Tết ini, anek sak ine girai hu ngak atah 100m, lac atah di abih dalam dom anek sak hu mboh di Jalan bingu Nguyễn Huệ, TP.HCM. Ngan haong kadha "Xuân init ranam, Tết jumpataom", Jalan bingu Tết di TP.HCM thun ini hu ngak jeng 3 labik. Nan lac, binah akaok “halau gha palei negar”, labik kreh lac “tapa kraong tapa tasik” saong binah jhung lac “mbeik drei yam tame dunya”. Asal kadha hu ngak luac jalan bingu Tết thun ini lac ilamo meng kan, adat cambat lavik rai di urang Việt gam haong ilamo siam gheih di bhum taneh gah maraong negar. Labik parang iek, klauk bingu ilamo di Urang lambaok dom taneh ia daok pak TP.HCM jeng daok hu mbaok haong Jalan bingu Nguyễn Huệ.

Tui Sở LĐTBXH tỉnh Tiền Giang, tapa pasang iek meng dom doanh nghiệp praong dalam tỉnh, jaik abih dom DN jeng hu thưởng ka urang ngak di tuk Tết anek sak inegirai. Yaom jien thưởng Tết Nguyên đán kuhria rah tapa lac 7,5 triệu đồng sa urang, thưởng Tết Dương lịch lac 1,3 triệu đồng sa urang. Piah daong ka urang ngak di dom doanh nghiệp trun meneing kan kandah piah bui sambai mbang Tết, dom pakat Công đoàn dalam tỉnh Tiền Giang hu alin hadiah pandap Tết ka dom urang ngak gaok kan kandah, peih bruk daoh tamia me-in sambai ka urang ngak taduan raok Tết.

Kapul urang kumei Tỉnh Kon Tum bahrau peih pataom iek veik 3 thun peih ngak Danak dak 8 ka bruk likei kumei samu gauk, saong langyah dom bruk njauk ngak haong urang kumei saong uranaih. Dom asal kadha di danak dak peih ngak hu saong yam tapa tanut ba tabiak, hu daong paglaong hatai sahaneng, salih karei bruk iek lap urang kumei, sangka raidiuk, pacang khik, sangka urang kumei saong uranaih, ngak salih jalan sahaneng, jalan ngak di mikva bangsa takik, daong ka mikva bangsa takik yam tagok tabiak truh kan kathaot khang kajap. Dalam tỉnh hu padang ngak 281/274 kapul nyaom pathau khan ba akaok nao dahlau dalam bruk salih jalan sahaneng dalam rahra, tapa 102% jalan ba tabiak; padang ngak bahrau 30/30 labik njauk jia tame daong ka urang kumei lac dom urang njauk taong paoh dalam sang, mek hu abih tih dut saong jalan ba tabiak dalam tukvak...

mBan Bangsa tỉnh Lâm Đồng bahrau ini hu peih bruk taom mbaok, pok meyaom labaih 400 urang hadah krah lac urang hu angan je dalam bhap bini bangsa takik dalam tỉnh, tukvak 2021- 2023. Ong Võ Văn Hoàng, Akaok mBan bangsa tỉnh Lâm Đồng brei thau, dalam tỉnh hu 78 xã, 478 palei lac bhum urang bangsa takik haong 46 bangsa takik, saong urang bangsa takik meblah 25% dom menuac sia dalam tỉnh. Dom urang hu angan je hu labik dang praong dalam pathau khan, jak ba urang bangsa takik ngak tui dom sarak di Đảng, hukum di Karja, patagok bruk ngak mbang cakrok KTXH saong khik ramik, patagok ilamu bangsa. 

Viện Dut iek jru tavao TP.HCM bahrau payua harak pathau khan Mintri Y tế piah hu jalan langyah bruk sarau jru pablei di mangaok mạng. Khau tin meng Viện Dut iek jru tavao TP.HCM brei thau lac dahlau di nan, Viện hu blei jru hu khan lac jru piah taong ruak gút, viêm đa khớp, thoái hóa hu sarau blaoh di mangaok mang piah dut iek taong yaom. Tapa dut iek mboh lac jru sarau ini hu dom janih jhak ka prein yava urang manyum. Jeng tui Viện Dut iek, taong yaom jru TP.HCM, ini lac jru ja oh hu laik tut angan, sarau suan adat hukum di gah jru tavao. Meng di tuk hu bruk langyah, viện hu payua harak pathau khan Mintri Y tế piah hu jalan langyah.

Biến thể JN.1 di virus SARS-CoV-2 urak ini daok njaom mbak samar di Mỹ saong jeng biến thể praong di taneh ia ini. Dom urang njaom JN.1 meblah tal labaih 44% dom menuac njaom bahrau di Mỹ dalam tuk biến thể ini daok njaom mbak samar di rilo taneh ia angaok dunya. Urak ini oh ka thau lac biến thể ini njaom mbak samar jang dom biến thể karei atau biến thể ni hu prein plaih hu bruk pacang ruak di anek menuac halei oh. Tui Pasak Pasang iek saong pacang caga jit ruak Mỹ, dom janih vaccine bahrau ba tame pandar saong dom jalan xét nghiệm, taong ruak urak ini jeng daok ngak hu siam haong biến thể JN.1. Nan ye Pasak ini jeng daok hu panuac ieu kakei rahra klauk caga saong dut iek tuk mboh hu hagait oh siam gah jalan suak yava.

Truyền thông Trung Quốc harei kabroi brei thau lac, tatua Huajiang Grand Canyon di gah tây nam tỉnh Quý Châu di negar ini tui kuhria meda ngak salah di bilan 6 thun 2025. Tatua Huajiang Grand Canyon atah abih tih 2.980 mét, glaong 625 mét kuhria meng mbaok ia saong nhịp chính di mbaik tatua atah 1.420 mét. Hadei di tuk ngak salah, ini meda lac mbaik tatua tuan glaong abih di dunya, daong trun manieng tukvak nao mai tapa ceik meng 70 minit trun daok sa minit. Urak ini tatua Bắc Bàn Giang (atau Duge Bridge) daok di labik jaik taphia di tỉnh Quý Châu saong tỉnh Vân Nam, lac mbaik tatua glaong abih di dunya.

Jabat yaok pataom Australia brei thau, dom naong trak gah jien padai gam haong bruk lac jien mek tame di dom sang di taneh ia ini trun 4,3% dalam thun 2023, lac yaom trun glaong abih kuhria meng dom thun 1980 ngak ka urang Australia brei salih jalan cai pandar. Dalam nan rilo meng cakak trun bruk blei pandap pandar dalam sang hu yaom jien glaong yau ye dom pandap ngak mekre sang, pandap điện tử, abih di nyu lac laptop, phone tangin, Ipad. Yaom lac yau nan, min urang Australia daok buh jien rilo jang ka prein yava haong yaom jien buh tabiak tagok 12% duk haong vaktu ini thun blaoh. Tui kuhria, tapa thun 2024, kinh tế Australia jeng daok kan kandah nan ye dom baoh sang jeng daok cai pandar kali kalih./.