Meng harei 1 tal harei 31/1/2024, di Palei Ilamu – Dulich dom bangsa Viet Nam (Sơn Tây, Hà Nội) peih ngak dom bruk dalam bilan 1 ngan haong kadha “ Huong xuan Tây Bắc” piah yaih khan bruk chreih chrai uan raok xuan akaok thun birau gam haong dom adat cambat di bhap bini dom bangsa takik. Tapa nan, rik tame khik ramik, patagok yaih khan dom ilamu meng kan saong parilo mbang taom gaok dom bnagsa, pambuak kajap jum pataom, daong gauk patagok. Dom bruk nan hu mbaok di labaih 100 bhap bini mai meng 16 bangsa (Nùng, Tày, Dao, Mông, Mường, Lào, Thái, Khơ Mú, Tà Ôi, Cơ Tu, Bahnar, Xê Đăng, Raglai, Ê Đê, Khmer mai meng dom bhum palei dalam negar piah uan raok Tet, ma-in Xuan.

UBND TP.HCM meda peih Harei pataom bingu xuân sak ine girai di mblang bein Tao Đàn dalam 10 harei, meng harei 6 tal harei 15/2/2024 (lac meng harei 26 bilan mat thun sak tapai tal harei 6 Tết thun sak ine girai). Asal kadha di harei pataom bingu xuan thun ini lac "Xuân anit ranam - Tết jumpataom gauk”. Harei pataom bingu xuân hu parang iek, pakacah ilamo dhar bingu, ikan kiểng, non bộ, tiểu cảnh…Tui kuhria hu labaih 40 gian hàng dom pandap angan je di gah ngak bingu saong pandap khik piah ka tuai mai tal Harei pataom bingu xuân thun ini. Langiu di nan daok yaok ratuh darak bingu pakat quận, huyện hu peih dalam tuk Tet thun sak ine girai ini.

UB bhap bini tỉnh Tiền Giang birau tabiak harak lac xã Phú Đông saong Phú Tân, huyện Tân Phú Đông mek hu tanut chuẩn palei pala birau. Dalam dom thun tapa, dom danak dak sang bac, balai y te, pasak ilamu- the thao, sang ilamu dom pakat, pambuak dom puk saong dom danak dak brei ka bhap bini di dua xã hu buh jien tame ngak pasiam. Rilo danak dak, daong raidiuk tani tanat hu daong tui rilo jalan. Baoh sang bhap bini hu pandar điện hadah saong ia hacih dak harei dak ralo. Meng nan raidiuk mikva dak harei dak hu paglong jang.

# Danak dak ilamo kong nghe “caik camera piah tui iek, khik caga glai, tasik saong labik Bein pakat negar Mũi Cà Mau” hu peih ngak meng bilan 4/2023 hu patagok dom yaom glaong. 6 camera hu caik daong pasang iek mblang taneh praong tagok tal labaih 29.000 ha. Ong Lê Văn Dũng, Yam ndok Bein pakat negar Mũi Cà Mau brei thau lac, dom camera mek thaot binguk, dữ liệu mai ti vi saong phone pan tangin piah pasang iek, khik ramik, daong khk kaya glai, kaya tasik. Taphia di nan, duah mboh, pacang cakak samar drah bruk taong mek kaya tasik suan adat hukum, jah klaak glai di dalam labik Bein pakat negar Mũi Cà Mau.

Urak ini, rilo urang pala patei di xã Cây Giáo, Thanh Bình saong sông Trầu (huyện Trảng Bom, tỉnh Đồng Nai) yau “daok angaok mbuk apui” kayua labaih 10 ha taneh pala patei pagam phun thu la-iu, metai hadei buh khak oh siam. Tui rilo urang ngak nong lac, mikva buh khak hu cih huroh angak ao papaok cambaic laic: Phân NPK 20-20-15, 100% kayua Công ty TNHH SX TM N.H.P. (TPHCM) blei tame mai meng negar langiu, khak drak hu ngak tabiak di KCN Quốc Quang (tỉnh Long An). Urak ini, Thanh tra Sở NN-PTNT tỉnh Đồng Nai hu mbaok di dom bein patei duah thau, tavak harak mek mau khak piah dut iek, min tal ini oh thau makna di nyu.

Kanja quân sự pak Myanmar bahrau tabiak panuac lac meda peih palao labaih 9.650 urang daok guk tui adat ân xá piah pahadar “harei độc lập di taneh ia”. Dalam sa pathau khan katut di mangaok rayo papar sap taneh ia ini, kanja quân sự Myanmar brei thau lac, piah khik talei pambuak bruk haong dom taneh ia karei saong kayua bruk pahla, mbang ini Myanmar peih palao 114 urang daok guk lac urang negar langiu. Dom urang nan njauk ba tabiak truh taneh ia Myanmar.

Tổng thư ký Liên hợp quốc Antonio Guterres meyaom bruk bayar urang guk di Nga saong Ucraina, gam brei mboh hatai caong khin dom bruk kham merat nan hu patui ngak veik dalam tukvak anak tal. Tui TTK Liên hợp quốc, bruk bayar urang guk yau brei mboh bruk kham merat ginum biai di dua gah saong bruk daong di Dom tiểu vương quốc Ả Rập thống nhất. Tổng thư ký LHQ caong khin, bruk ini meda hu pambuak tapa dom bruk bayar urang guk pabak veik saong kham merat ngak brei trun bruk mesruh gauk.

Anak bruk jit ruak pandiak tabiak darah daok tagok khang, meng harei 7 tal harei 13/1 anak tal, Sri Lanka meda patabiak adit pacang caga ruak pandiak tabiak darah di dalam taneh ia. Adit ini piah paglaong hatai sahaneng di rahra dalam bruk pacang caga jit ruak. Langiu di bruk pathau khan dom jalan pacang caha ruak, danak dak meda jhul khang dom bruk ngak piah palai lahik labik caih mebaoh di jamaok di 70 labik mbuan tamuh tabiak jit ruak pandiak tabiak darah glaong. Thun blaoh, negar ini hu labaih 88 ribau urang ruak pandiak tabiak darah saong 57 urang metai.