Harei ini, Tổng Bí thư  Đảng Cộng sản Trung Quốc, Akok negar Cộng hòa nhân dân Trung Hoa Tập Cận Bình ba akaok kapol urang jakar pakat glong Trung Quốc mai tal Ban Ine Hà Nội, rivang pakat Karja taneh ia drei tui panuac da-a  di Tổng Bí thư  Nguyễn Phú Trọng saong diuk di ong, Akok negar Võ Văn Thưởng saong diuk di giat. Mbang rivang taneh ia drei di Tổng Bí thư, Chủ tịch Trung Quốc Tập Cận Bình saong Kapol urang jakar pakat glong di Đảng, Karja Trung Quốc hu caong khin lac brei mboh hu sa “ labik dang birau”, “patagok bruk birau” dalam bruk pambuak dua gah ngak brei dalam jang bruk ngak suai lavik anak tal di dua taneh ia tui jalan khang kajap, hu siam saong lagaih jang, rik tame  ngak brei salamat, tani tanat saong pambuak bruk dalam bhum saong dunya.

Di mbang taom gaok 65 urang hu angan je di abih dalam bhap bini urang bangsa takik mai hu mbaok dalam Danak dak pok meyaom urang hadah krah lac urang hu angan je dalam bhap bini bangsa takik pakat negar thun 2023, Akaok negar Võ Văn Thưởng brei thau: ini lac dom menuac hu hatung hatian biak siam mekre njauk iek praong. Dom taha palei, urang hu angan je hu rik daong praong dalam bruk patruh eik, patrun kathaot, khik caga siam mekre sron mbon puk palei, khik ramik saong patagok dom yaom glaong ilamu hadah krah di bangsa... Akaok negar kakei lac, dom taha palei njauk caik hatai sagka khik ramik, patoa veik meng rai ini tapa rai karei dom gheih mekre dalam ilamu di bangsa drei. 

Tỉnh Bến Tre urak ini hu labaih 78.000 ha taneh pala li-u, brei  baoh yaok thun labaih 688.000 tấn. Jaik di ini, hu bruk jao brei ilamu ky thuat  di gah ngak nong, pambuak bruk blei pandap ngak tabiak di dom doanh nghiep ngak tabiak meng li-u  pablei tabiak negar langiu hu daong po bein peih praong taneh pala li-u hữu cơ tagok labaih 18.000 ha, dalam nan hu 11.600 ha mek hu tanut chuan pablei tabiak negar langiu.    

Urak ini abih tih tapon pabui di tỉnh Trà Vinh tagok hu labaih 300 rabau drei, glaong jang 5% duk haong vaktu ini thun blaoh. Min tapon pabui raong dalam sang sit sot, oh ka hu klauk ginup jru pacang jit ruak. Piah khik caga tapon pabui, taphia di bruk ngak catang dom jalan pacang caga jit ruak; raong glang tui jalan salamat sinh học… gah thú y tỉnh Trà Vinh daok samar parabha vaccine saong brei urang jakar ilamu tacei pato, pasang iek piah ngak bruk klauk jru pacang caga.

Piah paglong mblang kapal haok Cà Mau taduan hu ahaok Airbus A321, praong, taduan raok hu  1 triệu tuai sa thun, njauk brei buh jien tame ngak 2.253 tỉ đồng oh ka kuhria jien peih taneh. Tổng công ty Mblang kapal haok Việt Nam (ACV) brei thau yau nan tapa harak payua tagok Mentri Jalan mbak pajeng ba, UB Khik iek  phun jien karja di doanh nghiep ka jalan peih praong mblang kapal haok Cà Mau. Tui quy hoạch taong abih bruk patagok dom mblang kapal haok, mblang kapal haok dalam negar vaktu  2021 -2023, pamong tal thun 2050, ye vaktu tal thun 2030 mblang kapal haok Cà Mau lac mbalng kapol pakat 4C, prein taduan raok 1 trieu  tuai damuai sa thun.   

Thủ tướng Malaysia Anwar Ibrahim daok tame bruk ramik veik rajaei haong rilo salih bahrau praong, dalam nan hu salih bahrau menuac ngak dalam dom jabat di Rajaei, sangka dahlau tal bruk cakrok kinh tế, patagok bruk buh jien tame ka gah y tế saong pato megru, pasang iek dom bruk đầu tư negar langiu piah padang veik hatai jia hadei di sa thun pan karja. Dalam dom mbang duah thau hatai sahneng di rahra dom bilan jaik ini, angan je di rajaei Malaysia trun rilo kayua urang suh sah ka bruk cakrok kinh tế suai damuai, lạm phát tagok glaong saong bruk salih bahrau oh yau panuac sanya. 

Di Singapore jit COVID-19 daok rah tabiak sraw kadau. Dalam adit puac bilan 11 tal akok bilan 12 meng blaoh, hu labaih 32 ribau urang njom ruak, tagok labaih  45% dut saong adit dahlau di nan. Dom urang ruak brei tame sang iek ruak tagok labaih 65% saong dom urang ruak brei iek glang catang meng 1 tagok tal 4 urang. Dom kadha ba tal bruk nan, lac kayua trun prein pacang  ruak dalam bhap bini, patagok bruk urang nao  ma-in dulich.

Mintri jien padai Mỹ meda ba tabiak sa adat bahrau di akaok thun 2024 piah pacang cakak bruk “rao jien” dalam gah sang danaok taneh riya – sa gah hu maong lac labik huan ka kol tội phạm pagam pambak tame dalam rilo thun tapa. Tui nan, dom Cty môi giới saong dom doanh nghiệp ngak bruk dalam gah sang danaok taneh riya hu bruk pathau khan haong jabat khik iek tội phạm jien padai ngan saong dom bruk ngak mboh medill, abih di nyu lac bruk pandar jien mbaok dalam tuk pablei salih sang danaok, taneh riya./.