Di Mbang nyaom ka 9, di Mban pato tacei Kanja ka dom danak dak hu makna pakat negar, dom danak dak praong di gah jalan mbak pajeng ba, hu peih tabiak di dah page ini, Thủ tướng Rajaei Phạm Minh Chính brei thau lac, dalam taneh ia daok jhul  3 prein khang piah patagok, dalam nan hu bruk buh jien tame dalam taneh ia, buh jien tame di negar langiu, buh jien tame meng gah tư nhân saong buh jien tame dalam rahra. Bruk Đầu tư công hu makba, tacei ba jalan, pamadeih yaok prein khang di rahra ka bruk buh jien tame cak rok patagok. Thủ tướng brei thau lac, thun 2024, dalam taneh ia buh tabiak 657.000 tỉ đồng ka bruk đầu tư công, abih di nyu nan lac buh jien tame ngak jalan mbak nao mai.

Tỉnh Đồng Nai urak ini hu laaih 1,2 triệu urang ngak. Dalam nan labaih 700.000 urang ngak dalam dom labik ngak kong. Tui panuac khan di LĐLĐ tỉnh Đồng Nai, kuhria tal harei ini, dalam tỉnh hu 90% dom urang ngak mai ngak bruk veik hadei Tết. Đồng Nai urak ini hu labaih 1 triệu 200 rabau urang ngak. Dalam nan, hu labaih 700.000 menuac ngak dalam dom labik ngak kong. Jaik abih dom urang ngak lac mai meng dom tỉnh gah barak, bhum kreh negar saong Tây Nam Bộ. Bruk urang ngak samar mai veik ngak bruk ginup hadei di Tết lac bruk bui sambai ka tỉnh Đồng Nai jeng yau ka abih bhum Đông Nam Bộ.

Dah page ini, kapul CS jalan mbak Công an huyện Đức Hòa, Long An hu padang bilai di jalan roya N2 piah daong ka rahra meng miền Tây mai gilac TP.HCM saong dom tinh, ban gah timun negar ngak bruk, nao bac hadei di mbang padeih Tết. Dalam dua harei lac harei 28 Tết saong harei ini, CS jalan mbak công an huyện hu alin 12.000 kalaok ia, 12.000 siuk laar, 2.700 ahar bánh mì, 200 pa-aop ia tasau daong prein ka mikva. Langiu di nan, kapul CSGT hu pathau khan ka rahra ngak njauk tui hukum jalan mbak piah khik siam makre salamat di mangaok jalan.

Mesup ini, Sở Ilamu, Thể thao saong Du lịch tỉnh Bình Thuận pambuak bruk haong huyện Hàm Thuận Nam peih Harei pataom pakacah ndik ceik Tà Cú peih praong mbang ka 26. Harei pataom pakacah ndik ceik Tà Cú hu mbaok di 377 urang di 47 kapul mai meng 7 tỉnh, ban dalam taneh ia yau ye: Lâm Đồng, Bình Phước, Đồng Nai, Bà Rịa - Vũng Tàu, TP.HCM saong Bình Thuận. Ini lac mblang ma-in bui sambai chreih chrai dalam tuk Tết, daong ka urang me-in hu pabak ilamu ndik ceik. Tapa nan, rik daong yaih khan thaot binguk, labik mekre pakat negar baha ceik Tà Cú jeng yau bruk du lịch Bình Thuận

Yaom durain di ĐBSCL daok di tanut biak glaong, durain Ri6 yaom meng 120.000-150.000 đồng/kg, durain Monthong yaom meng 170.000-200.000 đồng/kg. Ong Trần Thiện Thanh, Phaok Yam ndok Hợp tác xã durain Trường Phát, TP. Cần Thơ, brei thau, yaom durain tagok khang meng bilan 11-2023 tal urak ini, tukvak nan tok hu yaom meng 70.000-80.000 đồng/kg. Ngan haong yaom pablei lac 128.000 đồng/kg yau urak ini, hadei di kaoh abih phun jien buh tame, urang pala laba labaih 1 tỉ đồng/ha. Min, tok daok hu sa sang bein dalam hợp tác xã hu durain karei bilan piah pablei, urak ini baoh karei bilan jaik abih; njauk cang tal bilan 3 saka ia bilan meng tame mbang paik baoh.

Tổng thống Nga Vladimir Putin brei thau lac dom baoh sang Nga brei ndih tapui takik di abih lac 2 urang anek kayua bruk daok atau lahik di bnagsa saong meng 3 urang anek tagok meyah khin patagok saong kaya meda. Nga rah tapa 2 pluh thun trun takik menuac sia hadei di bruk jaleih trun di Liên Xô, trak damak jang meng dom bruk yau ye njin alak dui atah dalam rilo thun. Jabat yaok pataom negar Nga kuhria mboh lac menuac sia taneh ia ini daok di tanut 146 triệu 400 rabau menuac di akaok thun 2023, trun duk haong 149 triệu dalam 20 thun dahlau, min tagok meng tanut biar jaik 143 triệu dalam vaktu 2007 - 2012.

Harei ini, Ủy ban châu Âu hu brei tapa paok jien daong kanja 6,9 tỷ ơ-rô samu 7,4 tỷ đôla) ka dom danak dak sang danaok, jalan mbak piah paglaong bruk pabak hydro hijao dalam Liên minh châu Âu (EU). Tui jajan ba tabiak meda daong ka bruk peih ngak dom sang mac dien ngak khak praong piah ngak tabiak hydro hijao saong dom jalan nding pajeng ba hy-đrô. Dom danak dak jeng meda daong cak rok dom labik khik piah hydro praong, padang ngak dom sang ga piah langyah saong labik hạ tầng pabah lamnge ka bruk pajeng ba hydro janih ia.

Sa sruh kapal vũ trụ Mỹ hu cuh tagok meng bilai không gian Kennedy di bang Florida, Mỹ, daok par tagok ia bulan. Ini lac bruk par tagok ia bulan mbang ka 2 kayua 1 gah tư nhân di Mỹ peih ngak, hadei di mbang par camereip oh jengi. Yaom lac hu cuh tagok suai jang 1 harei duk haong tui kuhria, min sruh IM-1 jeng meda nao tal mblang par trun Malapert A di harei 22/2, atah cực Nam di ia bulan jaik 300 km. NASA caong lac mada padang labik brei mboh bruk hu mbaok suai lavik di pak ini, pataom ia patau piah mek ia menyum saong nhiên liệu tên lửa yau bruk hu ba tabiak tui danak dak Artemis meng ia bulan tal sao Hỏa.