Di Mbang pataom iek veik bruk ngak thun 2023, ba tabiak bruk ngak ka thun 2024 di Ủy ban Negar ka uranaih hu peih tabiak di harei 11/1, Phó Thủ tướng Trần Hồng Hà ieu kakei dom mintri, dom gah, dom tỉnh ban saong abih menuac sia brei thau cambaih, sahaneng njauk ka bruk sangka, pacang khik uranaih; njauk salih jalan sahneng ngan haong dom bruk daok kadaong dalam bruk ngak ka uranaih, yau ye rampeik rapai, taong paoh uranaih dalam sang bac, bala ngak brei rambuac, salamat mangaok mang xa hoi, pandar dom janih kích thích... Ini lac dom bruk dak harei dak samar drah, njauk peih ngak khang, ngak tal labik tal dhua, siam lagaih.

Tui panuac khan di Mintri LĐTH&XH, tal urak ini, hu 15 tỉnh hu panuac likau Trung ương daong jaik 14.170 tấn brah daong pacang eik lipa lac Sóc Trăng, Cà Mau, Cao Bằng, Bình Định, Gia Lai, Quảng Bình, Nghệ An, Bạc Liêu, Đắk Nông, Ninh Thuận, Đắk Lắk, Hà Giang, Kon Tum, Bắc Kạn, Bình Phước. Tui panuac likau nan, Mintri LĐTBXH hu pok tagok Rajaei pasang iek, brei labaih 7.014 tấn brah daong pacang eik lipa ka dom tỉnh Sóc Trăng, Cà Mau, Cao Bằng, Bình Định, Gia Lai, Hà Giang, Kon Tum.  

Hadei di tukvak suai lavik brei padeih kayua jit praong Covid-19, thun ini TP.HCM hu peih ngak gilac harei pataom Tết Việt, hu peih tabiak meng harei 18 tal 21/1, di mblang bein Lê Văn Tám (Quận 1). Tuai mai tal pak ini meda hu mbang dom pandap mbang 3 bhum lac gah barak – gah kreih negar saong gah maraong negar ngan haong 121 pandap mbang danei angan, piah pambak tabiak dom yaom glaong ilamo, adat cambat Tết saong pandap mbang Việt. Harei pataom thun ini jeng hu rilo bruk ngak pahla, sangka Tết ka rahra gaok kan kandah, urang ruak kan kathaot. Abih di nyu nan lac meda taduan raok 200 adei oh hu sang danaok mai meng dom labik anit ranam mai rivang iek, ma-in bui sambai di harei pataom.

Tỉnh Long An bahrau payua harak tagok Thủ tướng Rajaei, likau brei adat peih bruk padang ngak đồ án rami ramik đô thị Tân An tal thun 2045. Tui nan, ranh giới hành chính TP. Tân An tui kuhria hu peih praong tal dom xã di 3 huyện Thủ Thừa, Tân Trụ saong Châu Thành. TP. Tân An hu brei thau lac pasak chính trị, hành chính, đô thị hạt nhân, đô thị vệ tinh di TP.HCM, lac pasak pablei salih, dịch vụ, ngak kong ilamu glaong - bahrau gah Đông Bắc di bhum taneran kraong Cửu Long saong lac đô thị pabah mbang tame tabiak bhum Đông Nam bộ saong Tây Nam bộ.

Bilan njam patam pablei Tết meng kan thun 2024, urang nong di Tiền Giang pala jaik 1.500 ha. Mblang taneh pala njam patam bilan Tết rilo abih lac dom janih njam cải, baoh kadaoh, baoh daak, paloi, amriak, tamekai saong dom janih njam pahe. Urak ini, ia taba piah pruh ka njam patam hu biak rilo, gam haong dom mbang hajan karei bilan nan ye jaik abih dom taneh pala njam patam tamuh siam. Tui kuhria, dom njam patam pabak tame tukvak tabung glaong tuk Tết lac jaik 30.000 tấn. Dalam thun 2023, tỉnh Tiền Giang pala njam patam lac labaih 54.000 ha, mek hu jaik 94% jalan ngak di thun, lac labaih 1,1 triệu tấn.

Mbang camereip abih dom radaih ô tô ngak tabiak saong pablei nao di Trung Quốc jeng yam tapa 30 triệu sruh dalam thun 2023, lac glaong di abih. Urak ini ô tô di Trung Quốc hu pablei tal labaih 200 taneh ia di dunya. Gah khau tin dunya taong yaom lac, bruk pablei tabiak di dom hãng radaih taneh ia langiu di darak pasar Trung Quốc daok trun, bruk ini brei mboh lac dom hãng radaih ô tô taneh ia langiu daok lah dom hãng radaih di Trung Quốc.

Nga hu jeng taneh ia hu bruk kinh te praong abih di châu Âu saong praong ka 5 di dunya. Tổng thống Vladimir Putin ba tabiak panuac ini di harei 11/1, dalam mbang taom gaok dom doanh nhân di bhum Viễn Đông di Nga. Peih mbaok ka bruk taom gaok haong rahra saong dom dom urang vak, Tổng thống Putin brei thau lac, kinh tế Nga hu siam veik hadei di mbang kadun likuk dalam thun 2022 saong daok yam tagok gah anak. Ong Putin ndom lac, bruk hu makna abih ngan haong negar Nga lac pakhang bruk ngak po, dalam nan quyen ngak po kinh te saong kong nghe lac bruk dahlau abih.

Yaok ratuh urang halan hatian daok ramik ngak pahacih takai tasik gah pai Tây Ban Nha hadei di tuk yaok triệu asar katak seik tame takai tasik. Rilo urang ilamu gah môi trường brei thau, dom asar katak nyu dreih yau bọt biển njuk jru mek hu dalam ia. Hadei di nan, dom asar katak ini meda jeng dom asar jru mek. Dom janih ikan meda mbang nyu. Meng ini, asar katak njaom tame dom pandap mbang di anek menuac. Tây Ban Nha hu tabiak panuac brei peih bruk duah thau kayua huac lac dom asar katak ini meda ngak jhak ka tasik saong ngak kan kandah tal bruk kinh tế.