Tal urak ini, abih tih dom labik iek ruak, taong ruak bảo hiểm y tế (BHYT) dalam taneh ia hu peih bruk iek ruak, taong ruak BHYT meng căn cước công dân pagam chíp, ngan haong labaih 60 triệu mbang pasang iek jak jeng khau tin thẻ BHYT meng CCCD pagam chíp pabak ka bruk ngak adat iek ruak, taong ruak. Nan ye, rahra oh daok ba tui thẻ BHYT bi-ar tuk nao iek ruak, taong ruak. Bruk pambuak gauk gah ngak harak pasang iek prein yava peih nduac radaih tapa hạ tầng di BHXH Việt Nam daok daong ka rahra meda likau ngak veik, ngak bahrau harak adat peih radaih online, salih ka bruk nao tal labik ngak harak piah nộp bản cứng di harak pasang iek prein yava peih radaih yau dahlau deih. 

Mesup ini, Hội đồng Nghĩa vụ Quân sự TP.HCM peih mbang nyaom ka 2, piah pasang iek, taong yaom bruk pilih ruah, ieu rahra tame ngak lin saong bruk caga jao lin thun 2024. Thun ini, TP.HCM hu brei bruk ieu 4.906 dam dara tame ngak lin. Tui kuhria, bruk “giao quân” thun ini di TP lac harei 27/2 ini saong Quận 10 hu pilih ruah ngak labik ngak iek di ban raya. Trung tướng Nguyễn Văn Nam, Tư lệnh Bộ Tư lệnh TP.HCM, Phaok akaok Hội đồng Nghĩa vụ Quân sự TP brei thau, tal tukvak ini, bruk pilih ruah, ieu rahra tame ngak lin thun ini di TPHCM hu ngak njauk tui bruk ba tabiak.

Hadei di dom harei ma-in bui sambai Xuân, rok Tết Nguyên đán, mikva dom bangsa Chu Ru, Cơ Ho di huyện Đơn Dương, tỉnh Lâm Đồng caga kuac rok mek củ năng. Dalam huyện Đơn Dương hu jaik 300 ha taneh pala củ năng, pataom rilo pak xã P’Róh. Urak ini, jalan pablei tabiak di củ năng biak lagaih, urang mai tal mblang hamu pala piah blei, atau urang ngak nong pablei ka dom po pataom blei di pak ini. Kayua ngak tui jalan hữu cơ sinh học bo củ năng that di xã P’Róh hu pok brei angan pandap panda OCOP 3 patuk. Min, kayua oh ka hu labik ngak, mikva njauk pablei củ năng that nan ye kein laba ka oh glaong.

Tui dut iek, mboh lac ia mbak njom tame di tỉnh Vĩnh Long dom harei jaik ini tagok glaong, abih di nyu lac di huyện Vũng Liêm. Tui kuhria mboh dahlau, ia mbak daok tagok glaong jang dalam dom harei tal. Gah ngak nong tỉnh Vĩnh Long jeng hu caga jalan ngak meyah ia mbak njaom tame dalam jang di dom huyện Vũng Liêm, Mang Thít, Long Hồ, Trà Ôn, Tam Bình saong ban sit Bình Minh. Tỉnh jeng hu tacei pato dom huyện, ban sit tui iek catang bruk langik tasik, bruk kurang ia, mbak njaom tame, caga pacang, khik ginup ia pruh ka phun pala saong ia pandar di bhap bini.

Dah page ini, gah chức năng tỉnh Bình Phước yaok pataom dom khat lahik, pasang iek labik rah tabiak bala piah ngak cambaih laih makna ba tal bruk apui khuah di công ty ngak kadung, mút xốp di ban sit Chơn Thành. Hu thau, maong 10 melam blaoh, rahra tatuak drei mehit sap patuh khang di Công ty TNHH Nam Phát, di xã Nha Bích, ban sit Chơn Thành. Công an tỉnh Bình Phước hu ba 8 sruh radaih chuyên dụng gam haong yaok piluh urang jakar, urang lin mai tal labik bala, pambuak haong kapul dalam palei pacang padam hu apui khuah. Tal maong 12 meteh kreh melam, apui hu padam abih. Bruk khuah nan oh hu urang halei njauk hagait min pui mbang ralai abih sang xưởng praong labaih 1.000m2 di Công ty.

Tổng thống dahlau daih, ong Donald Trump hu khan brei thau angan dom menuac meda hu pilih ruah piah yam takai nao gam haong ong dalam bruk pakacah tame Nhà Trắng hu peih tabiak di bilan 11 thun ini. Dalam mbang javap jalei dom tangi sua di hãng tin tức Fox News, ong Donald Trump brei thau angan dom urang meda hu ong pilih ruah piah pambuak haong ong tabiak tranh cử, lac 3 ứng cử viên đảng Cộng hòa dahlau daih hu tabiak tranh cử lac: Thượng nghị sỹ Tim Scott, doanh nhân Vivek Ramaswamy saong Thống đốc bang Florida Ron DeSantis. Dalam harak angan ini daok hu Hạ nghị sỹ Byron Donalds di bang Florida, Thống đốc bang South Dakota Kristi Noem saong  Hạ nghị sỹ dahlau daih di bang Hawaii Tulsi Gabbard. (VOV) 

Mintri Đại học, ilamo, roh duah saong duah jalan ngak bahrau Thái Lan bahrau brei thau bruk kuhria caga menuac ngak tagok tal 150.000 urang ngak bruk dalam gah radaih dien dalam 5 thun anak tal. Anak mata, njauk samar drah caga takik di nyu 5.000 urang ngak bruk dalam thun ini. Ini lac sa binah dalam jalan ngak taong abih gah di Thái Lan piah pabak ka sarak cak rok patagok hệ sinh thái radaih điện. Thái Lan daok pamaong tal jalan ngak tal thun 2030, lac 30% dom radaih ngak tabiak di negar ini hu dom nerak tathuak tabiak trun daok zero, samu labaih 725.000 radaih ô tô dien saong labaih 675.000 radaih mac điện.

Rajaei Prang bahrau brei thau dom jalan ngak bharau piah langyah bruk srau kadau dalam gah ngak nong, dalam nan brei ngak dahlau bruk khik kajap bruk yaom jien mek tame siam jang ka urang ngak nong, dui pachreih hu rilo jang urang ngak negar langiu, pacadu adat pandar jru halak saong abih di nyu lac ba bruk ngak nong jeng sa dalam dom kein laba praong di taneh ia. Thủ tướng Prang Gabriel Attal brei thau bruk njauk ngak dahlau dang akaok di rajaei lac padang hukum Egalim bahrau dahlau bilan pandiak 2024 piah khik kajap yaom jien mek tame siam jang ka urang ngak nong./.