Thành uỷ, HĐND, UBND, Ủy ban MTTQ Việt Nam ban Cần Thơ bahrau peih harei pataom mbaok pahadar 94 thun Harei padang Đảng Cộng sản Việt Nam (3/2/1930 – 3/2/2024). Di harei taom gaok, Bí thư Thành uỷ Cần Thơ Nguyễn Văn Hiếu hadar veik dom jalan nao sajarah hadah krah luac 94 thun tapa di Đảng Cộng sản Việt Nam. Dalam nan ndem lac, dalam jalan pan akaok cách mạng, Ndang drei hu pasram, gaok rilo kan kandah, tavak tavaiy saong oh padeih praong tagok, parilo ilamo piah dak harei dak njauk haong bruk ngak saong bruk pan akaok cách mạng, njauk haong bruk jia tame di rahra. tukvak urak ini, Mban thường vụ Thành ủy hu jao 6 huy hiệu Đảng umo 60 thun, 50 thun, 45 thun ka urang ndang praong thun umo Ndang.

Bharau ini, Trung đoàn 717 (Binh đoàn 16) pambuak bruk haong UBND huyện Bù Đốp, huyện Lộc Ninh, tỉnh Bình Phước peih ngak danak dak “Tết jum pataom - Xuân daong gauk” saong alin hadiah 400 pok pandap brei ka dom sang kan kandah. Dom pok pandap tết hu ba tal tangin bhap bini, brei mboh bruk sangka di urang jakar, urang lin Trung đoàn 717 brei ka dom sang sarak karja, urang buh prein ka cách mạng, dom sang gaok kan kandah, pachreih ba, daong ka dom sang hu bui sambai mbang tết.

Quận Đoàn 8, TPHCM pambuak haong Huyện Đoàn Phú Quý, tỉnh Bình Thuận bahrau peih adat chào cờ "Dahlak hulin anit ranam palei negar drei” di gang hala ndok quyen ngak po di huyen pulao kaoh Phú Quý. Dalam dom bruk ngak di danak dak, Quận Đoàn 8, hu jao 500 hala dok negar ka urang taong mek ilan kham marat pambuak tasik saong 10 paok pandap ka dom baoh sang gaok kan kandah bui xuan, raok tet. Tapa danak dak ini, Mban peih bruk caong maong pambak praong hatai anit ranam, hatai hadah mbaok mata bangsa di dam dara, urang dalam kapul, dam dara.

Dom harei jaik Tết, urang ngak nong dom bhum pala durian di tỉnh Tiền Giang bui sambai lo tuk durian daok tagok yaom khang. Tỉnh Tiền Giang urak ini hu labaih 20.000 ha durian pala chuyên canh. Dalam kham merat tuk baoh durian hu pablei tui jalan chính ngạch tapa Trung Quốc saong darak pasar dom taneh ia, Tiền Giang padang mã số bhum pala saong mã số labik tame paok pablei tui jalan chính ngạch tapa darak pasar dom taneh ia. Anak mata, tỉnh hu 72 mã số bhum pala durian praong abih tih labaih 2.600 ha saong 66 mã số labik tame paok hu pablei tui jalan chính ngạch tapa Trung Quốc.

UBND TP Thủ Đức, TP HCM bahrau bahrau peih pakah pasak pasang iek thaot binguk camera TP Thủ Đức. Di labik ini, Đại tá Trần Văn Hiếu, urang pan akaok Công an TP Thủ Đức brei thau, dom camera TP Thủ Đức hu padang ngak meng dom camera daok hu blaoh di 3 quận dahlau daih haong labaih 3.500 baoh. Hadei di nan, hu ngak pasiam veik, hu peih praong piah duh ka bruk khik iek siam mekre, salamat, tui iek, pagui mek kol njauk cap mek chip. Urak ini, pasak camera TP Thủ Đức hu peih ngak iek labaih 100 camera AI piah duah thau biển số, duah radaih angaok bản đồ số. Meng nan ba tabiak panuac khan samar drah ka gah chức năng tuk hu radaih medil tame labik ngak bruk di dom camera AI. Thun 2024, dom camera AI meda hu bak ginup abih  TP Thủ Đức.

Hãng thông tấn Triều Tiên KCNA brei thau, ong Kim Jong Un, urang pan akaok taneh ia ini bahrau nao pasang iek labik ngak kapal quân sự Nampo, saong brei thau yaom glaong di gah lin tasik dalam bruk caga ka mesruh metak. Mbang pasang iek di ong Kim Châng Ưn hu khan brei thau hadei di tuk Triều Tiên peih bruk pasram mesruh di bhum tasik gah pai pulao kaoh ini, piah taong yaom prein taong veik biak samar saong pasiam prein mesruh, dalam nan hu cuh rilo tên lửa hành trình meng kapal njuk ia

Dom anek saih dalam negar Australia hu mai sang bac gilac veik piah bac di harei 1/2 hadei di mbang padeih Hè. Min, rilo sang bac pak ini daok gaok kan kandah dalam bruk pilih ruah gru pato mai ngak bruk. kuhria tal puac thun 2023, jaik 2.000 labik pato luac tukvak oh hu thei ngak di bang New South Wales saong 10.000 tal bac di dalam bang hu njauk pataom pagam veik atau njauk yah klak. Gru pato daok gaok bruk biak rilo bruk min tanut jien bilan takik saong kein lagaih lac oh njauk haong prein ngak bruk. Bruk ini ngak ka rilo gru pato sahaneng klak bruk.

UB pasang iek alam langik tasik di Hạ viện Anh brei thau, rajaei taneh ia ini brei samar padang jalan ngak piah pacang dom mbang sóng nhiệt mbuan ngak brei 10.000 menuac matai yaok thun. Meng nhiệt độ di negar Anh tagok glaong tapa 40 độ C saong thun 2023 lac thun pandiak di abih, UB pasang iek alam langik tasik brei mboh hatai suh sah anak bruk negar Anh kurang kuhria caga piah pacang dom mbang pandiak bhang. Langik pandiak daok ngak ka kinh tế taneh ia ini lahik 60 tỷ bảng Anh (76 tỷ USD) yaok thun./.