Thu tuong Phạm Minh Chính khan lac piah peih ngak hu lagaih Danak dak 06 ka “ Patagok ung dung dữ liệu ka bhap bini, định danh saong harak điện tử duh ka bruk salih số pakat negar vaktu 2022-2025, pamong tal thun 2030”, ye oh luai ka bhum lahik riyak langik saong điện, oh caik veik thei gah likuh. Meng ini tal Tet Nguyen dan, Thu tuong ieu kakei Akok UB bhap bini 12 tỉnh nan lac: Bạc Liêu, Bắc Ninh, Bến Tre, Đắk Lắk, Hưng Yên, Kiên Giang, Nam Định, Phú Thọ, Quảng Trị, Sóc Trăng, Vĩnh Long, Vĩnh Phúc samar peih bayar jien daong tani tanat raidiuk tapa jalan oh pandar jien mbaok.

TP.HCM meda peih bruk yaok cagar veik saong cuh phao bingu salam uan thun bharau 2024. Hu thau, tuk hu Thủ tướng Rajaei brei adat, ban raya meda peih bruk cuh phao bingu meng mon 12 melam tal mon 12 – 15 minit melam 1-1-2024 di lubang kraong Sài Gòn, TP Thủ Đức saong mblang bein Đầm Sen (quận 11). Danak dak yaok cagar veik salam uan thun bahrau hu peih tabiak di melam 31-12, di mblang bein rup patau CT Hồ Chí Minh saong jalan Nguyễn Huệ (quận 1). Dom danak dak daoh tamia hu peih tabiak dalam 2 malam 31-12-2023 saong 1-1-2024 di dom labik dalam ban raya. 

Hu 1.511 ho so di labaih 4.000 anek saih mai meng 12/13 tỉnh, thành ĐBSCL saong dom tỉnh, ban karei langiu bhum hu mbaok tame Mbang pakacah Padang mbang ngui Bhum taneran kraong Cuu Long thun 2023. Dom gah mboh rilo nan lac: Ngak nong, BĐKH, ngak tabiak pandap mbang, kong nghe, jalan pablei salih - darak pasar - jit vu, dulich…Mban peih bruk meda jao giai nhat yaom 100 trieu dong, giai nhi yaom 50 trieu dong, giai 3 yaom 45 trieu dong.

Dom harei jaik Tết Dương lịch, urang nong pala manaih di huyện Tân Phước dalam bhum Đồng Tháp Mười, tỉnh Tiền Giang chreih chrai lo kayua yaom menaih daok tagok khang. Dalam nan, yaom menaih baoh praong janih 1 hu urang blei salih mai blei yaom tal 11.000 đồng/kg, glaong di abih kuhria meng dahlau mai. Tui yaom ini, yaok ha menaih laba hu labaih 100 triệu đồng. Piah daong ka urang ngak nong paglaong kein laba di phun menaih, thun 2023, gah ngak nong huyện Tân Phước hu peih jaik 200 tal tacei pato ilamu pala ka jaik 4.300 sang urang nong piah hu baoh menaih paik luac thun. 

Tui Hãng kapal haok dunya Viet Nam (Vietnam Airlines), tukvak tapa, mboh bruk ja mek angan Vietnam Airlines piah alin hadiah pandap ka tuia damuai. Dom urang pachot pagat padang kapol nyaom chat meng dom angan laik phone hu blaoh atau hu tame dom nyaom Zalo, Viber, Facebook…mek angan Vietnam Airlines piah da-a tuai pambuak bruk ndem nyai nao mai angaok dom mạng XH gam hu bayar jien laba tui bruk jao ngak. Vietnam Airlines brei thau oh hu kapol nyaom atau pambuak bruk peih ngak dom danak biyar jien laba ka urang piah parilo bruk pambuak nao mai tui jalan hagaih halei.

Indonesia brei thau lac meda phạt dom Cty ngak dầu cọ meyah dom Cty ini ngak bruk dalam dom labik glai nhiệt đới. Yaom jien phạt meda tagok tal labaih 310 triệu đôla. Bilan dahlau, Indonesia mboh hu 200.000 ha đồn điền dầu cọ di dom labik hu tacei tabiak lac glai nhiệt đới. Tui kuhria, dom labik ini meda hu jao veik ka karja piah ngak veik jeng glai. Indonesia hu 3 triệu 300 rabau ha pala cọ dalam glai. Min bhahrau hu 1 triệu 670 rabau ha thau hu po di nyu.

Hàn Quốc daok dalam mbang langik la-an biak khang bilan brak. Langik la-an lo saong tuyết laik kapal 4,5cm, ngak brei mblang kapal haok pakat dunya Hàn Quốc njauk klaih klaoh. Cục Khí tượng Hàn Quốc kuhria mboh lac daok hu tuyết laik kapal gam hu ngin khang angaok pulao Jeju tal harei 23/12. Di Seoul, nhiệt độ biar abih di tuk mesup lac âm 15 độ C. Dahlau di nan, meng malam 20/12, Mintri Hành chính saong Salamat brei tagok tanut khan brei thau dahlau lac mbuan hu tuyết laik kapal “njauk caik hatai” tal “paglaong hatai sangka”.

 Ai Cập daok pambuak bruk haong dom taneh ia jaik taphia Biển Đỏ piah khik kajap bruk pajeng ba jalan tasik di bhum tasik ini. Ngoại trưởng Ai Cập Sameh Shoukry ndom lac, taong abih dom taneh ia jaik taphia Biển Đỏ njauk klah rabha bruk khik sron mbon ka bruk nao mai jalan tasik saong daong palagaih ka bruk nao tui jalan kênh đào Suez di Ai Cập. Tukvak tapa, gah Houthi hu peih ngak labaih 100 mbang taong meng kapal haoh oh hu menuac peih saong tên lửa pamaong tame 10 kapal pajeng pandap nao tapa Biển Đỏ./.