Patui danak dak Mbang nyaom ka 6, page ini, dom urang jakar Quoc hoi yer tangin brei tapa Hukum pablei salih taneh riya (pasiam veik). Hadei di nan, dom urang QH ginum biai ka danak dak Hukum pasiam veik, pabak dom asar kadha di Hukum Đấu giá yaom drap ar. Akok Mentri Tư pháp Lê Thành Long brei panuac langyah ngak brei cambaic laic dom asar kadha bo urang QH sangka. Biar harei, Quoc hoi yer tangin brei tapa Sarak ngak iek dom jalan peih ngak, sarak đặc thù ka bruk buh jien tame padang ngak danak dak jalan mbak saong Hukum Gah khik iek an ninh, trat tu di bhum palei.

Tui Liên đoàn Lao động (LĐLĐ) TP.HCM brei thau, dalam thun ini, kayua gaok cuang kandah kinh te dunya, bruk pablei salih di doanh nghiep gaok kan kandah. Dom doanh nghiệp njauk brei padeih harak pambuak gauk ngak bruk ngan haong urang ngak. Dom doanh nghiệp njauk brei ka urang ngak padeih piah cang bruk atau padeih ngak di harei sanecar yaok adit. Meng urak ini tal puac thun LĐLĐ TP.HCM meda peih ngak hu siam lagaih jalan ngak sangka ka Tết Nguyên đán ngan haong asal kadha lac "Tết tal yaok urang đoàn viên, urang ngak", sangka dahlau di abih ka dom urang ngak njauk brei trun maong ngak bruk, lahik bruk kayua doanh nghiep cakak bruk, trun takik bruk ngak.

Di huyen Bắc Tân Uyên, tỉnh Bình Dương daok tame bilan paik baoh kruac sành, min oh mboh thei mai blei. Kruac sành brei paik baoh rilo min kan pablei yau nan ye rilo urang ngak nong brei radaih pajeng nao pablei jao, atau caik kruac druh trun. Dom bilan kruac dahlau diah, tuk jaik tal tuk paik baoh, urang mai tame bein blei yaom meng 12.000 - 15.000 đồng sa kilo. Ngan haong yaom nan, kaoh abih jien buh tame blei khak buh, jien iek glang urang pala hu laba labaih. Urak ini, rilo đơn vị, kapol nyaom, urang dom palei peih pablei pandap online, daong urang ngak nong huyện Bắc Tân Uyên pablei kruac sành.

Sở Y tế tỉnh Kiên Giang brei thau lac, di ban Rạch Giá bahrau rahtabiak bruk rilo urang njauk jru mek pandap mbang ngak ka labaih 80 anek saih di 3 sang bac tiểu học njauk tame sang iek ruak hadei di var mbang di sang bac. Hu thau, var mbang kreih pandiak ngan haong 4 pandap mbang lac lisei, ia bai masam (hu bắp cải, tangei tei, manaih, ikan klik), ralaow pabui, mbang thar pabah haong panat. Tui bruk dut iek, dom chỉ tiêu vi sinh vật dalam ralaow pabui pabak ka dom adei anek saih di 3 sang bac tiểu học jeng yam tapa tanut brei pandar ba tal bruk oh salamat pandap mbang, ngak njauk jru mek pandap mbang ka parilo manuac.

Hadei labaih 1 adit peih ngak, Le hoi Oóc Om Bóc - Đua ghe Ngo tỉnh Sóc Trăng thun 2023 tamat di biar harei kabroi. Dua ghe Ngo di baha Tum Núp mai meng xã An Ninh, huyện Châu Thành, tỉnh Sóc Trăng mek hu jayak glong abih di dua asar kadha pakacah lac, vah ghe atah 1.200 m ghe Ngo likei saong 1.000 m ghe Ngo kumei. Di le hoi daok peih ngak dom bruk yau: Pataom Sap daoh papar binguk sap Khmer di bhum Nam Bộ; Parang thaot binguk nghe thuat; Nyaom darak pasar pablei salih pandap OCOP saong pandap kaya bingi di bhum taneh Sóc Trăng; Pataom pandap mbang jalan pho; Nyaom biai pablei salih, pambuak bruk pablei pandap tỉnh Sóc Trăng.

Ủy ban pilih ruah Indonesia (KPU) bahrau tabiak panuac Pathau khan ka danak dak pilih ruah saron mbon thun 2024, tok sa harei dahlau di danak dak jak ba pilih ruah hu peih tabiak. Tui pathau khan ini, 18 đảng phái chính trị saong 3 gu pambuak gauk tabiak mbaok pilih ruah Tổng thống – Phó Tổng thống di Indonesia sanya peih bruk pilih ruah dalam bruk jumpataom gauk saong khik taong abih gah dalam taneh ia, iek glaong bruk parilo janih saong peih bruk pilih ruah biak salamat, oh neh rabha gauk tui kapul nyaom, oh pagam pambak tame dom bruk agama bangsa,… meng harei ini, vak tu jak ba pilih ruah hu peih tabiak di grauk labik dalam taneh ia Indonesia saong dui atah tal harei 10/2/2024.

Yaok thun, tal kreh bilan 12 Phật lịch ( bilan 11 tui saka ia harei – DL), di Pha Thatluang ban ine Viêng Chăn peih ngak roya Thatluang, pling yang, le hoi ilamu Phật giáo praong abih dalam thun di Lào. Le hoi pambuak haong Pha Thatluang, dalikan lac sa dalam takik baoh baha di dunya hu khik ramik xá lợi di Đức Phật Thích Ca Mầu Ni tuk gait tame Niết Bàn. Tui urang Lào, Pha Thatluang lac labik urang Lào, oh lac bhap bini atau ong sư njuak brei hu mbaok, meyah diukrai oh ka hu mbaok Le hoi Thatluang ye oh njauk urang Lào.

Kanja Peru bahrau cuh klaak labaih 19 tấn ma túy suan adat hukum. Ini lac mbang cuh klaak ma tuy praong ka 4 pak taneh ia ini dalam thun ini. Dalam thun ini, kanja Peru hu yah klaak 771 bilik dut iek ma túy saong 65 jalan kandauk, gam tui di nan jeng taong tayah 115 kapul kol toi pham pablei salih ma túy. Peru gam haong Colombia saong Bolivi lac 3 taneh ia ngak tabiak cocaine rilo abih di dunya./.