Tukvak jiak ini, bruk paglong asar pandap kaya kong – kaya nong saong OCOP biak hu dom doanh nghiệp, HTX dalam tỉnh Tiền Giang sangka, caik hatai. Birau ini, tỉnh Tiền Giang hu 6 pandap taduan angan kong nghiep palei pala siam pakat Negar thun 2023. Dom pandap nan jeng hu yaom glaong, siam mekre dalam riadiuk. Langiu di nan, tal puac thun ini, dalam tỉnh hu 252 pandap OCOP di 109 labik, dalam nan hu 99 pandap 4 patuk, 152 pandap 3 patuk, hu 1 pandap daok ngak harak brei angan 5 patuk.

Tỉnh Bình Phước hu 320 HTX, dalam nan hu 54 HTX bhum urang bangsa takik. HTX pak ini rilo meng lac pala pa-ok blait, amriak kalu saong raong pabui, menuk, ada... saong dom HTX oh ka cakrok kayua pandap oh ka hu rilo, kurang taneh riya piah peih praong bruk ngak. Makna lac kayua jaik abih mikva bangsa takik oh ka hu brei harak chứng nhận quyền pandar taneh nan ye oh khin buh jien tame ngak mbang piah yam tal bruk padang HTX. Anak bruk ini, Sở Kế hoạch - Đầu tư tỉnh Bình Phước sanya lac anak tal brei lang talaih bruk pandar taneh ka mikva bangsa.

Sở Pato megru Ban raya HCM brei ramik pasiam bruk pasang iek hatai caong khin palih ruah pakacah tame tal bac 10 piah lagaih jang haong bruk urak ini, pabak hu siam abih bruk khin tame bac dalam sang bac karja di anek saih. Mbang pakacah palih ruah tal bac 10 di karja di Ban raya HCM thun 2024 kuhria peih tabiak di bilan 6 ngan haong 3 mon nan lac Ngữ văn, Toán, Ngoại ngữ. Langiu di nan, anek saih caong khin pakacah tame tal bac 10 chuyen, tal bac 10 tích hợp meda pakacah mon ka pak lac mon chuyen atau tích hop. Thun ini, TPHCM brei padeih palih ruah tame tal bac 10 oh chuyen di dom sang bac THPT Chuyên Lê Hồng Phong saong THPT Chuyên Trần Đại Nghĩa.

Melam blaoh, Sở Ilamu - Thể thao saong Du lịch tỉnh Trà Vinh peih malam chung kết Mbang pataom daoh tamia bhap bini bangsa Kinh - Khmer – Hoa thun 2023. Mbang pataom hu mbaok labaih 350 urang daoh tamia, nghệ nhân, nhạc công mai meng 8 huyện, ban dalam tỉnh. Yaok kapul brei pakacah sa danak dak daoh tamia, yaih khan dom ilamu meng kan di 3 bangsa Kinh - Khmer – Hoa. Ini lac tuk piah khik ramik, patagok dom yaom glaong ilamu meng kan di dom bangsa, ngak kaya meda jang raidiuk ilamu di bhap bini daok dalam tỉnh.

Mentri Thong tin saong Truyen thong birau tabiak panuac brei thau 5 bruk pachot pagat online bahrau, hu kol bleik nyu pandar piah meblah khaw tin, drap ar di bhap bini. Jalan ka 1 lac “Likau payua jien tame ngak pahala”. Jalan ka 2 lac “ Mek angan VTV palih ruah menuac tame pakacah Harei pataom ao atah Xuân nasak Girai thun 2024”, gam haong rilo kein laba, dui ba urang tame blah web ja VTV, meng nan iew urang payua jien tame. Jalan ka 3 lac dom urang pachot pagat pambak tame bruk kurang di dom blah điện tử hu akhar huroh puac .gov.vn atau .com.vn piah dui ba pachot urang hu pagam mã độc saong pandar mã độc nan klaik mek thong tin gilang jien di urang. Jalan ka 4 lac pagat “ pablei radaih siam yaom lap”. Jalan pagat ka 5 lac “ Pachot pagat tapa jit vu pagol taom gaok tapa online”

"Rajaei sanya patagok talei pambuak bruk haong dom taneh ia jaik taphia saong dom taneh ia pambuak tal dalam bruk mesruh pacang palei salih menuac" - Phó Thủ tướng Campuchia Sar Sokha brei thau hatai kham merat di Campuchia ka patagok pacang caga, pagui mek kol duas ini meng jalan ngak lac oh caik ka kol duas hu jalan nduac klah. Dalam jaik 3 bilan tapa, taneh ia ini taong tayah hu 137 bruk pablei salih menuac saong kateik greik urang ngak kumei me-in piah mbang jien, cap mek 160 urang, dalam nan hu 10 urang negar langiu, saong daong hu 424 menuac njauk bala di kol duas nan.

Hadei di 3 thun padang ngak, Trung Quốc hu ba tame pandar jalan pasei nduac peih drah samar pambuak dom tinh atah 100km, pambuak ban Thiên Tân, gah barak taneh ia ini haong mblang kapal haok dunya Đại Hưng di ban ine Bắc Kinh. Meng bruk peih drah samar abih lac 250km sa mon, jalan pasei nan abih takik tukvak nao mai meng Thiên Tân tal mblang kapal haok Đại Hưng, meng jaik 2 mon urak ini trun daok 41 minit. Ini lac danak dak hu makna praong rik tame jhul khang bruk pambuak jalan di dom bhum palei dalam jalan vanh ndai kinh te ngak mbang Bắc Kinh - Thiên Tân - Hà Bắc. 

Mintri Y tế Malaysia bahrau tabiak jalan ngak 5 paka piah pacang bruk urang njaom Covid-19 tagok khang dalam dom bilan jaik ini. Dalam adit meng harei 10 tal harei 16/12, taneh ia ini hu labaih 20 rabau menuac njaom Covid-19 bahrau saong 28 urang matai, rilo jang 62% duk haong adit dahlau di nan. Mintri Y tế Malaysia ndom lac, bruk y tế taneh ia ini, meng di karja tal di tư nhân jeng hu kuhria caga blaoh blai ka bruk patagok rilo dom menuac njauk Covid-19.