Di Mbang nyaom oh kuhria dahlau mbang ka 5, hu peih tabiak di harei ini, Quốc hội hu ginum biai di hội trường ka dom asal kadha bahrau atau daok hu panuac karei gauk di dự thảo Hukum taneh riya (pasiam veik). Dom urang Quoc hoi taong yaom glaong dom jabat di Quốc hội, Rajaei hu taduan mek panuac, ngak pasaim dự thảo Hukum taneh riya (pasiam veik). Dom urang QH jeng caong lac patabiak cambaih laih jalan ngak biyar jien, daong bruk tái định cư tuk kanja mek taneh; abih di nyu nan lac tuk mek taneh ngak danak dak sang danaok pablei salih, danak dak sang daok pambuak haong pablei salih. Di mbang ginum biai, dom urang QH jeng taong yaom glaong  dự thảo hukum ka bruk urang oh dang tabiak tapak ngak nong taduan bruk jao taneh pala padai.

Thủ tướng Phạm Minh Chính bahrau patabiak Công điện ka bruk iek glang raidiuk, khik kajap an sinh xã hội ka rahra saong urang ngak dalam tuk Tết Nguyên đán nek sak inegirai thun 2024. Tui nan, Thủ tướng ieu dom kapul nyaom, doanh nghiệp bayar jien bilan, jien thưởng ka urang ngak njauk tukvak, njauk adat, njauk harak pambuak bruk ngak, njauk hukum di doanh nghiệp, khik ka taong abih urang ngak jeng hu tết saong daok kak kajap haong doanh nghiệp. Thủ tướng jeng ieu urang pan akaok dom tỉnh tacei pato peih bruk bayar jien daong xã hội bilan 2.2024 brei ka taong abih dom urang hu mbang tui sarak bảo trợ xã hội dahlau di harei 3.2.

Ủy ban Kanja ka urang Việt Nam daok di negar langiu hu pambuak bruk haong UBND TP.HCM meda peih ngak danak dak “Xuân palei negar” hu mbaok tame di labaih 3.000 tuai da-a. Danak dak hu peih tabiak meng harei 1/2 tal harei 2/2/2024 (lac harei 22 saong 23 bilan mat thun sak ine girai) ngan haong rilo asal kadha. Danak dak “Xuân palei negar” salam uan bhap bini daok atah palei mai negar bui sambai mbang Tết meng kan di bangsa piah brei mboh bruk sangka di Ndang, Kanja saong rahra dalam taneh ia ngan saong  urang Việt Nam daok di negar langiu, hu peih ngak yaok thun di tuk Tết Nguyên đán.

Bộ Chỉ huy Bộ đội Biên phòng (BĐBP) tỉnh An Giang bahrau peih bruk tabiak mbaok peih ngak danak dah “Xuân Biên phòng – Sambai hatai menuac palei” tết thun sak inegirai 2024. Dom bruk ngak hu peih ngak gam gam yau ye: peih bruk cuh gilau, pok bingu hadar dom AHLS, pathau khan hukum Biên giới taneh ia, dom sarak bnagsa, agama... Gam haong nan, brei 200 pok pandap, iek ruak, brei jru ka sang sarak karja, sang hu meuac buh prein ka cách mạng... Langiu di nan, BĐBP tỉnh An Giang jeng hu alin hadiah 2 baoh sang ka 2 sang kan kathaot urang bangsa Khmer daok di labik taphia negar.

Dalam dom harei ini, palei ngak ikan pandam Vàm Láng, ban sit Vàm Láng, huyện Gò Công Đông, tỉnh Tiền Giang chreih chrai ngak ikan that, pabu thu piah pablei Tết Nguyên đán. Kayua bruk blei mbang dalam tuk Tết Nguyên đán tagok glaong nan ye dom baoh sang ngak ikan pandam jeng patagok prein ngak bruk jaik 50%… Palei ngak ikan pandam Vàm Láng yaok thun pabak 1.500 tấn ikan pandam dom janih ka darak pasa ĐBSCL saong dom tỉnh Đông Nam Bộ…

Nyaom biai Kinh tế dunya (WEF) thun 2024, harei ini (15/1) peih mbaok di ban Davos di negar Thụy Sĩ. Ngan saong kadha “Padang veik hatai jia”, nyaom biai ndom lac njauk pasiam veik bruk jia tame gauk di dom taneh ia piah pacang dom cuang kandah dunya, dalam nan hu bruk mesruh guak, bruk biến đổi khí hậu saong dom kandah kandaiy meda tamuh tabiak meng công nghệ Trí tuệ nhân tạo. Tui nan, nyaom biai hu ginum biai 4 asal kadha praong lac sron mbon saong pambuak bruk dalam sa dunya daok neh rabha gauk, ba bruk ngak saong patagok ka pluh thun bahrau, Trí tuệ nhân tạo – prein jhul ka kinh tế - xã hội saong padang jalan ngak suai lavik ka gah khí hậu, langik tasik saong năng lượng.

Mintri Tài nguyên saong Môi trường Thái Lan khan lac bruk njaom thur mur klik PM2.5 di ban ine Bangkok meda daok jhak nao. Piah trun manieng dom kan kandah di thur klik, Tòa thị chính hu ieu kakei rami ramik bilik “oh thur” di taong abih dom sang bac. Dom jabat ngak bruk karja jeng hu pachreih bruk brei adat ka menuac di jabat drei ngak bruk di sang piah  trun patakik bruk tachrauk alam. Mintri Tài nguyên saong Môi trường Thái Lan hu panuac caong Tổng thư ký Kapul dom taneh ia Đông Nam Á ieu taong abih dom taneh ia dalam bhum sit kraong Mekong pacang cakak khuah glai meng jalan ngak patrun patakik dom bruk ba tal athak par tapa jalan tapen negar.  

4 urang metai saong 1 urang karei njauk rambuas trak tuk sa baoh khinh khí cầu laik di mbang Arizona, Mỹ harei kabroi. Hu thau, tuk njauk bala, mangaok baoh khinh khí cầu hu abih tih 13 urang. Dom urang chat payong tabiak truh khinh khí cầu dahlau di tuk bala rah tabiak. Gah salamat jalan mbak negar Mỹ saong Cục hàng không liên bang daok duah thau bruk nan./.