Dang akaok nyom biai Thuong truc Rajaei piah taong yaom bruk di tuk Tet thun nasak Girai 2024 saong peih ngak dom bruk hu makna praong hadei Tet, rah tabiak tuk page ini, di jabat ngak bruk di Rajaei, Thủ tướng Phạm Minh Chính caong lac, dom mentri, dom gah, dom tỉnh ban pambuak gauk khang kajap, ngak siam piah lang talaih dom kan kandah ka bhap bini, doanh nghiep; patui bruk ngak brei salah jalan ngak, sarak tui bruk ngak, adat hukum ngak bruk piah jak ba dom prein khang ngak brei cak rok patagaok taneh ia. Thủ tướng ieu Jabat Rajaei pathau khan brei Mban Bi thu thau ka bruk daong ka bhap bini dalam taneh ia mbang Tết.

Gah pato magru, Khoa học saong Ilamo di Liên hợp quốc (UNESCO) bahrau brei thau angan 64 ban di 35 taneh ia hu pok brei angan lac ban dalam “Nyaom ban bac magru dunya”, dalam nan hu dua ban di Việt Nam lac Ban raya Hồ Chí Minh saong ban Sơn La, tỉnh Sơn La. Piah hu jeng ban dalam “nyaom Ban bac magru dunya”, dom ban brei sanya ba mbuan lagaih ka rahra bac magru luac rai. UNESCO peih bruk pasang iek, taong yaom harak gar biak catang, meng dom urang ilamo biak naih dang akaok di gah pato magru, iek tui 42 asal kadha.

Dalam tuk Tet thun nasak Girai 2024, dalam tỉnh Bình Thuận raok labaih 205.000 mbang tuai mai rivang me-in, jien mek tame hu labaih 340 tỷ đồng. Tui taong yaom di gah dulich, bruk dulich dalm tuk Tet  rah tabiak dalam chreih chrai, bui sambai. Dom bruk ilamu, daoh tamia, padhih the thao hu peih ngak biak rilo, dui pachreih hu biak rilo tuai damuai saong bhap bini dalam tỉnh mai rivang ma-in, ngak ka  Tet bak bui sambai jang.

Thun ini, tỉnh Bình Dương hu 8.000 doanh nghiệp pilih ruah labaih 60.000 urang piah ngak bruk. Piah hu ginup urang ngak, meng akaok thun, dom doanh nghiệp hu tuan harak palih ruah anak cty, angaok blah web pilih ruah urang ngak. Piah daong ka doanh nghiệp pilih hu urang ngak saong daong ka urang ngak thau labik caong hu urang ngak, Sở Lao động – Thương binh saong Xã hội tỉnh Bình Dương hu pato tacei Pasak Dịch vụ bruk ngak tỉnh pataom mek khau tin bruk ngak ka oh hu manuac ngak di dom doanh nghiệp piah pathau khan tal urang ngak.

Hadei meng Tet thun nasak Girai, baoh durian di tỉnh Tiền Giang tagok yaom glong abih kuria meng dahlau mai. Urak ini, durien Mongthon (janih 1) yaom jaik 200 ribau dong, durian Ri 6 yaom jaik 160 ribau đồng sa kilo. Tui yaom nan meyah bein durian brei rilo baoh praong siam, po bein laba hu jaik 2 tỷ đồng sa hecta. Yau nan min,  urak ini lac karei bilan yau nan ye bein durian hu baoh biak takik. Dalam 2 thun tapa, baoh durian yaom tuk halei jeng glong, urang pala durian jeng hu raidiuk kaya meda.   

Bilan Xuân thun ini pak Trung Quốc lac meng harei 26/1 saong dui atah dalam 40 harei mbiah tal harei 5/3. Tui Mintri Jalan mbak pajeng ba Trung Quốc, tok kuhria dalam harei 13/2, dom menuac nao mai meng labik ini tapa labik daih lac labaih 300 triệu urang, tagok 18% dut saong tukvak ini thun blaoh. Tui kuhria, labaih 9 tỷ mbang urang negar ini nao me-in saong nao rivang gauk gar dalam tuk Tết Nguyên đán dui atah 40 harei ini, lac taka glaong abih kuhria meng dahlau mai.

Rajaei Thái Lan hu panuac brei thau lac tanut njom nerak tachrau di ban ine Bangkok saong dom tỉnh jaik taphia lac “ oh siam ka prein yawa”, yau nan ye iew dom urang ngak bruk rajaei pak ban ine Bangkok ngak bruk di sang dalam 2 harei tal. Blah web tui iek bruk langik tasik  di Thụy Sĩ IQ E brei thau, dhun mun di ban ine glong jang 15 mbang  dut saong tanut ba tabiak di Gah Y te dunya, ngak brei  Bangkok jeng ban njom nerak tachrauk ka 8 angaok dunya di harei ini.

Rajaei Campuchia hu ba tabiak danak dak ngak hacih Biển Hồ, piah khik caga kaya ikan lac janih hu yaom biak glaong di taneh ia Chùa Tháp. Dahlau di nan, Mintri Môi trường Campuchia hu ba tabiak danak dak patrun nerak tachrauk di mangaok mbaok taneh ngan haong bruk hu mbaok tame di yaok trieu urang, dalam nan hu biak rilo dam dara, anek saih, sinh viên. Biển Hồ hu maong lac binek ia taba praong abih di Đông Nam Á saong hu UNESCO pok brei angan lac labik khik piah sinh quyển dunya thun 1997.