Tổng Công ty Bưu điện Việt Nam (Vietnam Post) brei thau lac, piah palagaih ka urang hu mbang jien bilan padeih huu, jien daong Bảo hiểm xã hội yaok bilan dalam tuk Tết Nguyên đán sak ine girai thun 2024, Bưu điện Việt Nam meda biyar pataom sa mbang bilan 1 saong bilan 2/2024 ka urang hu mbang jien bilan padeih huu. Bruk biyar hu pandar tui dua jalan lac taduan tapa thẻ ATM saong taduan jien mbaok di Bưu điện. Bưu điện meda biyar jien tapa tài khoản ATM hadei di tuk taduan hu angan saong jien meng Bảo hiểm xã hội suai di abih di harei hadei. Tukvak biyar jien di dom labik oh salih, tok karei lac urang hu biyar meda taduan hu jien chế độ di dua bilan dalam sa mbang biyar jien.

Tui pathau khan di Sở LĐTBXH Long An, yaom thưởng Tết Nguyên đán thun ini glaong di abih lac 5 tỷ 686 triệu đồng sa urang di doanh nghiệp (DN) hu phun jien negar langiu buh tame ngak mbang. Yaom jien thưởng kuhria rah tapa lac 7 triệu đồng sa urang, yaom jien thưởng biar di abih lac 500.000 đồng sa urang ngan saong urang ngak bahrau ngak bruk oh ka tal 1 thun. Daok jien thưởng Tết Dương lịch 2024, dom DN di tỉnh Long An thưởng kuhria rah tapa lac 1 triệu đồng sa urang, yaom jien thưởng glaong di abih lac 6 triệu đồng sa urang saong biar di abih lac 100.000 đồng sa urang ka dom urang bahrau tame ngak oh ka tal 1 thun. Yaom jien thưởng 5 tỷ 686 triệu đồng hu Long An mboh lac ini yaom thưởng Tết glaong abih dalam taneh ia. Dom thun jaik ini, yaom thưởng Tết glaong abih bhian trun tagok meng 1-2 tỷ đồng. 

Hadei di 3 thun hu dom pakat Kapul urang kumei tỉnh Kon Tum kham marat peih ngak, Danak dak 8 ka bruk likei kumei samu gauk, langyah dom bruk njauk ngak chip ka urang kumei saong uranaih hu ba mai kein lagaih ka urang kumei saong uranaih di bhum palei. Kapul urang kumei dalam tỉnh hu padang ngak labaih 280 kapul pathau khan ka rahra ngan haong labaih 2.000 urang hu mbaok tame; khik tani tanat saong ba tame ngak 70 labik njauk caik hatai jia piah daong khik dom urang njauk bala di bruk taong paoh gauk dalam sang, bruk taong paoh gauk di urang kumei saong likei; padang ngak hu siam rilo hợp tác xã, kapul pambuak gauk ngak dui pachreih hu labaih 2.000 urang lac urang kumei bangsa takik, tapa nan daong ka labaih 1.700 urang dalam kapul cak rok patagok bruk mbang ngui yam tagok tabiak truh kan kathaot.

Mesup ini, Sở Jalan mbak Pajeng ba tỉnh Long An brei thau: meda brei takik radaih peih nduac angaok jalan cao tốc TP.HCM – Trung Lương di harei paguh piah ngak dom bruk di labik tatua cầu vượt ka 3. Tui nan, meng mon 6 mesup tal mon 3 biar harei 27/12, dom kapul padang ngak dom bruk di labik tatua cầu vượt ka 3 tapa jalan cao tốc TP.HCM - Trung Lương, labik tapa khu dân cư MT-Land, di Km28+620 dalam huyện Thủ Thừa, tỉnh Long An (jaik tatua ka 3 urak ini). Ini lac bruk ngak pasaim jalan ĐT.818 labik meng jalan roya 1 tal jalan Roya N2. Sở Jalan mbak Pajeng ba tỉnh Long An hu panuac ieu dom radaih takik nao tapa jalan cao tốc TP.HCM - Trung Lương dalam tukvak yau ndom angaok nan

Dalam tuk darak pasa ameh dunya daok joa gidang, ameh dalam taneh ia gam gam trun tagok khang. Yaom ameh dalam taneh ia di dah page ini hu công ty ameh praik đá quý ramik yaom di tabung glaong bahrau, yam tal tanut 79 triệu đồng sa mbaik. Công ty ameh praik đá quý Sài Gòn tauk yaom ameh SJC di tanut 77 triệu 700 - 78 triệu 720 rabau đồng sa mbaik, tagok 300 ribau dong sa mbaik meng yaom blei tame saong yaom pablei tabiak dut saong puac bier harei kabroi. Jeng deih yau nan, Tập đoàn Vàng Bạc đá quý Phú Quý tauk yaom ameh SJC di tanut 77 triệu 600 rabau - 78 triệu 600 rabau đồng sa mbaik, tagok 300 ribau đồng sa mbaik di gah blei tame saong tagok 200 ribau đồng sa mbaik di gah pablei tabiak dut saong biar harei kabroi.

Brei panuac di Nyaom biai pakat glaong pambuak bruk Mekong - Lan Thương (MLC) mbang ka 4 hu peih ngak tui jalan online di harei kabroi, Thủ tướng Trung Quốc Lý Cường ndom lac pambuak bruk Mekong – Lan Thương hu ngak jeng prein jhul patagok khang kadang saong caong khin bruk pambuak gauk dalam bhum ini tame dalam jang saong siam lagaih jang. Thủ tướng Lý Cường mboh lac, pambuak bruk Mekong – Lan Thương lac bruk praong kayua 6 taneh ia lac: Trung Quốc, Campuchia, Lào, Myanmar, Thái Lan, Việt Nam ba tabiak saong jhul patagok, hu ngak jeng prein khang jhul patagok, dak padang hala pacang khang kajap ka an ninh haong gauk, kak kajap jang hatai anit ranam dalam siam mekre. 

Tui Gah Y tế dunya (WHO), SARS-CoV-2 daok hu saong daok tamuh tabiak rai bahrau, njauk caik hatai pasang iek saong taong yaom ka bruk njom pambak ruak. Kapul langyah ilamo ka bruk tamuh tabiak rai bahrau du SARS-CoV-2 di WHO hu dom mbang ginum biai piah taong yaom dom kanjak jhak di bruk tamuh tabiak rai bahrau di SARS-CoV-2 ngan haong dom janih kháng nguyên vắc xin Covid-19; saong langyah ka WHO ka bruk lac njauk salih karei dom janih dalamvacxin halei oh. Gam haong khau tin bahrau abih ka dom janih kháng nguyên di vắc xin Covid-19, WHO brei thau lac, dom danak dak klauk jru meda hu patui veik brei pandar janih vắc xin Covid-19 halei hu dalam angan pandar samar drah atau hu sơ tuyển di WHO.

Tui bruk pacang caga ma túy, “Mai veik 0”, meng di harei ini, gah chức năng Thái Lan brei am cuh klaak dom ma túy praong abih kuhria meng dahlau mai, tagok tal 340 tấn, hu parabha jeng 2 mbang. Mbang camereip brei am cuh klak 110 tấn ma túy dalam 8 harei, kuhria meng harei ini. Mbang patui di nan meng bilan 1/2024 brei am cuh klaak 230 tấn ma túy. Gah chức năng Thái Lan brei thau lac hu buh tabiak 9 triệu Baht (samu 260.000 USD) piah ngak bruk am cuh klaak ma túy. Sa kadha bahrau njauk ndom tal nan lac dom janih ma túy hu cảnh sát cap mek dalam dom vụ án meda ba nao am cuh klaak chip bo oh cang tal tuk vụ án tamat blaoh./.