Meng thun 2025, mbang pakacah tamat THPT hu peih ngak tui tacei pato di danak dak pato megru pho thong birau (Danak dak thun 2018) nan lac taong yaom abih gah prein bac di urang bac. Mentri Pato megru hu ngak kadha pakacah saong đề thi iek tamat THPT meng thun 2025 di 11 mon pakacah. Tui Thứ trưởng Mentri Pato Phạm Ngọc Thưởng, bruk hu makna praong abih di urak ini nan lac padang ngak gilang tapuk, gilang panuac tangin sua piah pakacah. Ini lac dom asar kadha bac dalam, njauk brei rik tame panuac tangi sua di dom urang ilamu, urang khik iek bruk pato pakai.

Urang Cam di tỉnh An Giang daok yam tame bilan eik Ramadan. Dom harei meng blaoh, dom gah chức năng tỉnh An Giang hu mai ravang, alin hadiah pandap ka dom sang megik, dom surao, dom ong hakim saong mikva urang Cam sang kan kandah daok di dom palei Cam, haong hatai caong khin mikva hu sa bilan eik Ramadan sambai suka, saong daok yam takai nao gam haong karja palei, hu mbaok tame dom bruk pakacah gauk anit ranam taneh ia. Hu thau, dom harei tapa, mBan đại diện Cộng đồng Hồi giáo tỉnh An Giang taduan hu abih tih 900 pok pandap brei ka mikva sang kan kandah.

Ban raya HCM brei patagok bruk mesruh pacang kol kanjak jhak angaok mạng, dak padang labik mạng hu siam mekre. Tui nan, ban raya meda brei padang ngak, ba tame pandar 48 blah mạng XH piah ngak kênh pabak khaw tin saong taduan panuac khan di bhap bini angaok mạng. Sở Khaw tin – Truyen thong Ban raya HCM hu blah mạng XH Zalo piah pabak khaw tin ka bhap bini hu thau ka jalan ngak, sarak, tui nan jhul pakhang bruk tame nan ndem nao mai, pambuak bruk saong jabat chức năng.

Viện Kiểm sát bhap bini tỉnh Tây Ninh hu jao pok jien labaih 2 tỷ meteh brei ka ong Nguyễn Văn Dũng, umo 63 thun, daok di xã Minh Tân, huyện Dầu Tiếng, tỉnh Bình Dương. Ini lac pok jien bayar tui panuac kaoh di a TAND pakat glaong di TP.HCM meng bilan 8/2022. Ong Dũng saong menuac dalam sang njauk cap khik kayua medil lac gam tal sa bruk blah di thun 1979. Tal thun 1983, Công an oh brei mboh hu duas di dom urang nan, nan ye brei peih palao tabiak. Min tal thun 2019 ong Dũng haong menuac dalam sang meng taduan hu harak brei padeih điều tra di công an saong peih bruk likau ma-ah, bayar khat lahik. Hadei di rilo mbang khiếu nại, tal harei ini ong Dũng meng taduan hu jien bayar bruk oan sai.

Urak ini, rilo jalan kraong ribaong di Bhum taneran kraong Cuu Long tagok tabung glong tanut 2, hu labik sumu tanut 3. Daok dalam bilan thu lagu nan ye ia ndik tagok glong meda jhul ia mbak tame dalam mblang hamu. Tui dut iek mboh harei paguh, di labik tapen tasik Biển Đông ia mbak meda lih tame dak harei dak dalam, ia mbak dui atah saong tabung glong, ia mbak 4 ngaok sa ribau tame dalam taneh meng 50-60 km. Dom bhum palei njauk brei peih kareih pabah kraong ribaong dut iek ia mbak , caga ia taba piah tuk ia ,mbak tagok glong saong dui atah meng ini tal harei 15/3.

Di harei camereip di bilan eik Ramadan di urang Islam, harei kabroi, TTK Liên Hợp Quốc hu ndom veik panuac ieu padeih cuk chip di dải Gaza, saong Hamas brei peih palao taong abih con tin. TTK Liên Hợp Quốc ndom lac, hukum  nhân đạo dunya daok oh hu ngak tui saong bruk Israel taong tame Rafah – labik pataom rilo rahra di Gaza, meda jhul menuac sia daok pak ini tame norka dunya trak damak jang. Urang dang akaok Liên Hợp Quốc jeng hu panuac ieu veik lac, brei padeih dom bruk mesruh gauk di Sudan dalam bilan eik Ramadan, saong ndom lac bruk mesruh gauk di taneh ia ini tal tuk njauk padeih veik.

Hajan praong ia sua saong glut jaleih taneh trak dom harei tapa di Indonesia ngak brei takik abih 26 urang metai, tal urak ini jeng daok 6 urang lahik oh ka mboh. Langiu di nan, yaok rabau bhap bini klak sang danaok nao daok labik karei. Gah daong duah urang hu mai labik gaok bala trak kayua ribuk piah daong chip. Mbiah tal ini, takik di nyu lac 39.000 urang gaok kan kandah kayua ia dauk ia sua saong glut jaleih taneh di Indonesia.

Labaih 80% cử tri Nga daok caga buh phiếu ka ong Vladimir Putin dalam bruk pilih ruah urang tagok ngak Tổng thống anak tal. Ini lac bruk duah thau kayua Viện taom gaok menuac sia Nga ba tabiak harei kabroi. Bruk pilih ruah urang tagok ngak Tổng thống Nga hu peih tabiak meng harei 15 tal harei 17/3/2024. Meyah Tổng thống Nga Putin mek hu jayah dalam mbang pilih ruah anak tal, ong jeng urang ngak Tổng thống mbang ka 5 gam gam./.