Gah ngak kong saong padang ngak  daok rik daong praong abih ka bruk patagok kinh te dalam thun ini di tinh, ngan haong tanut patagok lac 28,32%. Bruk njauk caik hatai di abih lac dalam 2 thun jaik di ini, bruk patagok kinh te di Hậu Giang mboh patagok biak cambaih laih hadei di jaik 20 thun padang tỉnh. Dalam thun 2022, bruk patagok kinh tế di Hậu Giang mek hu 13,94%, yam tagok dang akaok bhum ĐBSCL, dang ka 4  dalam taneh ia.

Puac adit blaoh, Kapul urang Quốc hội tỉnh Vĩnh Long hu peih bruk taom gaok cử tri di huyện Mang Thít. Tapa nan, cử tri caong khin Quốc hội, Rajaei, tỉnh brei hu jalan ngak suai lavik, hu labik pablei kaya nong, daong ka urang ngak nong sahanang hatai pala drak, tỉnh daok jhul khang dom jalan lang talaih kan kandah tavak tavaiy, daong ka rahra saong doanh nghiệp pasiam veik bruk ngak, jhul patagok bruk ngak mbang, pablei salih, tapa nan, ba rilo bruk ngak ka urang ngak. Langiu di nan, cử tri jeng duh hatai, suh sah anak bruk kuac mek cuah suan adat hukum jeng daok rah tabiak, bruk glut jaleih takai kraong, pandiak bhang, ia mbak njom tame srau kadau.

Piah rami ramik veik bruk raong glang, ngak kaya ikan, thun 2024, tỉnh Trà Vinh  pachreih ba dom bhum palei tapen tasik pandar dom sarak daong palagaih, ieu daa doanh nghiệp buh jien tame ramik ngak labaih 50.000 ha taneh tapen tasik saong 15.000 ha taneh bãi bồi, pulao kaoh piah raong kaya ikan. Tỉnh kham marat tal thun 2025, hu labaih 15.000ha raong kaya ikan thâm canh tui jalan hacih, hu labik chỉ dẫn địa lý; dalam nan hu 1.100ha raong kong nghiep pandar kong nghe glaong ngan haong hadang sú, hadang thẻ takai putih, arieng, dom janih nhuyễn thể.

Urak ini, ruak aih craoh pabui Châu Phi di tỉnh Tiền Giang daok njaom mbak samar. Di xã Xuân Đông, huyện Chợ Gạo brei am cuh klaak jaik 100 tấn pabui ruak saong matai piah pacang anek ruak njaom mbak. Yaom lac tỉnh hu tabiak panuac lac hu jit riak, peih ngak dom jalan pacang caga jit min jeng daok tamuh sruh jit bahrau. Bruk njauk biai nan lac hu oh takik sang raong pabui huac lac jit ruak daok rah tabiak nan ye pablei tuh, pablei thaik haong yaom lap.  Urak ini pabui ralow di Tiền Giang yaom meng 4 triệu meteh tal  4 triệu 700 rabau đồng sa tạ, daok pabui taha yaom daok lap jang. Tui yaoam pablei yau ini, urang raong khat trak.

Sở Du lịch TPHCM bahrau brei thau bruk peih ngak danak dak “Ban raya Hồ Chí Minh 100 bruk chreih chrai”. Hu thau, hu 10 bruk hu pilih ruah lac chreih chrai, dalam nan hu danak dak rivang iek TPHCM; labik rivang iek, labik check-in; labik ma-in, danak dak ma-in, labik daok du lịch; nhà hàng, quan mbang, quan café; labik pablei salih, bruk du lich, ilamo, padhi pahat rup; pandap mbang bingi. Phaok akaok UBND TPHCM Nguyễn Văn Dũng brei thau, TPHCM lac bhum taneh di bruk siam hatai, tuk halei jeng halain hatain taduan raok saong ba tame yaok bruk karei gauk piah ngak jeng ilamo hadah krah karei di TPHCM; rik tame bruk yaih khan thaot bingu di palei negar, anek manuac Việt Nam. Danak dak “ban raya Hồ Chí Minh – 100 bruk chreih chrai” lac bruk hadah di gah du lich di puac thun 2023 saong salam uan thun bahrau 2024, rik daong paglaong labik dang, thaot bingu labik tal di TPHCM.

Phaok Tổng thống Kamala Harris brei thau lac Mỹ meda rik tame 3 tỷ đô la tame Kadung jien Khí hậu hijao piah brei mboh bruk ba akaok nao dahlau di Mỹ dalam bruk daong dom darak pasar bahrau tagaok saong dom nền kinh tế daok cakrok patrun patakik bruk tathuak khí sang camin saong lagaih haong bruk biến đổi khí hậu. Amuk Harris ndom lac Mỹ daok pambuak bruk haong mBanYam ndok di Kadung jien khí hậu hijao ka sa danak dak ginum biai hu siam mekre jang ka dom taneh ia, jeng yau pambuak bruk haong gah tư nhân piah pandar hu siam kadung jien.

Ủy ban Jalan ngak Quyền lực mềm negar Thái Lan  kuhria peih ngak harei Tết thaic ia Songkran piah uan raok thun bahrau di urang Thái dalam luac bilan 4 thun 2024, salih ka 3 harei yau meng kan mai, piah paglaong labik dang di Thái Lan, ba taneh ia ini daok dalam 10 labik tal harei rija dang akaok dunya. Dahlau di nan, negar ini jeng brei buh tabiak labaih 5 tỷ baht (146 triệu USD) piah jhul khang bruk quyền lực mềm pak Thái Lan di 11 gah, daong patagok jang veik gah kinh te bahrau di taneh ia, meng nan ba jien mek tame ka gah du lich saong dom gah pambuak tal.

Di rilo taneh ia châu Âu, tuyết daok laik kapal ngak kan kandah tal bruk nao mai. Yaok ratuh mbang par mai saong nao meng mblang kapal haok Amsterdam Schiphol (Hà Lan) dalam harei 3/12 brei klaak kayua mboh lac hu tuyết laik kapal. Di negar Anh, tuyết laik kapal di gah brak ngak ka dom urang peih nduac radaih njauk duah labik dauk atau daok tapa melam dalam radaih ô tô di drei saong labaih 2.500 labik lahik điện. Dalam tuk nan, di Đức, dom mbang par hu pambuak veik di mblang kapal haok Munich harei 3/12, sa harei hadei di tuk brei padeih kayua tuyết laik. Bruk tuyết laik kapal ngak ka 760 mbang par di mblang kapal haok Munich gaok kan kandah./.