150 kapol nyaom, menuac urang, đơn vị, doanh nghiep, urang ngak pahala hu rik daong labaih 40 tỷ đồng ka Hoi Chu thap do tinh Binh Duong dalam danak dak pahadar urang daong brei jien saong jao brei paok jien bac ka anek saih kan kandah. Meng thun 2016 mbiah tal ini, Hoi Chu thap do tinh Binh Duong jak ba hu labaih 1.200 tỷ đồng, daong ka labaih 4,5 trieu mbang bhap bini dalam tỉnh saong dom tỉnh, ban dalam negar, piah pambuak dom urang ngak pahala saong dom urang kan kandah. Tapa nan, Hoi Chu thap do tinh Binh Duong daok jao brei 1.000 paok jien bac ka anek saih kan kandah dalam tỉnh, yaok paok 4 trieu dong saong sa paok pandap.

Tỉnh An Giang hu peih bruk 20 harei melam ba thẻ BHYT, sổ BHXH tal bhap bini bangsa takik. Tapa nan, urang bangsa takik blei BHYT 1 thun hu Kadung jien karja daong 70%, menuac blei tok buh tame 30%. BHXH tỉnh An Giang jeng hu padang 3 Kapul ngak bruk trun tapak dom puk palei, labik daok di bhap bini piah pathau khan, jak ba, paglaong siam mekre bruk sangka iek glang prein yava urang bangsa takik saong bhum ceik di tỉnh. 

Piah pachreih bruk blei pandar saong dulich, meng harei 15 tal harei 17/12 anak tal, So Cong thuong TP.HCM saong UB bhap bini Quận 1 peih ngak Danak dak Pachreih urang blei pandap hieu - Flash Sale Holiday yaom tal 90%. Ini lac bruk pambuak dom doanh nghiep piah ngak dom bruk pachreih blei piah dui pachreih urang blei pandar saong tuai damuai. Tui nan, yaih khan angan je taneh ia, pamong tal bruk dak padang TPHCM hu jeng pasak blei pandar dom pandap hu angan je.  

Công an tỉnh Đồng Nai bahrau tabiak panuac tamat bruk pasang iek, duah thau, ieu truy tố 11 urang ka duas “Yar hối lộ” saong “Mbang hối lộ” rah tabiak di Pasak đăng kiểm radaih cơ giới 60-04D di phường Tân Biên, TP. Biên Hòa. Tui panuac tamat bruk pasang iek, dom urang nan khan lac hu mbang jien meng 60 triệu tal 500 triệu đồng di dom po radaih mai đăng kiểm di Pasak piah klaak tapa dom bruk oh njauk tanut salamat kỹ thuật saong khik caga môi trường. Abih tih yaom jien bo dom urang nan mbang dalam thun 2022 lac labaih 1 tỷ 800 triệu đồng. 

Dom harei ini, di TPHCM saong Nam bộ langik daok pandiak khang oh ka bhian mboh. Tui dom urang ilamu gah khi tuong, harei kabroi rilo balai dut iek di TPHCM saong Nam bộ duk mboh pandiak glong tal 34 -35 độ C. Langik pandiak gam thu lagu ba tal urang tabiak jalan mboh thu pandik kalik, pa-uh. Dom urang ilamu kuhria mboh dahlau lac, bruk pandiak , pa-uh di Nam bộ meda daok rah tabiak tal harei 21 -12 anak tal. Pandiak hu trun tuk hu ngin la-ar di bhum Kreh negar njaom mai gah Meraong. Nan ye, meng harei 22 tal 25 -12, lac tuk Noel 2023, langik la-an biar abih di TPHCM meda trun tal 20 độ C.

Đại hội đồng Liên hợp quốc hu buh phiếu brei tapa sarak ieu padeih cuh gauk piah ngak pahla chip di Gaza. Sarak jeng ieu peih palao chip taong abih dom con tin bo oh ndok salih hagait saong dom gah pambuak tal brei ngak njauk adat hukum dunya, abih di nyu lac bruk khik caga rahra. Yaom lac dom sarak di Đại hội đồng Liên hợp quốc oh lac kateik greik brei ngak, min bruk brei tapa dom sarak di jabat ini hu prein khang gah chính trị saong brei mboh hatai sahneng di dunya ka dom bruk hu ndom tal 

Liên minh châu Âu EU ndem biai njauk gauk ka dom adat di dom taneh ia dalam Liên minh ka bruk duah thau, pacang veik, mek veik saong khik iek drap ar hình sự. Tui nan brei adat lac drap ar meda njauk pacang veik samar drah, saong peih praong dom toi pham hu ramik veik tui hukum urak ini di EU, dalam nan hu bruk pablei salih manuac, matuy saong phao ndao. Liên minh châu Âu jeng brei langyah dom bruk hu mboh urang karei piah palaik njiak bruk mek drap ar pandauk. Dom urang saong kong ty mek laba meng bruk palaik njiak taong phạt meda njauk chap mek drap ar veik. UB chau Au taong yaom kol tội phạm tui kapol nyaom lac sa dalam dom bruk kan kandah praong abih ngan hoang bruk salamat Chau Au.

Tui jabat khik ramik sraiy negar Anh, dom sang di taneh ia ini njauk cakak trun jien blei pandap alin hadiah piah blei dom pandap karei piah pandar. Bruk srau kadau cai pandar dak harei dak trak damak, ngak ka dom sang di negar Anh brei kali kalih dalam cai pandar, blei pandap alin atau pandap mbang menyum dalam tuk Noel ini. Hu thau, jaik 6 triệu 500 rabau menuac negar Anh biak glaih glar piah hu sưởi ấm ginup dalam baoh sang di drei dalam tuk padeih Noel saong tame thun bahrau, dalam tuk 2,7 triệu menuac njauk sahneng kuhria, pilih ruah bruk blei pandap mbang atau pandap alin hadiah ka gauk gar, ayut sahabat./.