Mentri Công an brei thau, anak bruk mesruh metak di Myanmar hu rilo bruk rah tabiak kan kandah, mbuan ba tal bala ka bhap bini Viet Nam, Cục Lãnh sự,  Đại sứ quán Việt Nam di Myanmar duah thau, brei ho chieu, ngak bruk daong pacang caga bhap bini saong peih bruk brei kapal haok pajeng ba bhap bini Việt Nam saong Myanmar mai veik taneh ia. Mbiah tal ini, Cục Khik iek bruk xuất nhập cảnh duah thau saong javap calei  brei ho chieu ka 1.068 bhap bini.

Mintri Ilamo thể thao saong du lịch bahrau patabiak Bộ tiêu chí ka bruk ilamo dalam harei rija meng kan, piah patagok bruk khik ramik kanja ka harei rija, tani tanat salamat saong siam lagaih ka rahra, tuai damuai tuk hu mbaok tame harei rija roya. Hu dom asal kadha dalam bộ tiêu chí ndom tal  bruk klaak nao dom adat cambat oh daok lagaih, dom adat ndung bak bruk taong paoh, dom bruk ngak suan tui jalan diukrai di bangsa dalam harei rija roya saong paglaong jang veik bruk ngak di urang dang akaok dom pakat dalam dak padang jalan peih ngak, jalan langyah peih dom harei rija roya.

Gah Kỷ lục châu Á birau hu sarak brei padang 10 Kỷ lục châu Á birau ka pandap mbang saong pandap karei krih alin di Viet Nam tui bộ tieu chi Kỷ kục kaya mbang saong đặc sản châu Á thun 2023. Dalam angan birau di Viet Nam 5 janih pandap lac pandap karei krih di châu Á nan lac: Bánh mì Sai Gon ( TPHCM), lisei Hến ( Thừa Thiên Huế), lẩu thả Phan Thiết ( Bình Thuận), nem cuh (am) Ninh Hòa, pachuh mbang ia tut (Sóc Trăng). 5 janih pandap hu di bhum palei saong pandap alin nan lac: Cốm làng Vòng (Ban Hà Nội); bei deo (Quảng Bình), mè xửng (Thừa Thiên Huế), dâu Đà Lạt (Lâm Đồng), pei nung Trà Cuôn (Trà Vinh).

Dua danak dak jalan nduac samar Mỹ Thuận-Cần Thơ saong Tatua  Mỹ Thuận 2 meda hu dom urang thầu padang ngak salah di puac thun ini tui njauk panuac pato tacei di Thủ tướng Rajaei saong Mintri Jalan mbak pajeng ba. Urak ini, taong abih yaom padang ngak pasiam danak dak tatua Mỹ Thuận 2 tal urak ini mek hu labaih 97%  bruk di nyu. Tatua Mỹ Thuận 2 hu peih ngak di bilan 3/2020, abih tih phun jien buh tame labaih 5.000 tỷ đồng. Danak dak ngak salah hu daong pambuak jalan Nudac samar Trung Lương-Mỹ Thuận saong Mỹ Thuận-Cần Thơ, dui katut veik bruk paatah di Ban raya Hồ Chí Minh saong Cần Thơ.  

Gah chức năng di Bộ Tư lệnh bhum Cảnh sát tasik 4 bahrau duah mboh, pasang iek saong cap khik 1 sruh gilai pajeng labaih 130.000 lít manjek DO suan adat hukum di bhum tasik Tây Nam. Di tukvak pasang iek, di mangaok sruh gilai ST 92627 TS hu 5 urang, kayua ong Nguyễn Quang Thanh, daok di xã Tây Yên, huyện An Biên, tỉnh Kiên Giang pan akaok. Tui panuac khan tuk camriep, gilai daok pajeng labaih 130.000 lít manjek DO oh hu harak hóa đơn, chứng từ brei thau asal tui njauk adat hukum. Gah chức năng hu ngak biên bản, niêm phong pandap panda nan tui adat.

Bruk mesuh gauk di Dải Gaza daok jhak nao tui yaok maong. Ini lac panuac khan bahrau abih di Gah Y tế dunya, hadei di harei 5/12, bol lin Israel kuhria taong tame tal dom ban praong gah maraong di Gaza. Hadei di dua bilan mesuh gauk, dom mbang mesuh gauk hu tapa tukvak bahrau saong dak harei dak trak damak, catang jang. Bol lin Israel hu tame pasak Khan Younis, labik pamaong tal camereip abih di bruk  taong tame angaok mbaok haluk peih praong tame gah maraong Gaza. Dalam tuk nan, Hamas daok cuh rocket saong tên lửa tame gah kreih negar saong gah maraong negar Israel. Jaik 16 ribau urang Palestine metai dalam 2 bilan tapa.

Thượng viện Mỹ harei ini hu peih bruk buh phiếu ka dự luật buh tabiak meng kadung jien karja  labaih 110,5 tỷ đô la Mỹ (USD) ka bruk an ninh taneh ia, dalam nan hu 61 tỉ đô la piah daong ka U-crai-na saong I-xra-en. Min, dự luật oh hu brei tapa kayua oh mek hu takik di nyu 60 harak phieu pachreih tui. Meng bruk dự luật oh hu brei tapa, dom paok jien daong jeng meda khik veik tal akaok thun hadei, tuk  dự luật buh tabiak di kadung jien kanja di Mỹ dalam thun ini abih tukvak di harei 19/1/2024.

Jaik sa mateh dom dam dara di Seoul, Hàn Quốc urak ini daokdalam kan kathaot eik lipa. jaik abih dom dam dara ini njauk likau daong meng menuac dalam sang di drei, dom urang karei daok masaiy jien meng dom gah jien padai. Labaih 10% urang hu pasang iek brei thau lac dom urang ini daok gaok kan kandah, tavak tavaiy, ka oh duah hu jalan langyah ka bruk jien padai di drei. Dom urang roh duah ilamo brei thau lac, bruk kan kathaot glaong abih dalam rai ranaih Hàn Quốc meda lac kayua bruk lahik bruk glaong dui atah. Rajaei Hàn Quốc jeng daok kham marat ba tabiak paok daong ka dam dara kan kathaot piah langyah dom kan kandah dalam raidiuk saong dui pachreih dom urang ini kham merat hu mbaok tame darak pasa ngak bruk./.