UBND TPHCM birau ba tabiak  brei adat kuhria taneh ngak sang daok ngan haong baoh sang, urang pandar taneh dahlau di harei 18/12/1980 saong dahlau harei 15/10/1993 di taneh TPHCM. Dalam tuk nan taneh daok ngan haong baoh sang, urang pandar taneh saong dom jabat karja hu pambuak tal bruk langyah ho so tut angan, brei Harak ba-ar pandar taneh, ngak po drap ar pambuak haong taneh  di baoh sang, urang  di dom quan pasak oh tapa 160 m2 ka sa baoh sang, urang. Tanut taneh hu ralo abih lac di huyen Can Gio saong dom labik  daok veik di dom xã dalam huyện Bình Chánh, Hóc Môn, Củ Chi, Nhà Bè oh tapa 300m2 sa baoh sang, urang.

Tinh Tra Vinh bahrau peih ngak pakak rilo bruk ka Harei padang mbang ngui. Harei pataom mbaok rah tabiak rilo danak dak, yau: Peih dom tal pato pakai, paglong ilamo ka bruk padang mbang ngui; yaih khan dom ka pandap OCOP, dom kaya pandap mek hu giải di dom mbang pakacah padang mbang ngui, dom bruk pandar ilamo khoa học, salih bahrau saong krah hadah cong nghe. Dom bruk  hu peih ngak piah jhul khang dom bruk pambuak, buh jien buh prein tame haong dom hatai sahneng, danak dak padang mbang ngui mbuan siam lagaih glaong. Ini jeng lac kein lagaih piah yaih khan dom kaya pandap, yit vu khoa học, công nghệ mai tal haong urang pandar saong daong patagok darak pasar khoa học, cong nghe. (VOV) 

Pambuak tal bruk sa baoh sang di huyện Hòa Bình, tỉnh Bạc Liêu ndok jien labaih 167 tỷ đồng kayua sahaneng lac sauk kadik got ndien hangin laik ngak ikan dalam 15 danao metai, So Kong thuong tỉnh Bạc Liêu khan lac, hadei tuk thau lac ikan metai, baoh sang nan njauk hatai taduan jien daong 500 trieu dong. Dahlau di nan bilan 3 sauk kadik got ndien daok peih di Sang mac Điện gió Hoà Bình 5 di palei Vĩnh Mới, xã Vĩnh Thịnh, huyện Hòa Bình. Yau nan min, oh ngak hagiat jhak tal manuac, min drap ar kuhria khat lahik labaih 200 tỷ đồng. Ini lac sang mac ndien hangin praong abih di taneh tapen tasik di bhum Taneran kraong Cuu Long.

Urang ngak hamu padai di  bhum Pak kieng Long Xuyên daok duh hatai tuk anek rik mai mbang padai rilo. Ong Huỳnh Văn Cộ, palei Láng Cơm, xa Bình Giang, huyen Hòn Đất, tinh Kien Giang brei thau, anek rik mbang padai tagok biak glaong, ngak lahik padai meng 30 - 40% saong ngak jhak asar brah yau nan ye urang blei yaom biar lap. Thạc sĩ Nguyễn Phước Tuyên dahlau diah lac Yam Ndok Pasak pachreih urang ngak nong tinh Dong Thap brei thau, anek rik njuk asar padai, hu dak tame kapul anek ruak ngak lahik padai. Kayua anek ini thau par, kayua nan mikva brei pruh jru meng hadah page, dahlau mon 8 tuk piah daong ka bruk pruh jru hu siam lagaih.

Tây Ninh oh lac dom bhum taneh hu rilo adat cambat biak gheih karei yau ceik Bà Đen, Toà thánh Cao Đài Tây Ninh...bo daok palei ngak nhanh gilau danei angan grauk labik gah Meraong. Bruk ngak nhang di muk kei pak di tỉnh Tây Ninh lac sa dalam 9 drap ar ilamo phi vật thể pakat negar birau hu Mentri Ilamo - The thao saong Du lich hu taduan. Urak ini, bruk ngak nhang meng kan di Tây Ninh pataom tame di ban sit Hoà Thành, Trảng Bàng, dom huyện Gò Dầu, Dương Minh Châu, Tân Biên saong Ban Tây Ninh.

Bộ Tổng tham mưu Bol lin Rahra Triều Tiên bahrau ndom lac, taneh ia ini brei cakak abih dom jalan tabak saong jalan radaih apui hu pambuak Hàn Quốc, meng harei ini (9/10); gam haong nan pasiam veik dom labik tapen negar. Tui bol lin Triều Tiên, ini lac bruk ngak catang di taneh ia ini anak dom bruk pasram bol lin piah srap gap ka mesruh metiak jaik rah tabiak di Hàn Quốc, jeng yau dom “mbang mai rivang” bhian di dom gah bol lin hạt nhân di Mỹ.

Hadei tuk gaok bala kayua ribuk Helene rah tabiak, rilo taneh ia, abih di nyu lac Mỹ gaok veik kan kandah kayua ribuk Milton. Ini lac mbang ribuk pakat 5 lac pakat glong abih dalam pakat ribuk, tui kuhria ribuk tuh tame ar tasik bhum kreh di tieu bang Florida, Mỹ dalam melam 9/10. Mbiah ini hu 5 trieu urang bhap bini hu brei panduan ba nao labik salamat. Labaih 20 hạt di bang ini hu tabiak adat brei panduan ba nao labik karei saong brei halan tian nao. Tổng thống Mỹ Joe Biden brei padeih mbang par  nao ngak bruk negar langiu piah daok veik tui kuhria caga bruk rah tabiak di ribuk khang Milton.

Takik abih 5 urang metai sahaneng kayua mebuk pandiak di Chennai, Ấn Độ dalam harei 6/10 dalam var parang iek di Bol lin kapal ahaok Ấn Độ haong labaih 1,5 trieu urang hu mbaok tame. Rilo tuai damuai pataom di labik parang iek kapal ahaok Ấn Độ, dalam tuk langik pandiak tagok labaih 35 độ C ngak rilo urang mebuk pandiak, kurang ia saong mblung yava, dalam tuk gar jalan mbak. Dalam jaik 100 urang hu ba tame dom sang iek ruak ye hu 7 urang daok taong ruak saong 93 urang hu taong ruak di sang./.