kadha bhap bini bangsa Chứt gam haong bruk patagok yulit. Ini lac bruk rik tame cakrok patagok khang kajap di bhap bini bangsa Chứt pak ini.

Mbang akaok meti Harei Ia mesir kayua Kapul Pandap panda mbang menyum Ban raya Ho Chi Minh pambuak haong Kapul Ia mesir ngak tui jalan amuk kei di Viet Nam padang ngak sang daok rah tabiak di Ban raya Ho Chi Minh. Danak dak pataom hu labaih 150 labik parang pablei salih pandap panda di dom gah ngak ia mesir meng kal dalam taneh ia. Gam haong nan, dom kuan nha hang, khach san jeng hu mbaok tame daong ka bruk yaih khan, padang, patagok angan negar Ia mesir meng kal Viet Nam piah yaih kha tal tuai damuai pandar, tuai damai yu lit dalam taneh ia saong dunya.

Kong ty Cổ phần Thực phẩm dinh dưỡng Nutifood lac doanh nghiep daong jien danak dak ngak Tatua nao tabak tapa kraong Ban Gon, TPHCM hu palih rah Mban khik iek danak dak Mỹ Thuận piah khik iek danak dak. Ini lac bruk anak tal hu Nutifood ngak hadei UB bhap bini TPHCM mbaok harak brei peih ngak kayua kong ty padang tabiak saong daong abih jien ngak. Nutifood daok kuhria palih ruah po thầu piah peih ngak dom bruk di Danak dak Tatua nao tabak tapa kraong Ban Gon hu padang ngak di harei 30/4/2025, ngak salah di thun 2027 kuhria abih tih phun jien buh tame ngak jaik 997 tỷ đồng.

Dalam tuk jaik tal harei Halloween, radaih apui nduac samar Shinkansen, sa radaih siam mekre meng dahlau mai di Japon urak ini hu yaih khan pambak praong yau “sa baoh sang bhut khamot akok meti gam angaok radaih apui peih nduac samar”. Hu labaih 40 tuai damuai khang hatai, radaih apui hu peih nduac meng Tokyo dalam siam mekre. Min hadei di tuk vak katut, dalam radaih mboh jhak mboh huac tuk bo dom urang ngak ja bhut khamot hu daok dahlau dalam nan – tabiak mai katuak brei mboh bruk pandik pandua, sanak ngak ka tuai damuai huac…yau sa phim bhut khamot.

Tui roh duah birau di rajaei Mỹ, urang lameh labaih kilo di Mỹ tagok glong, labaih 40%. Dalam nan, hu jaik 1 dalam 10 urang biak lameh hu tangi sua saong urang kumei  meda lameh trak kilo glong jaik dua mbang dut saong urang likei. Roh duah birau hu mboh urang lameh labaih kilo salih tui pakat bac. Jaik 32% dom urang hu bằng cu nhan  tagok lameh labaih kilo, ye dom urang hu bằng cao đẳng saong biar jang lac 45%. Njauk caik hatai, taong abih dom tieu bvang saong bhum taneh di Mỹ hu mboh urang lameh labiah kilo  glong jang 20%./. 

 Rajaei Ireland bahrau ndom lac brei pandar Adat salamat online bahrau ngan haong nền tảng mạng xã hội piah pacang khik urang pandar, abih di nyu nan lac anek naih plaih dom asal kadha oh siam angaok internet. Adat salamat ini hu ba tame pandar meng bilan 11 anak tal. Tui nan, dom nền tảng dalam labik brei hu dom kadha pakauk ba tagok atau rabha dom asal kadha oh siam yau taong paoh online; bruk eng ngak pandik pandua rup drei, khủng bố…; gam haong nan pabak ka amaik ame pasang iek ngan haong dom asal kadha.