Hadei di tukvak samar drah peih ngak, tal urak ini Danak dak pasiam veik ar tasik Gò Công, tỉnh Tiền Giang (tukvak ka 2) hu ngak salah. Ini lac sa dalam dom danak dak pacang caga glut jaleih tapen tasik, khik caga salamat ar tasik. Danak dak hu phun jien buh tame abih tih jaik 200 tỷ đồng. Dom thun tapa, meng phun jien di Trung ương daong, tỉnh Tiền Giang hu peih ngak salah bruk pasiam veik, padang ngak ar pacang takai tasik Gò Công. Ar tasik ini hu padang ngak biak khang kakajap, pacang hu ia mbak, dang kajap di ribuk pakat 10, khik caga salamat ka anek manuac, drap ar di dalam bhum ia taba Gò Công (tỉnh Tiền Giang) saong lagaih piah cak rok patagok gah du lịch tasik di tỉnh.

Dalam dom harei meng harei 3 tal 5/11 tal,, tỉnh Ninh Thuận hu peih harei pataom ilamu, Du lịch Ninh Thuận di ban Cần Thơ thun 2023 ngan saong kadha: “Ninh Thuận – bhum taneh pataom dom yaom glaong karei”. Dalam nan hu dom labik parang tabiak, yaih khan pandap ngak meng tangin takai hu meng kan mai yau ye: parang iek bruk ngak lan di urang Cam palei Bàu Trúc, bruk menyim khan bai di urang Cam palei Mỹ Nghiệp, dom janih alat ragam bangsa….dom pandap mbang biak karei, pandap OCOP, pandap di tỉnh.

Tal urak ini, dalam tỉnh Bà Rịa – Vũng Tàu hu số hóa khau tin 170 inem mek, labik rivang iek, du lịch, taeng dalam thun ini hu số hoá 122 labik. Tuai damuai tok pandar phone pan tangin meda quét mã QR tame labik tal, meda hu pabak dom khau tin tantu cambaih ka labik, asal di nyu, jalan ngak tabiak, labik daok, makna,… hu caik akhar saong pathau tự động meng 7 sap, yau ye: Việt, Anh, Nhật, Trung, France, Nga, Hàn, gam haong video, thaot binguk abih tih ka labik tal. Bruk pandar mã QR số hóa khau tin labik tal ma-in piah yaih khan thaot binguk du lịch Bà Rịa-Vũng Tàu tal parilo tuai damuai.

Bilai tui iek bruk langik tasik tỉnh Bến Tre brei thau, thun ini bilan hajan abih aval jang, ia mbak jeng njaom tame aval jang, dalam jang saong lavik jang duk haong yaok thun. Nan ye bruk caga pacang pandiak, mbak piah khik caga bruk pala drak lac jalan njauk ngak chip di gah ngak nong. Ong Huỳnh Quang Đức, Phaok Yam ndok Sở Ngak nong saong patagok palei pala Bến Tre kakei lac: tuk ia mbak njaom tame, mikva brei kreik jalan ia nduac tame bein oh brei ia mbak tame ngak khut, saong brei khik pasah ka bein, dom janih phun pala njauk cakak dhar dahlau di tuk ia mbak njaom tame 

Ban raya Hồ Chí Minh daok tame tukvak tapung glaong di mbang ia tagok di tuk ia bilan bak baoh bilan 9. Dalam bier harei sup kabroi, di dom bhum, ia tagok glaong tal 1,7m, yam tapa tanut báo động 3 ngak ka rilo jalan ia dauk dalam. Bruk nao mai, ngak mbang di rahra gaok rilo kan kandah. Tui Jabat kuhria mboh dahlau bruk langik tasik bhum gah maraong negar, meng harei ini, ia di dom kraong daok trun. Min, ia tagok jeng meda ngak brei dauk dom bhum tapen kraong, binek. Taphia di nan, harei ini, hajan jeng daok hu rilo, nan ye rahra di Ban raya Hồ Chí Minh njauk caga dahlau bruk mbuan dauk ia tuk hu hajan gam ia tagok.

Hội đồng Bảo an Liên hợp quốc hu brei tapa sarak brei dui tukvak ngak bruk di Kapul daong bruk Liên hợp quốc di Liby (UNSMIL) atah jang 1 thun mbiah tal harei 31/10/2024. Sarak ini jeng ieu dom gah brei ngak ginup bruk sanya padeih cuh saong ieu dom taneh ia di Liên hợp quốc iek praong saong pachreih tui bruk peih ngak ginup sanya padeih cuh, dalam nan hu gam bruk ba dom kapul negar langiu, kapal haoh mesruh saong lin mesruh mbang pah di negar langiu tabiak truh Libya chip.

Dom mbang duah thau hatai sahneng di manuac sia bahrau abih brei mboh lac, Taong thong dahlau deih di negar My ong Donald Trump hu dom urang pachreih tui tagok tal labaih 43%, ba akaok dalam bruk pakacah di Ndang Cộng hòa piah dang tabiak pakacah tame ngak Tổng thống Mỹ thun 2024 saong klaak atah dua urang tabiak pakacah lac urang lambaok negar Mỹ dahlau deih di Liên hợp quốc Nikki Haley saong Thống đốc bang Florida Ron DeSantis. Dahlau di nan, tui bruk duah thau di Bloomberg News saong Morning Consult hu ba tabiak khan brei thau di harei 19/10, ong Trump jeng tapa mbaok Tổng thống My urak ini, ong Joe Biden di dom bang praong.

Gah tui iek bruk langik tasik negar Trung Quốc kuhria mboh lac, nerak tachauk thur mur saong thak, ia kakua meng akaok adit ini dui atah tal 3/11 di rilo tỉnh ban. Dahlau di nan, karja TP Bắc Kinh hu ba tanut brei thau ka nerak tachauk langik tasik tagok sambo màu cam. Karja ban hu ba tabiak rilo jalan ngak yau ye patakik bruk nao mai di dom radaih ba tal nerak trak. Gah chức năng hu kakei uranaih, urang praong saong dom menuac njauk ruak jalan suak yava, tim mạch atau riak mãn tính karei njauk daok dalam sang saong dom urang karei brei takik ngak bruk gah langiu./.