Dalam harak pok tagok Rajaei ka bruk ramik đơn vị hành chính pakat huyen, pakat xa vaktu 2023-2025 di Ban raya HCM, UB bhap bini Ban raya kuhria caga ramik veik, pataom tame gauk 80 phuong di 190 quan dalam vaktu 2023-2025 saong ba tabiak dom jalan langyah  urang jakar, labik ngak bruk daok labaih hadei ramik ngak. Bruk ramik ngak đơn vị hành chính ngak kan kandah, pambak tal dom bruk ngak mbang, pala drak, pablei salih, patagok kinh te -xa hoi di ban. Kayua UB bhap bini Ban raya caong khin dom jabat chuc nang daong bhap bini salih dom janih harak gal hành chính kayua salih địa giới đơn vị hành chính bo oh mek jien atau kak jien je.

Meng harei 22 tal 24/1/1025, labaih 2.400 urang ngak daok ngak gah Meraong hu kapul Công Đoàn Việt Nam daong harak vé kapal ahaok atau vé radaih apui piah mai palei raok Tet Lanaih. Dalam nan hu ba labaih 400 đoàn viên, urang ngak di ban raya HCM nao palei dom tinh gah Barak. Labik mai tal mblang kapal ahaok Vinh (Nghệ An) saong kapal ahaok Nội Bài (Hà Nội). Gam haong nan hu daong labaih 2.000 đoàn viên saong urang ngak mai palei meng radaih apui jalan Barak – Meraong. Bruk daong ini piah brei kein lagaih ka dom urang ngak raidiuk kan kandah, rilo thun blaoh oh hu mai palei raok Tet.

Urak ini, yaom panat Thái janih 1 labaih 38.000 đồng sa kilo, hadei kaoh abih jien buh tame ngak, urang ngak nong di Tiền Giang kaoh abih laba meng 150 taol 200 trieu dong sa ha, glong rilo mbang dut saong pala padai. Peih ngak tui jalan salih janih phun pala lagaih haong bruk BĐKH saong “diuk rai haong nyu”, huyen akok kraong Tiền lac  Cai Lậy saong Cái Bè brei salih jaik 13.000 ha taneh pala padai tapa pala sa janih panat Thái. Panat brei paik baoh kuhria rah tapa labaih 20 tấn sa hecta, kuhria abih taneh dalam bhum yaok thun paik hu meng 260.000 tấn tal 300.000 tấn duh ka bruk pablei mbang saong pablei tabiak negar langiu.

So Ngak nong saong patagok palei pala tinh Dong Thap brei thau, labik glut jaleih dua gah ar tapen kraong Tiền hu praong labaih 2.000m2 hu pasiam veik anak meta. Dahlau di nan, harei 4/10, kayua hajan praong, ia sua gam haong ia tagok glaong, di labik tổ 27, puk 4, phường 11, ban Cao Lãnh (dua tapen ar kraong Tiền) rah tabiak mbang glut jaleih meng ar pacang Trung đoàn 9 nao tal gah angaok kraong atah labaih 130m,  ngak kan kandah tal 5 baoh sang rahra. Urak ini Sở Ngak nong saong Patagok palei pala Dong Thap pambuak haong Viện Kỹ thuật tasik  kuhria iek labik glut jaleih, jalan ar labik glut jaleih.

Pamong tal bruk salam uan Harei Drap ar ilamu Viet Nam 23/11, Meyim tỉnh Dak Lak pambuak haong Muyim Hùng Vương (Phú Thọ) peih bruk parang iek ngan haong kadha “Kong chieng Tay Nguyen - Pambuak bhum drap ar”. Hu 150 tu lieu, thaok binguk, pandap panda hu pang eik, yaih khan dua asar kadha nan lac: alat ragam kong chieng Tay Nguyen meng kan saong alat ragam kong chieng dalam raidiuk salih birau yau urak ini. Langiu di nan, di labik ini daok parang iek pandap pandar kaya kan, khan ao ngui cuh dom bangsa takik  di tinh Dak Lak; peih flim  tư lieu  ka drap ar di bhum taneh Dak Lak…

Urang dang akaok taneh ia Triều Tiên Kim Jong-Un bahrau ndom lac, taneh ia ini brei jhul samar drah dom yam nao piah jeng sa negar biak khang gah bol lin hu hạt nhân saong meda pandar hạt nhân meyah hu negar halei taong mai. Ong Kim Jong-un jeng pandar patagok bruk pacang caga di Triều Tiên, gam haong nan ngak catang bruk pambuak haong Nga daong pacang khik labik taneh ia saong dunya.  

Ribuk Milton hu khang tagok jeng ribuk pakat 5 dalam tanut 5 pakat, hu  meda ngak khat lahik trak ka kaoh pulao Yucatan di Mexico di jalan nao tal bang Florida di Mỹ. Urang jakar di bang Florida daok ba tabiak bruk brei pandon ba ralo. Yaom lac ribuk cadu trun tuk tame baoh taneh, min meda ngak hangin, hajan saong ia tasik tagok 2,4 tal 3,7m. Tổng thống Mỹ Joe Biden khan brei thau  bruk samar chip ngan haong Florida, brei adat peih ngak dom bruk daong bala di lien bang.

Liên hiệp quốc bahrau kakei dahlau, bruk pandiak tagok di khí quyển baoh taneh ngak ka bruk pambuak tal ia jeng bruk “oh bhian saong kan thau dahlau jang”. Ia sua, pandiak bhang khang lac “bruk bei mboh dahlau” ka dom bruk jaik rah tabiak tuk biến đổi khí hậu ngak ka bruk pabak saong pandar ia di dunya jeng bruk kan thau dahlau jang. Tui Liên hiệp quốc, urak ini hu 3,6 tỷ urang oh ginup ia taba takik abih sa mbang sa bilan sa thun. Kuhria lac tagok 5 tỷ dalam thun 2050./.