Biar harei kabroi, di labik Inem mek pakat Negar Căn cứ Trung ương Cục miền Nam, di tỉnh Tây Ninh hu peih ngak danak dak “Mai rivang veik chien khu”. Danak dak kayua Rayo Papar binguk Ban raya HCM, Bộ Tư lệnh Bol lin Bien phong saong Bộ Chỉ huy Bol lin Bien phong dom tỉnh, ban pambuak gauk peih ngak. Di danak dak, Mban peih bruk hu jao brei 200 paok pandap dalam nan hu kaya mbang saong 1 trieu jien tal bhap bini 2 labik taphia negar. Mbao Người Lao Động hu alin ka Đảng bộ, karja saong bhap bini tỉnh Tây Ninh 10.000 hala dok Negar saong 100 paok jien bac ka naek saih sang kan kathaot. Daok “Kadung jien sa hatung hatai” hu pambuak haong danak dak” Mai rivang veik chien khu” jeng taduan hu bruk rik daong di rilo jabat , đơn vị haong yaom jien kuhria abih tih hu 2 ty 250 trieu dong.

143 anek saih SV dam dara bangsa takik naih gheih abih hu pok angan di harei 26/12 tal di Hà Nội. Thun ini lac thun ka 10, UB Bangsa dang tabiak pambuak bruk haong Mintri Pato Megru, kapul dam dara Cộng sản Hồ Chí Minh pakat negar peih bruk pok meyaom ini. Dom adei hu pok meyaom lac dom anek saih bangsa takik mek hu giải Nhất, Nhì, Ba dalam mbang pakacah anek saih naih joi pakat negar, bruk pakacah ilamu kỹ thuật pakat negar….saong dom dam dara bangsa takik naih gheih, hu angan.

Pasak Xúc tiến Pablei salih saong Đầu tư TPHCM pambuak haong Karja tỉnh Hyogo, Nhật Bản birau peih Nyaom biai pambuak bruk kinh te TPHCM saong tinh Hyogo ngan haong kadha “Kinh tế hijao - Lagaih saong pambuak bruk". Nhật Bản lac gah buh rilo jien dang dhi ka 3 dalam 120 taneh ia saong bhum taneh tame ngak mbang di Ban raya HCM, ngan haong 1.657 danak dak, kuhria abih tih phun jien lac 5,7 tỷ USD, meblah 10% phun jien negar langiu di Ban raya HCM. Bilan 10 thun 2007, TPHCM saong tỉnh Hyogo mbaoh tangin tame Dự ước thư ka bruk pambuak talei rohim TPHCM - Hyogo lac sa dalam dom bruk ngak suai lavik, pambuak haong dunya pakat ban di Ban raya HCM.

Thun ini lac thun ka 5 baoh vú sữa di tỉnh Sóc Trăng hu pablei tapa dom darak pasar kan tame yau Mỹ, Australia, Singapore,... Dalam tỉnh Sóc Trăng urak ini hu labaih 2.300ha vú sữa dom pajaih praong yau ye vú sữa tím, bơ hồng, tứ quý. Tal urak ini, tỉnh hu 25 mã số bhum pala haong mbaok taneh vú sữa hu pabak brei lac labaih 196ha. Piah paglaong yaom baoh vú sữa, gah ngak nong brei jhul khang bruk pala ngak tui jalan hữu cơ angaok phun vú sữa, pamaong tal baoh hacih, sa-at, mek hu tanut pablei tapa dom darak pasar kan tame.

Taneh pala phun mbang baoh di tỉnh Đồng Nai urak ini hu jaik 77 ribau ha, meblah 45% dom taneh pala phun lavik thun. Phun mbang baoh ba jien tame labaih 10 ribau tỷ đồng sa thun. Dalam tỉnh hu quy hoạch 98 bhum taneh pala pataom sa labik praong jaik 19 ribau ha. Tỉnh Đồng Nai padang rilo bhum taneh praong pala phun mbang baoh. Dalam nan, hu rilo phun mbang baoh di tỉnh dang top akaok ka taneh jeng yau brei rilo baoh yau: patei ngan haong 14 ribau ha, dang akok dalam negar; pa-ok labaih 12 ribau ha saong kruac bung 10,6 ribau ha, dang dhi dua dalam negar; durien jaik 11,4 ribau ha, dang dhi ka 4 dalam negar…

Mintri Khik ramik bruk samar drah negar Trung Quốc brei thau, jaik 135.500 pandap yau lều trại, khgaiy lauk, pandap khang pandiak.. hu ba tal dom tỉnh Cam Túc saong Thanh Hải piah daong ka bhap bini gaok kan kandah kayua megei baoh taneh. Dom menuac matai tagok tal labaih 130 urang, labaih 700 urang njauk rambus. Gah daong duah urang njauk bala jeng daok kham merat daong duah dom menuac daok njauk lam di gah mala haluk, patau.. Langik melam di rilo labik ini trun tal mala 15 tal mala 17 độ C, ngak ka dom urang daok gar veik mbuan gaok bala khang jang.

Tổng thống Philippines mbaoh tangin brei tabiak Hukum Parabha kadung jien negar thun 2024 yaom 5,768 triệu tỷ peso (labaih 103 tỷ USD), piah ngak ka bruk kinh tế hu tani tanat saong khang kajap dalam vaktu anak tal, gam haong nan, brei daong ka danak dak pakhang veik bruk jien padai tukvak gap mbiah. Kadung jien karja parabha ka ralo gah jit vu xa hoi, dalam nan hu y te, pato megru, ilamu, parilo urang ngak bruk, an sinh xa hoi, kein laba saong bruk ngak…

Bruk lạm phát glaong daok ngak ka rilo sang di châu Âu brei ramik veik bruk pandar cai di tuk Noel thun ini. Di negar Anh, bruk blei pandar di dom cửa hàng hu tagok 2,7% dalam bilan 11 thun ini, min jeng daok biar jang rilo duk haong tanut tagok 4,2% di tukvak ini thun blaoh. Di Đức, bruk pablei salih takik hu di tuk Noel daok ngak ka dom urang pablei salih mboh duh hatai. Di negar Prang, bhap bini takik cai pandar jang 19 Euro duk haong Noel thun blaoh. Salih ka bruk raok Noel di nhà hàng, rilo menuac kuhria caga raok Noel di sang./.