Uan salam Tết meng kan Chôl Chnăm Thmây thun 2024 di mikva Khmer, Thủ tướng Rajaei Phạm Minh Chính hu payua harak tadhau ayuh tal mikva, dom urang jakar saong dom ong bhik, ong acar bangsa Khmer. Thủ tướng caong maong lac Tết Chôl Chnăm Thmây 2024 meda ba mai rilo bui sambai saong hatai caong, ngak jeng dom chreih chrai saong prein khang bahrau; jia lac mikva, dom urang jakar saong dom ong bhik, ong acar bangsa Khmer meda patui veik patagok hatai anit ranam, ilamo meng kan jumpataom gauk saong dom yaom glaong siam makre, hatai kham marat, oh huac glaih glar, oh huac metai lahik di mikva bangsa dalam bruk dak padang palei negar, taneh ia dak harei dak kaya mada, siam makre jang. Gam tui di nan jeng kakei dom bhum palei caga siam dom kein lagaih piah ka mikva bangsa Khmer uan raok tết Chôl Chnăm Thmây thun 2024 jumpataom gauk, bui sambai, chraih chrai, siam makre, salamat, patak pataom.

Tui Gah yaok pataom, Bến Tre, Nam Định, Quảng Trị lac dom labik hu tanut yaom cai pandar (ieu katut lac SCOLI) biar abih Việt Nam. Dalam nan Bến Tre hu tanut SCOLI thun 2023 biar abih dalam taneh ia, samu jaik 86% duk haong Hà Nội. Bến Tre hu prein lagaih cakrok jalan ia saong thủy lợi, patagok dom labik darak angaok kraong, daong jhul khang bruk pablei pandap panda, dịch vụ dalam tỉnh. Maong rah tapa, yaom padai brah, pandap mbang menyum, dịch vụ pato pakai saong iek ruak kik, jien ka du lịch biar, lac dom kadh apraong ngak ka yaom kuhria rah tapa di Bến Tre biar abih dalam taneh ia.

Di urak ini, urang ngak nong pak Vĩnh Long daok ngak taneh saong trun pajaih pataom gauk mbang ka 2. Anak bruk langik pandiak bhang saong mbuan njom ia mbak, gah ngak nong hu caga dahlau bruk padang ngak jalan pala drak meng aval. Gah ngak nong kakei rahra njauk pandar bruk pala drak, drak khak saong sangka hu siam lagaih dom jalan ngak ilamo, yau ye 3 trun 3 tagok, 1 njauk 5 trun, pala drak mbaih, drak khak lagaih saong pacang caga dom jit ruak ngak kanjak jhak tal mblang hamu samar drah.

UBND tỉnh Đồng Tháp bahrau tacei pato brei patagok dom jalan pacang caga kum menuk ada mbak tapa menuac. UBND tỉnh ieu dom gah pambuak tal saong dom puk palei labik taphia negar, patagok bruk pasang iek menuac tame negar piah samar mboh urang njauk ruak atau medil lac njauk ruak, abih di nyu lac menuac sik ngak ralow, pablei salih menuk ada, pandap ngak meng menuk ada, menuac mai meng dom labik daok hu jit. Sở Y tế tỉnh tui iek dom menuac ruak jalan suak yava, tung pruac, viêm phổi trak kayua vi rút saong hội chứng kúm piah samar mboh urang njauk ruak cúm A (H5N1); caga ginup jru tavao, pandap panda piah samar ngak dom jalan langyah, pacang padam sruh jit

Tukvak maong 7, 40 minit melam 1/4, apui khuah tagok di sa baoh sang kayau daok tapen kênh Tàu Hủ, di jalan Phạm Thế Hiển, Phường 2, Quận 8, Ban raya Hồ Chí Minh. Apui hadei di nan meng khuah khang tagok mbang tapa 4-5 baoh sang kayau, tabung tôn daok jaik gauk. Apui haong thak par tagok glaong ngak ka rahra huac klak nduac. Tal  maong 8, 40 minit, kapul padam khuah pacang khauh meng padam hu, dom minit hadei di nan meng padam hu abih. Abih tih mblang taneh apui mbang praong 470 m2, dalam nan hu labik caik pandap panda meng kayau oh daok pandar hu saong dua baoh sang. Urak ini, makna di mbang apui khuah daok hu pasang iek, ngak cambaih laih.

6# Bol lin Hàn Quốc brei thau, saboh mesup ini (2/4), Triều Tiên cuh sa tên lửa đạn đạo langiu takai tasik gah timur. Urak ini, bol lin Hàn Quốc jeng daok tui iek bruk nan. Dom minit hadei di nan, rajaei Japon jeng brei thau ka bruk nan. Ini lac bruk cuh bahrau abih di Triều Tiên kuhria meng mbang cuh 2 tên lửa đạn đạo harei 18/3 meng blaoh. Tukvak jaik ini, bruk pulao kaoh Triều Tiên daok catang tagok meng dom bruk quân sự di dom gah.

Takik di nyu 5 urang metai saong labaih 300 urang karei njauk rambuac kayua ribuk khang gam haong hajan khang  tuh tame di bang Tây Bengal, Ấn độ. Thủ tướng Ấn Độ Modi hu payua panuac klah rabha pandih harao tal dom sang hu manuac lahik saong ieu kanja palei kham marat daong ba saong biyar jien bồi thường ka dom urang gaok bala. Urang dang akaok bang Tây Bengal jeng brei thau lac kanja meda pambuak jaik haong dom urang hu caong piah daong.

Dalam 3 bilan akaok thun ini, dom menuac negar langiu tame negar Anh suan hukum meng dom sruh ghe sit nao tapa eo tasik Manche haong hatai caong likau tị nạn tagok tal tanut glaong di abih lac 5.435 urang, tgaok 43% duk haong dom bilan ini thun blaoh. Dahlau di nan, di bilan 1/2023, Thủ tướng Anh Rishi Sunak hu ba tabiak 5 sanya haong cử tri taneh ia ini, dalam nan praong di abih lac “pacang cakak dom ghe pajeng urang di cư”. Min sanya ini tal urak ini jeng oh ka ngak hu./.