Mintri Chính trị brei thau lac, kapul doanh nhân hu labik dang, bruk ngak hu makna, lac sa dalam dom kapul hu bruk ngak hu makna piah jhul khang bruk công nghiệp hóa, hiện đại hóa taneh ia saong bruk ba drei tame dunya; padang ngak saong patagok kinh te eng drei, tự chủ, khik tani tanat quốc phòng, an ninh. Piah patagok kapul doanh nhân praong khang samu haong prein ba tabiak, bruk ngak cak rok patagok taneh ia dalam tukvak bahrau njauk ba tabiak jalan ngak cak rok patagok kapul doanh nhân taneh ia, bhum palei pambuak haong jalan ngak praong abih gah, jalan ngak tal thun 2030 saong pamaong tal thun 2045 ka bruk padang ngak saong patagok bruk ngak di kapul doanh nhân dalam saman bahrau.

Mintri Ilamu, Thể thao saong Du lịch bahrau hu harak ka bruk padang ngak kalup kapul pasram, pahat, ma-in  ilamu bhap bini di dom puk palei bhum urang bangsa takik saong bhum ceik, bhum panduan ba rahra mai daok thun 2023. Bruk ini hu daong patagok kein laba phun jien prein yava buh tame do Karja, xã hội saong bol bhap rahra dalam khik ramik saong patagok yaom ilamu meng kan siam mekre di bhap bini dom bangsa takik. Dom kalup kapul ini pachreih ba bhap bini bangsa takik kham merat hu mbaok tame bruk khik ramik ilamu, patagok bruk ngak po di bhap bini dalam pambak praong bruk khik ramik ilamu meng kan. 

Mban pato tacei danak dak pakacah gauk “Jak ba gheih”, Đảng ủy Quân sự tỉnh Kiên Giang hu pok  angan 25 bruk ngak gheih mek hu angan “Jak ba gheih” pakat huyện saong samu di nan. Bộ Chỉ huy Quân sự tỉnh alin harak mayaom 7 bruk ngak di kapul nyaom saong 6 urang hu bruk ngak naih dalam peih ngak danak dak pakacah gauk “Jak ba gheih” tukvak 2021-2023. Dom bruk “jak ba gheih” hu angan je di kapul bol pan phao kraong tỉnh yau ye Tết bol lin – rahra bak hatai anit ranam, baoh sang anit ranam di kapul, daong  adei nao tal sang bac, paok brah anit ranam. Patagok praong dalam dom yaom glaong siam lagaih. Dom bruk ngak ini jak ba hu yaok piluh tỷ đồng, padang ngak hu labaih 200 baoh sang, iek ruak pabak jru tavao oh mek jien, alin pandap, daong ka yaok rabau rahra gaok kan kandah.

Kham merat taoh talaih thẻ kanyik taong cap kaya ikan suan hukum, oh khan brei thau saong oh tui adat (IUU) oh daok lac bruk di yaok tinh ban bo brei hu bruk pambuak gauk khang kajap. Pagap yau 2 tỉnh Kiên Giang saong Cà Mau hu jaik 15.000 sruh kapal gilai taong ikan di labik taong cap praong, jaik haong bhum tasik di rilo taneh ia. Dom tinh ban hu tagok bruk pambuak gauk, pasang iek bruk taong cap IUU angaok bhum tasikn Tây Nam nan ye dom bruk taong cap kaya ikan suan hukum, lih tame bhum tasik taneh ia langiu trun daok takik, saong daok tame jalan siam mekre jang, tani tanat jang. 

Tukvak jaik di ini, dom amaik ame di TP.HCM ba uranaih nao klauk jru tui harei, daok haduh hatai tuk dom bilai y tế khan lac oh daok vaccine 5 dalam 1. Sở Y tế TP.HCM ba khau tin meng Viện Vệ sinh dịch tễ trung ương brei thau lac, tal puac bilan 12 meng hu gilac veik gah pabak vaccine di danak dak klauk jru peih praong. Daok vaccine 5 dalam 1 di gah dịch vụ urak ini jeng daok hu. Anak bruk ini, gah y tế TP.HCM daok pok panuac likau Mintri Y tế pato tacei jhul samar jalan pabak vaccine di danak dak peih praong.

Hãng kapal haoh taneh ia Indonesia - Garuda bahrau ngak hu siam mbang par iek pandar nhiên liệu sinh học lai menyek dầu cọ angaok sruh kapal haoh Boeing 737-800NG. Janih nhiên liệu bahrau hu angan ieeu lac “Bioavtur J2.4” kayua Tập đoàn năng lượng Karja Pertamina ngak tabiak saong pabak brei. Pertamina tabiak panuac lac labik ngak nhiên liệu kapal haoh khang kajap dang akaok di Đông Nam Á. Meng ngak iek hu jak jeng ini, Indonesia brei thau lac samar ba tame pandar nhiên liệu sinh học hijao, khang kajap di mangaok dom mbang par pajeng tuai, daong ngak hu bruk lac tanut tathuak nerak trun daok 0 dalam thun 2060 di Indonesia.

Mintri Năng lượng Mỹ pathau khan lac Mỹ meda ngak iek năng lực hạt nhân di drei mbang camriep kuhria meng di thun 1992. Bruk ngak di danak dak hhu yaom 1,8 tỷ đô la ini piah daong ka Mỹ ngak iek dom vũ khí hạt nhân di drei bo oh ngak tabiak sap patuh hagait saong piah tani tanat dom janih phao ndao ini jeng hu pandar tuk hu caong. Dom urang roh duah ilamo Mỹ meda samar drah payua dom pandap panda hu makna tal bhum sa mạc Nevada saong peih bruk ramik ngak meda hu peih ngak dalam thun 2025.

Dom urang roh duah brei thau, dom bruk langik tasik oh siam kayua  biến đổi khí hậu ngak khat lahik yaok thun 143 tỷ USD ka bruk kinh tế dunya. Ini lac bruk hu thau meng dom dữ liệu pambuak tal biến đổi khí hậu hu pataom mek dalam dua pluh thun tapa, meng thun 2000 tal thun 2019./.