Dah page ini, dom urang lambaok di TPHCM kayua Ủy viên Mintri Chính trị, Bí thư Thành ủy TPHCM Nguyễn Văn Nên dang akaok kapul nao rivang gru pato saong dom sang gru pato angan je di tuk pahadar 41 thun Harei gru pato Việt Nam (20-11). Kapul hu nao rivang GS-TS Chu Phạm Ngọc Sơn, Phó akaok Liên hiệp dom Kapul Ilamo saong Kỹ thuật TPHCM; rivang amuk Phan Thị Nở, Phó Yam ndok Sở Pato magru TPHCM dahlau deih, Phó akaok Ủy ban Daong khik amaik, uranaih. Di dom labik nao rivang, Bí thư Thành ủy Nguyễn Văn Nên payua panuac sua tangi, payua panuac tadhau ayuh prein yava tal dom gru pato, gam tui di nan jeng brei mboh hatai jia tame dom gru pato patui veik rik prein tame, parabha ilamo biak siam gheih ka rai ranaih, abih di nyu nan lac dalam bruk roh duah ilamo, bruk pato magru.

Tal jhung bilan 10 meng blaoh, Đồng Nai daok dalam nyaom 10 tỉnh, ban dui pachreih phun jien taneh ia langiu buh tame ngak mbang (FDI) praong abih dalam taneh ia haong yaom phun jien abih tih labaih 1 tỷ USD. Dom danak dak hu pabak bahrau saong ramik brei tagok phun jien rilo meng lac di dom labik ngak kong dalam tỉnh. Tapa nan, dui pachreih FDI tame dom labik ngak kong di Đồng Nai yam tapa bruk ba tabiak dalam thun ini (lac 700 triệu USD). Đồng Nai urak ini lac tỉnh hu quy hoạch patagok labik ngak kong praong abih duk saong dom labik karei dalam taneh ia ngan haong 39 labik ngak kong hu quy hoạch, praong abih tih 18 rabau 500 ha.

Tukvak jaik ini, sang bein pala durain pak tỉnh Tiền Giang pandar jalan klok gha, pruh ia saong pruh jru ka phun tabiak baoh suan bilan. Min kayua langik tasik biak kan kandah ngak ka phun tabiak bingu, tabiak baoh tok hu labaih mateh. Tui sang bein, dom phun durain tabiak baoh takik kayua puac thun rahtabiak rilo mbang hajan khang gam haong hangin yuk khang nan ye ngak ka phun salih hala, tabiak jaduk mada ngak kan kandah tal bruk tabiak baoh. Tiền Giang hu mblang taneh pala durain praong dalam taneh ia lac labaih 20 ribau ha.

Sang bein pala cam di bhum ĐBSCL daok mek jien tame hu takik kayua yaom cam trun. Dom baoh cam praong, mekre tok pablei hu 2.000 đồng/kg. Sa bein paik hu 1 tấn min pablei tok hu 2 triệu đồng. Ong Nguyễn Văn Liêm – Phaok Yam ndok Sở Ngak nong saong patagok palei pala tỉnh Vĩnh Long brei thau: Dalam tỉnh urak ini hu 17 rabau ha pala cam. Yaok thun paik hu 1 triệu tấn baoh, meyah kuhria rah tapa ye 1 harei brei pablei tabiak jaik 3.000 tấn cam. Ini lac sa kan kandah biak praong. Hu thau dalam thun ini, cam sành hu 2 mbang laik yaom ngak ka dom po bein khat phun jien.

Dalam danak dak Harei pataom Ilamo dom bangsa tỉnh Đắk Lắk thun 2023, Sở Ilamo - Thể thao saong Du lịch tỉnh Đắk Lắk peih bruk parang iek adat raok pa-ngan-tin likei di urang Ê Đê. Bruk parang iek adat ini piah khik ramik, patagok dom yaom glaong ilamo siam gheih meng kan di dom bangsa dalam tỉnh Đắk Lắk jeng yau di Tây Nguyên, jhul samar bruk cak rok patagok du lịch saong rik daong peih ngak jayah Danak dak bruk ngak negar ka cak rok patagok kinh tế - xã hội bhum urang bangsa takik saong bhum ceik.

Tổng thống Nga Vladimir Putin brei thau, patagok kinh tế Nga tui kuhria meda yam tapa 3% dalam thun ini, siam jang duk haong kuhria mboh dahlau di nan, yaom lac gaok kan kandah meng bruk mesruh gauk haong Ucraina saong dom lệnh trừng phạt di phương Tây. Thun blaoh, kinh tế Nga trun 2,1%, tuk phương Tây ba tabiak dom lệnh trừng phạt praong, dalam, kateik tagok Nga kayua mesruh gauk di Ucraina. Yau nan min, iek tui bruk tagok khang dalam dom bilan jaik ini, meda ndom lac bruk patagok 3% ka abih thun 2023 lac meda ngak hu. 

Rajaei Ấn Độ hu ba tabiak 5 jalan ngak dalam tuk bruk daong ka 41 urang ngak kong daok gar dalam jalan lubang Silkyara pak Uttarkashi yam tapa harei ka 8. Jabat chức năng brei thau lac rajaei sanya daong ka taong abih tih dom urang ngak hu salamat. Kapul daong duah urang njaukbala jeng hu payua Vitamin, jru pacang trầm cảm saong baoh mayau bluh thu tame ka dom urang daok gar di mala. Urang jakar oh ndem ka makna ba tal bruk jaleih jalan lubang, min bhum ini bhian gaok bruk glut jaleih, magei baoh taneh saong hajan ia sua.

Di Cộng hòa Dominica, dalam dom harei tapa hajan praong ngak brei takik di abih 21 urang metai saong yaok rabau menuac njauk panduan nao labik karei. Yaok rabau baoh sang dauk dalam ia, dalam tuk lahik điện di rilo labik praong, rilo tatua, jalan khut saong jalan phone di 45 labik bhap bini daok klaih klaoh. Tal urak ini hu labaih 2.500 menuac hu dom gah cứu hộ daong saong bruk daong nan jeng daok hu peih tabiak./.