Tỉnh Bình Phước bahrau peih bruk taom mbaok dom taha palei, dom urang hu angan je dalam bhap bini dom bangsa takik daok dalam tỉnh. Tapa nan, amuk Lê Thị Xuân Trang – akaok UBMT negar VN tỉnh Bình Phước ndom lac, taha palei lac dom menuac hu labik dang praong dalam bruk thau cambaih hatai caong di bhap bini dom bangsa saong khan brei thau chip tal dom gah chức năng; hu mbaoh tame pacang caga, langyah dom bruk meriak gauk, kandah gauk dalam bhap bini, oh caik brei kol khamang nyu pacuh pajarak piah neh rabha bruk jum pataom bangsa

Uỷ ban MTTQ Việt Nam tỉnh Bình Dương bahrau pambuak bruk haong Hội Chữ thập đỏ tỉnh peih bruk brei pandap ka rahra sang kan kandah. Tapa nan hu brei 400 pok pandap saong phiếu nao darak zero đồng daong ka rahra, urang ngak gaok kan kandah dalam raidiuk, yaom labaih 600 triệu đồng. Langiu di nan, mBan jak ba Harei ka urang kan kathaot tỉnh Bình Dương jeng taduan hu bruk daong ka urang kan kathaot meng sa doanh nghiệp saong meng sa gilang pariak daok dalam tỉnh, yaok gah hu daong 500 triệu đồng piah daong ka urang kan kathaot, urang sang kan kandah.  

Tỉnh An Giang hu brei adat kuac mek labaih 15,5 trieu met khoi cuah dalam kraong ngak jalan peih drah samar Châu Đốc - Cần Thơ - Sóc Trăng saong Cần Thơ - Cà Mau. UB bhap bini tỉnh An Giang  jao brei Sở Tai nguyen saong Moi truong ngak njuak tui hukum ka bruk taong yaom tal moi truong saong dom bruk kuac mek cuah dalam kraong di dom labik. Pambuak haong dom bhum palei tui iek catang bruk kuac mek cuah njauk labik brei adat. Bruk kuac mek, pajeng ba cuah  njauk ba tal labik padang ngak, oh brei pambak tame bruk mek cuah pablei tabiak langiu.

Bruk ia njom mbak dalam bhum ĐBSCL daok rah tabiak khang, ia mbak njaom dalam tame dom kraong ribaong. Di tỉnh Vĩnh Long, tui kuhria tabung glaong ia mbak meng ini tal abih bilan 4, haong độ mbak glaong abih gah kraong Cổ Chiên di cống Nàng Âm meng 5,5-6,5 phần rabau… Piah pacang caga pandiak bhang, ia mbak njom tame, gah ngak nong hu peih ngak siam dom danak dak thủy lợi, ia hacih tui jalan ba tabiak, jhul samar bruk padang ngak, ngak pasiam dom kraong, ribaong pacang mbak, khik taba, caga pacang pandiak bhang, ia mbak rah tabiak khang. 

Tui Cục Kiểm Lâm, jaik abih taneh glai di Tây Nguyên saong Tây Nam Bộ daok dalam bhum mbuan khuah glai, hu 120 labik mbuan khuah glai pakat 4 lac pakat biak mbuan khuah; 114 labik mbuan apui khuah glai pakat 5 lac pakat biak trak. Tui kuhria mboh dahlau meng ini tal harei 23/3, dom labik ini oh hu hajan, langik pandiak. Pandiak meng 30 - 35 độ C, dalam nan bhum  Đông Nam Bộ pandiak mneg 35 tal 37 độ C. Yau nan ye di dom bhum mbuan apui khuah glai,  bhap bini brei padeih dom bruk  yau cuh glai mek danko, cuh apuh saong oh pandar apui dalam saong jaik glai  piah palaik njiak apui khuah rah tabiak tuk halei oh thau.

Taong yam ndok Gah pablei salih dunya WTO, brei panuac caong lac sa thỏa thuận daong bruk ngak ikan hu mbaoh tangin brei tapa dalam thun ini saong dom thành viên ginup abih. Thỏa thuận bruk ngak ikan, piah klaak nao pok jien daong yaom 22 tỷ USD daong ka bruk taong cap suan adat, taduan hu bruk pachreih tui biak rilo meng dom taneh ia thành viên. Tal urak ini, 71 urang di gah pablei salih dunya WTO njauk hatai brei tapa hiệp định saong brei hu 39 urang tra piah mek hu 2/3 dom thành viên. Hu yau nan, thỏa thuận meng hu yaom ba tabaik ngak tui.

Rija Songkran atau Tet thaik ia Songkran di Thái Lan thun ini meda peih tabiak dalam 21 harei, meng akok bilan 4 piah salam uan rija hu UNESCO pok brei angan lac Inem krung ilamu phi vat the di bhap bini. Dalam tukvak  nan, dom jabat  hu jak ba dom D.N saong bhap bini pan njauk hukum, abih di nyu lac pakauk menyum alak mbia ngan haong urang umo ala 20 thun; pakauk pablei alak langiu mon tui hukum ba tabiak. Mentri Y te Thái Lan iew brei dut iek alak dalam rup urang peih radaih ba tal bala.

Tổng thống taneh ia Nigeria ndom lac oh taduan bruk bayar jien laoh ka kol cap mek dom anek saih saong urang kumei bahrau ini. Saong daok hu panuac lac brei hu bruk njauk gauk di dom jabat an ninh piah daong ka dom urang njauk bala. Bahrau ini, harei 12/3, kol pan phao nyu cap mek 61 urang di sa palei dalam huyện Kajuru, bang Kaduna, dom harei hadei di bruk lac takik di abih 287 anek saih njauk cap mek dalam sa mbang taong tame dom sang bac dalam bang ini./.