Kapol kapulan Khmer tỉnh Sóc Trăng birau peih tal pato bac main alat ragam bhap bini Ngũ âm. Di var nan, urang bac hu parang ma-in  taong abih dom janih alat ragam Ngũ âm  piah kuhria iek veik saong Mban peih bruk hu alin brei harak ka 80 urang hu bac tamat. Ilamo  prang main alat ragam Ngũ âm di urang Khmer  hu Mentri Ilamo-Padhih - Yukit ba tame Angan  Drap ar ilamo oh mboh di meta pakat negar thun 2021. Tal pato ma-in alat ragam Ngũ âm lac sa dalam jalan  hu makna praong, hu siam saong njauk brei khik ramik saong patagok ilamo alat ragam ini.

Mbon Ea Map, ban sit Ea Pok, huyen Cư M’Gar, tinh Dak Lak urak ini hu 560 baoh sang, labaih 2.780 urang manuac, dalam nan bangsa takik hu 98%, raidiuk di rahra gaok rilo kan kandah. Hu Tinh uy Dak Lak rabha bruk, Ban Tuyen giao Tinh uy saong Kong ti Co phan Ilamo Dak Lak mai pambuak bruk haong mbon Ea Map. Dua gah gam pasang iek bruk bhian rah tabiak di mbon, gam pandar urang jakar trun mbon “gam mbang, gam daok, gam ngak” haong mikva, jak ba mikva sangka ngak mbang duah jien; gam haong nan peih ngak rilo danak dak lagaih. Tapa bruk pambuak gauk hu daong ka mbon pasiam veik raidiuk mbang ngui, anek kamuan dalam thun umo hu nao tal sang bac.

Abih gah pato megru huyen Ia H’Drai, tỉnh Kon Tum hu 7 sang bac ngan haong labaih 3.400 anek saih, dalam nan hu anek saih bangsa takik meblah 68%. Yaom lac birau padang hu 9 thun  min hu bruk sangka  di Karja, bruk pato megru di huyen taphia negar Ia H’Drai dak harei dak siam. Pandap panda, duk bilik hu buh jien tame  ngak brei siam praong laneng lanoi, dom gru pato hu bac paglong ilamo, parilo ginup. Dalam 2 thun jaik ini, tỉnh Kon Tum hu brei pabak rilo gru patao bien che saong jamraih pandap panda pato bac ka huyen. Hu brei buh jien njauk labik, pandar njauk bruk, huyen Ia H’Drai  anak tal hu samar paglong ilamo ka bhap bini. 

Kapul Urang kamei huyen Dak Pơ, tinh Gia Lai bahrau peih harei ndom biai klak rabha dom pandap panda truyen thong atah klak bruk sahaneng likei karei kamei, taong paoh gauk dalam sang. Hu mbaok tame mbang ndom biai nao mai di 150 urang di dom kapul truyen thong bhap bini, taha palei, urang hu angan je. Danak dak ndom biai piah bac megru ilamo di gauk di dom kapul truyen thong dalam huyen; gam haong nan, daong ngak siam lagaih Danak dak 8 “Ngak samu gauk ka likei kamei saong langyah dom bruk njauk sangka iek praong ngan haong urang kamei saong uranaih” bhum mikva bangsa takik saong bhum ceik.

Kruac bung Năm roi lac baoh kayau bingi di Bhum taneran kraong Cuu Long hu bhap bini dalam negar drei thau tal, pala pataom ralo di xã Mỹ Hòa, ban sit Bình Minh, tỉnh Vĩnh Long. Thun ini kayua rilo bruk kruac bung Năm roi pabak ka darak pasar Tet nasak Lanaih meda trun ralo, yaom kruac meng meda tagok dalm tuk Tet. Tui mikva urang nong xã Mỹ Hòa, kruac bung Năm roi thun ini trun lac kayua ralo taneh pala phun taha urang tak kaoh klak, phun birau oh baoh. Langiu di nan, dom thun dahlau  urang pala bhian brei tabiak baoh suan bilan  piah pablei baoh dalam tuk Tet nguyen dan, min thun ini mikva urang pala brei tabiak baoh atah bilan piah hu pablei  luac thun…

          Rilo blah thaot binguk cih tanyah hu sarak tagok dom blah bar di urang cuah ariya – racih thaik negar Anh hu angan William Blake tuk daok sit, jaik ini hu ba tabiak brei mboh di negar Anh. Dom thaik cih ini hu brei thau bruk pasram di ong, jeng yau dom asal kadha hadei ini hu rah tabiak dalam dom thaik cih saong ariya danei angan di ong. William Blake lac sa dalam dom cuah ariya, racih thaik praong di abap 18, hu thau tal lac sa nghe si thau sahaneng atah saong lac sa dalam dom rapaneh ariya naih joi abih di negar Anh.

Harak Forbes khan lac, Taylor Swift tapa mbaok Rihanna piah hu jeng urang paneh kadha daoh kaya meda abih di dunya ini, yaom drap ar kuhria mboh lac 1,6 tỷ dola. Nai Taylor Swift dang dhi dua dalam angan dom rapaneh kaya meda abih, hadei Jay-z, urang hu drap ar praong lac 2,5 tỷ dola. Forbes mboh lac tapa bruk khan ka jien ndo  di urang kumei daoh hadei bruk jak jeng di mbang  nao daoh grauk negar Eras Tour. Tui kuhria mboh, 600 trieu dola dalam drap ar di Taylor Swift mai meng jien mek tame tapa mbang daoh saong jien paneh kadha daoh, 600 trieu dola karei mai meng  album tavak ragu daoh di anai saong 125 trieu dola meng bruk blei taneh riya./.

Thụy Điển bahrau ini hu ngak iek ba robot tame me-in phling di sa danak dak phling giao hưởng. Ini lac mbang camereip robot hu ba tame pandar me-in phling di thụy Điển saong dalam dunya hu ngak jeng panuac tangi lac krah hadah nghe thuat di anek menuac meda hu salih meng robot halei oh? Di var me-in phling giao huong, sap yava phling taong violin hu peh tagok mbang akaok meti dalam sajarah phling. Pambuak tangin robot cong nghiep haong dom banah in 3D, robot taong violin lac sa pandap panda hu paneh saong patagok kayua urang roh duah gam rapaneh phling Fredrik Gran.