Thu tuong birau hu Harak ka bruk pakhang jalan tacei ba, pambuak, peih bruk pakacah tamat THPT saong palih ruah đại học, pato megru bruk ngak thun 2025. Dalam nan,  Thu tuong caong khin  dom tinh, ban tacei ba jalan pakhang, dalam, taong abih gah peih bruk pakacah tui jalan brei patrun kan kandah, takik khat jien ndo ka anek saih, baoh sang saong xa hoi.  Tui nan, caong khin Mentri Pato megru dak padang saong samar brei thau kadha pakacah ngak iek hu tani tanat dalam rilo thun piah dom sang bac, gru pato, anek saih caga bac kanak veik  jeng yau pato saong bac.

Di var ginum gah mbao Rajaei yaok bilan peih ngak di harei kabroi 7/10, Thiếu tướng Hoàng Anh Tuyên, Pho Chánh Văn phòng Mentri Kong an, Urang brei panuac di Mentri Kong an khan lac: Meng harei 1/7/2024 tal harei 7/10/2024, dalam negar  brei hu brei ngak jaik 9,6 trieu thẻ Căn cước. Dahlau di nan, hu labaih 3 trieu thẻ brei ka uranaih  umo ala 6 thun. Dalam negar mek tame hu labaih  1.500 dữ liệu sinh trắc meng sap meyai ndem saong labaih  260 mau AND. Tapa jaik 3 bilan peih ngak Hukum Căn cước, bruk peih ngak meng taduan harak gal ho so tal dom bruk karei karei hu lagaih taong abih.

Lien minh HTX tỉnh Hậu Giang gam haong Lien minh HTX tỉnh Bình Thuận birau peih Nyaom biai  pambuak bruk pablei salih, pambuak bruk ngak tabiak pandap panda saong pablei pandap di HTX meng dua tỉnh ini. Di nyaom biai, tỉnh Hậu Giang hu yaih khan rilo janih kaya nong lac dom kaya ikan dalam ia, ralo meng lac ikan thac lac saong brah, manaih…; daok tỉnh Bình Thuận lac dom pandap brah, asar pa-ok blait, thanh long…Urang pan kaok Lien minh HTX  2 tỉnh hu mbaoh harak piah ba mbuan lagaih  ka dom HTX di 2 bhum palei brei patagok kein lagaih, cak rok patagok khang kajap yau bruk pablei pandap di tukvak anak tal.

Labik rivang dulich ma-in Vườn Xoài, Ban Bien Hòa, tỉnh Đồng Nai brei thau bruk padeih taduan raok tuai meng harei ini piah langyah jit ruak ngak metai 20 drei rimong saong 1 drei ham ngu. Dahlau di nan, Mentri Ngak nong soang patagok palei pala caong khin UB bhap bini tỉnh Đồng Nai khik iek bruk njom ruak manuk ada A/H5N1 di athur glai dalam Labik rivang dulich ma-in Vườn Xoài. Abih di nyu, lac pandap mbang pabak ka athur raong saong manuk ada blei ba tame bein athur, labik rivang main dalam tukvak jaik ini.

Piah tui iek bruk an ninh salamat dalam tỉnh, Kong an tỉnh Kiên Giang brei pagam 41 camera an ninh di ralo labik praong di huyen kaoh pulao Phú Quốc. Ini lac janih camera thông minh, hu pagam tame dom jalan pandar ilamu birau, hu ngak tui kong nghe AI; meda langyah hu thaok binguk saong video samar, njauk, daong paglong  bruk tui iek brei salamat, rik tame duh ka bruk salih pandar so dalam gah Kong an hu siam lagaih.

Kuhria tal bilan 9, Trung Quốc brei padeih bruk blei ameh khik piah dalam bilan ka 5 patui jaik gauk. Dalam tuk nan, bruk khik piah jien negar kangiu di taneh ia ini mbang akok meti gilac veik tanut 3,3 ribau tỷ đô la Mỹ (USD) hadei 9 thun. Bruk ba  tal Trung Quốc takik blei ameh tui dom urang ilamu mboh lac kayua yaom ameh di dunya tagok khang.

Le hoi mbia Oktoberfest, Munich mbang ka 189 le hoi mbia praong abih di dunya hu padeih. Mbang menyum mbia tui atah 16 harei pachreih hu 6 trieu 7 rituh ribau tuai damuai, tamat padeih biak hadar dalam hatai  hu adat salam uan di labik takai rup patau "Bavaria", labik yaok rituh urang main mbang menyu ly mbia bingi jangaih kanjik.

Meng akok thun mbiah tal ini di Nigieria hu labaih 350 urang metau kayua ruak aih caraoh, tagok jaik 240% dut saong tukvak ini thun dahlau, ralo lac uranaih umo 5 thum. Dahlau di nan, dom urang ngak praong do bang Borno khan lac sa mbnag jit ruak aih caraoh rah tabiak di tieu bang lac labik  gaok kan kandah kayua ribuk ia sua ngak jaik 2 trieu urang brei panduan ba nao labik karei. Ruak aih caraoh, sa ruak njom mbak tapa jalan ia, oh lac ruak takik mboh di Nigieria, kayua bruk kurang ia hacih piah menyum./.