Piah jhul khang Danak dak yaok xa sa pandap (OCOP), dalam thun ini, Tiền Giang kham marat hu veik 50 pandap angan je di bhum palei hu pok brei angan lac mek hu tanut chuan OCOP, patagok dom pandap mek hu tanut chuan OCOP pakat tinh lac 309. Tiền Giang jeng pataom prein tame brei thau ka yaom glaong angan je, pambuak haong darak pasa saong dom gah parabha, duah jalan pablei tabiak pandap panda, peih praong darak pasa ka dom pandap panda OCOP piah paglaong yaom saong ngak jeng bruk karei di gauk ka pandap OCOP Tiền Giang; caik hatai sangka cak rok patagok dom pandap OCOP meng dom pandap angan je, pandap meng kan, pandar dom yaom glaong karei di pandap panda, ngak jeng bruk karei di gauk, patagok prein maraik gauk di pandap panda OCOP di darak pasa.

Kiên Giang daok pataom tame ngak nong tui jalan salamat, khang kajap, hữu cơ, ngak nong tuần hoàn, tui chuỗi giá trị, patrun tathuak khí thải piah khik caga alam langik tasik, khik kajap kein laba. Dalam nan, tỉnh iek praong bruk pambuak gauk ngak padai tui jalan mblang hamu praong, ngak padai mek hu tanut chuẩn VietGAP, GlobalGAP, SRP, hữu cơ… pasang iek hu jru kandaong labaih piah pabak ka bruk pablei tabiak negar langiu… Gam haong nan, pabak brei mã số bhum pala piah brei thau cambaih asal di pandap, rik daong paglaong yaom kaya nong saong padang angan palei salih di tỉnh.

UBND ban Cần Thơ hu jao pabak 3.235 tỷ đồng phun jien đầu tư công tukvak mbaih 2021-2025 (meng phun jien kanja T.Ư) ka danak dak pasiam veik, peih praong jalan Roya 91, atah labaih 7km. Danak dak pambak tal labaih 1.000 urang. Phun jien biyar, daong bruk tái định cư lac labaih 5.700 tỷ đồng; phun jien padang ngak jaik 1.100 tỷ đồng. Tukvak peih ngak danak dak meng thun 2023-2027.

Harei ini (16/2) lac harei 7 bingun Tết, mblang kapal haoh Tân Sơn Nhất hu taduan raok rilo tuai di abih ngan haong 151.000 tuai nao tapa. Dom tuai ini yam tapa tanut glaong di abih lac 148.000 urang dalam harei 5 bingun Tết saong yam tapa atah bruk kuhria mboh dahlau lac hu 140.000 tuai sa harei dalam dom harei tabung glaong tuk Tết. Tui panuac khan di gah mblang kapal haoh pakat dunya Tân Sơn Nhất, meng pambuak bruk samar drah dalam khan brei gauk thau ka dom mbang par di dom tukvak tabung glaong nan ye bruk tacei pato, parabha menuac ngak saong patagok bruk khan nao khan mai, pasang iek slot hu peih ngak siam, lagaih haong prein di mblang kapal haoh. Abih di nyu lac, dom mbang par njauk mon tagok 20% tuk pandar jalan ngak A- CDM di mbalng kapal haoh pakat dunya Tân Sơn Nhất.  

Tui Pasak Kuhria mboh dahlau bruk langik tasik negar, meng bilan 3 tal bilan 5, bruk  El Nino daok rahtabiak saong meda mbuan salih tapa tanut mbaih meng bilan 6 tal bilan 8. Bruk langik pandiak bhang di gah maraong negar meda hu mboh di gah Timun meng puac bilan 2 saong peih praong jang tapa gah miền Tây dalam bilan 3, bilan 4 tal mateh akaok bilan 5. Bruk langik thu lagu di gah maraong negar saong gah Tây Nguyên jeng daok rahtabiak dalam bilan 3 saong bilan 4.

Mintri Y tế Campuchia tabiak panuac khan lac hu gac sa urang njauk ruak đậu mùa khỉ bahrau di ban ine Phnom Penh, tui nan, dom urang njauk ruak ini di taneh ia ini lac 12 urang. Mintri Y tế Campuchia taong yaom bruk dom urang ruak bahrau nan, brei mboh bruk njaom ruak đậu mùa khỉ di taneh ini daok tagok, tui jalan di dunya. Tui gah Y tế dunya (WHO), ruak đậu mùa khỉ hu mboh di 117 taneh ia, haong labaih 93.000 urang njauk ruak, dalam nan hu 176 urang ruak matai.

Ong Donald Trump meda tabiak tòa di harei 25/3 dalam bruk pathau lac buh jien piah pacang cambuai plaih kanjak jhak ka sa urang hu angan gah phim manuac praong anak mbang pilih ruah Tổng thống thun 2016. Ong Trump meda lac Tổng thống Mỹ dahlau deih, camriep abih tabiak toa ngan haong dom bruk kaoh tui hình sự. Mbang langyah tui hukum meda dui atah 5 atau 6 adit saong meda salah suai abih di akaok bilan 5. Ini lac sa dalam 4 bruk pathau gah hình sự bo ong Trump njauk gaok dalam nan hu dom panuac cáo buộc ka jalan ngak cagar veik bruk pilih ruah thun 2020, khik piah harak gar kadauk hadei di mbang abih tukvak ngak bruk saong duah jalan ngak salih bruk pilih ruah di bang Georgia.

Cuba tabiak panuac lac hu 30 urang co klaik 133 tấn ralow menuk meng labik di karja piah pablei veik angaok darak pasar duah laba. Rayo papar binguk Cuba brei thau lac kol nan co klaik anih tih 8.500 thùng ralow menuk janih 15kg meng sa labik caik pandap di doanh nghiệp karja COPMAR daok di ban ine La Habana saong mek jien laba oh njauk adat hukum, tagok tal 1 triệu 350 rabau USD, piah blei tu la-an, laptop, tivi saong jamriak la-an. Ini lac bruk co klaik praong takik mboh di taneh ia pulao kaoh Caribe ini, ngak tatuan megei menuac sia, dalam tuk Cuba daok kurang biak khang pandap mbnag, jru tavao saong pandap ngak./.